১ থিষলনীকীয় 1:3 - Chakma Bible

³ বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

১ থিষলনীকীয় 1:3 ပူးပေါင်းရင်းမြစ်များ

পত্থম 29:20

ইয়েন পরেদি যাকোবে রাহেলত্তে সাত বজর্‌ সং কাম্‌ গুরিলো। যাকোব রাহেলরে কোচ্‌পেদ বিলিনে সে বজরুন্‌ তাইধু বানা কয়েক্‌ দিন বিলিনে মনে গুরিলো।

উপদেশক 2:26

গোজেনরে যে হুজি গরে তারে তে জ্ঞান, বুদ্ধি আর রঙ্গ-ফুত্তি দান গরে, মাত্তর্ পাপিরে তে ধন-সোম্বোত্তি তুবেবার্ আর সিয়েনি জোমেবার্ কামানি দে, যেনে তে সিয়েনি সে মানুচ্চোরে দি যায় যে গোজেনরে হুজি গরে। ইয়েন্অ বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

পরমগীত 8:7

বান পানিগানেয়ো কোচ্‌পানাগানরে আক্‌সোই ন-পারে; বেক্ গাঙ পানিয়েয়ো ন-পারে সিয়েনরে ভাজেই নিবাত্তে। কোচ্‌‍পানাত্তে যুনি কনজনে তার্ বেক্কানিয়ো দি দে সালে সিয়েন্ অবঅ অমকদ কম্। ‌‍

যোহন 14:15

তুমি যুনি মরে কোচ্‌পঅ সালে মর্ বেক্‌ উগুমানি পালেবা।

যোহন 15:10

মুই মঅ বাপ্পোর্ বেক্‌ উগুমানি পালেনে যেবাবোত্যেগুরি তা কোচ্‌পানাত্ আঘং, সেবাবোত্যেগুরি তুমিয়ো যুনি মঅ উগুমানি পালঅ সালে তুমিয়ো মঅ কোচ্‌পানাত্ থেবা।

প্রেরিত্‌ 10:31

‘কর্ণীলিয়, গোজেনে তঅ তবনাগান শুন্ন্যে আর নাঢা মানুচ্চুনোরে তর্ দানর কধানি তে ইদোত্ রাগেয়্যে।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

রোমীয় 12:12

তমা মুজুঙোত্ যে আজাগান্ আঘে সিয়েনত্যে ফুত্তি গরঅ। দুঘ্-কষ্টত্ ধৈজ্জ্য ধরঅ। নিত্য তবনা গরঅ।

রোমীয় 15:13

যিবে আজা দান গরে সেই গোজেনে তমা বিশ্বেজর্ মাধ্যমে অমকদ হুজিয়ে আর সুগে-শান্দিয়্যে তমারে ভর্‌পুনোং গোরোক্। সালে পবিত্র আত্মার্ খেমতালোই তমা মনানিত্ আজা পুড়েব।

রোমীয় 15:4

পবিত্র বোইবোত্ যিয়েনি আগে লেগা ওইয়্যে সিয়েনি আমার্ শিক্ষ্যাত্যে লেগা ওইয়্যে, যাতে সেই বোইবোত্তুন্ আমি ধৈজ্জ্য আর উচ্চোমি পেই আর সিয়েনর্ কারনে আজা পেই।

রোমীয় 16:26

মাত্তর্ ইক্কিনে গম্ হবরানর্ মাধ্যমে সিয়েন ফগদাং ওইয়্যে আর সেবাবোত্যেগুরি মুই প্রচার গরঙর্। উমর গোজেনর্ উগুম মজিম ভাববাদীগুনোর্ লেঘার্ মাধ্যমে বেক্ জাদর্ মানুচ্চুনো ইধু সিয়েন জানা ওইয়্যে, যেন তারা খ্রীষ্ট উগুরে বিশ্বেজ্ গুরিনে গোজেনর্ বাধ্য ওই পারন্।

রোমীয় 16:6

মরিয়ম, যিবে তমাত্যে বোউত্ কাম্ গোজ্জ্যে, তারে ভালেদি জানেয়ো। আন্দ্রনীক্ আর যূনিয়রে ভালেদি জানেয়ো।

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

১ করিন্হীয় 13:13

সালে দেগা যাত্তে বিশ্বেজ্, আজা আর কোচ্‌‌পানা-এ তিনেন্ থুম্ সং থিগি থায়; মাত্তর্ ইয়েনিত্তুন্ কোচ্‌পানাগান্ বেক্কুনোত্তুন্ দাঙর্।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

গালাতীয় 1:4

আমার গোজেন আর বাবার্ আওজ্ মজিম খ্রীষ্ট আমা পাপত্যে নিজো জিংকানিগান দিয়্যে, যেন তে ইক্কুনু এ ভান্ন্যেই জগদর্ আঢত্তুন্ আমারে রোক্ষ্যে গুরি পারে।

গালাতীয় 5:13

ভেইলগ্, স্বাধীন অবাত্যে দঅ গোজেনে তমারে ডাক্ক্যে। মাত্তর্ তমার পাপ খাচ্চ্যদর্ আওজ্‌চানি পূরেবাত্যে এই স্বাধীনতাগান্ বেবহার ন-গোজ্জ্য। তাত্তুন্ বরং কোচ্‌পানার মনভাব্‌পোই একজন অারেক্ জনরে সেবা গরঅ,

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

গালাতীয় 6:9

আমি যেন গম কাম গত্তে গত্তে অরান্ ন-ওই, কিয়া সিয়েন ইরি ন-দিইনে গরানাত্ থেলে আমি ঠিগ্ সময়োত্ সিয়েনর্ ফসল পেবং।

১ থিষলনীকীয় 3:6

ইক্কিনে তীমথিয় তমাত্তুন্ আমা ইধু ফিরি এইনে তমার কোচ্‌পানা আর বিশ্বেজ্ পৌইদ্যেনে গম হবরান্ দিয়্যে। তে কোইয়্যেদে, কোচ্‌পানার মনভাব্‌পোই তুমি নিত্য আমারে ইদোত্ তুলি থাগঅ, আর আমি যেধোক্ক্যেন তমারে চেবাত্যে চের্ সেধোক্ক্যেন তুমিয়ো আমারে চেবাত্যে চর্।

২ থিষলনীকীয় 1:11

সেনত্যে আমি নিত্য তমাত্যে তবনা গুরি থেই যেন আমা গোজেনে তমারে তার্ ডাগনির্ যগাজ্জ্যে বিলিনে মনে গরে, আর যেন তার্ খেমতালোই তমার্ গম্ কাম গুরিবার আওজ্‌চানি তে পুরেই দে আর বিশ্বেজর্ ফলে তুমি যে কামানি গরর্ তে যেন সিয়েনি পূরোণ গুরি দে।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

১ তীমথিয় 1:14

আমা প্রভু মরে জদবদে দোয়্যে গোজ্জ্যে আর খ্রীষ্ট যীশু সমারে এগত্তর্ ওইনে যে বিশ্বেজ্ আর কোচ্‌পানাগান এজে সিয়েন দান গোজ্জ্যে।

১ তীমথিয় 2:3

আমার উদ্ধোর গুরিয়্যে গোজেনর চোগেদি সিয়েন গম্ আর ইয়েন্দোই তে হুজী অয়।

ইব্রীয় 10:36

তমাত্তুন্ থির্ থানা দরকার, যাতে গোজেনর্ আওজ্ মজিম কাম গরানার্ পরেদি গোজেনে যিয়েন দিবাত্যে এগেম্ গোজ্জ্যে সিয়েন তুমি পঅ;

ইব্রীয় 11:17

অব্রাহামরে যগা চেবার্ অক্তত্ তে গোজেন উগুরে বিশ্বেজত্যে ইস্‌হাকরে উৎসর্ব গোজ্জ্যে। যিবে ইধু গোজেনে এগেম্ গোজ্জ্যে তেয়ই তার্ বানা এক্কো গুরি পুয়োরে উৎসর্ব গুরিবাত্যে যার্।

ইব্রীয় 13:21

যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।

ইব্রীয় 4:11

ইয়েনত্যে এজঅ, আমি সেই জিরেন্ পেবাত্যে গমেডালে আয়োজি ওই। কেঅ যেন সেই অবাধ্য ইস্রায়েলীগুনো ধোক্ক্যেন গোজেনরে অমান্য গুরিনে তার্ দিয়্যে জিরেনত্তুন্ বাদ ন-পড়ন্।

ইব্রীয় 6:15

ইয়েনত্যে অব্রাহামে যেক্কে জদবদে গুরি ধৈজ্জ্য ধুরিলো সেক্কে গোজেনে যিয়েন দিবাত্যে এগেম্ গোজ্জ্যে সিয়েন তে পেলঅ।

১ পিতর 3:4

বরং যিবের্ দোল্ জিনিচ্‌সান ভস্ত ওই ন-যেবঅ সে নরম আর শান্ত- খাচ্চ্যদ্‌তোই তমা মনানিরে সাজঅ। গোজেনর্ চোগেদি সিয়েনই বেশ্ দামী।

১ যোহন 3:18

পুয়ো-ছা লগ্, আমি যেন বানা মুয়োর্ কোচ্‌পানা ন-দেগেইনে কামানিলোই ঘেচ্চ্যেকগুরি কোচ্‌পানা দেগেই।

১ যোহন 3:21

পরাণর্ পুয়ো-ছা লগ্, আমা মনানে যুনি আমারে দুষি ন-গরে সালে গোজেন মুজুঙোত্ আমার সাহচ্‌ থেবঅ।

১ যোহন 3:3

যে কেঅ খ্রীষ্ট উগুরে এই আজাগান রাগায় তে নিজোরে খাটি গরানাত্ থায় যেধোক্ক্যেন খ্রীষ্ট খাটি।

১ যোহন 5:3

গোজেনর্ উগুমানি পালানা অলঅ গোজেনরে কোচ্‌পানা।

ফগদাং পেইয়্যে 2:19

মুই তর্ কামানি, তর্ কোচ্‌পানা, তর্ বিশ্বেজ্, তর্ সেবা আর তর্ ধৈজ্জ্যর্ কধা কোই পারং। আর তুই পত্তমে যেদক্কানি কাম গোজ্জ্যস্ সিয়েনিত্তুন্ বেশ্ ইক্কিনে যে আরঅ বেশ্ কাম গরর্ সে কধাগানঅ মুই কোই পারং।

ফগদাং পেইয়্যে 3:10

ধৈয্য ধুরিবার যে উগুমান যে মুই দুয়োং সিয়েন তুই পালেয়োচ্; সেনত্যে এ পিত্‌থিমীগান উগুরে যে দুঘোর্ সময় এজের্ সেই সময়ত্তুন্ ধুরি মুই তরে রোক্ষ্যে গুরিম। যিগুনে এ পিত্‌থিমীর তারারে যগা চেবাত্যে এ দুঘোর্ সময়ান এবঅ।