১ শমূয়েল 9:2 - Chakma Bible

² শৌল নাঙে কীশর এক্কো পূঅ এলঅ। তে এলদে বয়জসান্দোই গাবুজ্যে আর চাদে দোল্‌। ইস্রায়েলীয়গুনো ভিদিরে তা ধোক্ক্যেন দোল্‌ কেঅ ন-এলাক্। তে অন্য বেক্কুনোত্তুন্‌ প্রায় এক ফুট লাম্বা এলঅ।

১ শমূয়েল 9:2 ပူးပေါင်းရင်းမြစ်များ

১ বংশধর 8:33

নেরের পুয়ো কীশ আর কীশ পুয়ো শৌল। শৌল পুয়োগুন অলাক্‌ যোনাথন, মল্কীশূয়, অবীনাদব আর ইশ্‌বাল।

যিরমিয় 9:23

লগেপ্রভু কোইয়্যেদে, “জ্ঞানী মানুচ্চুনে তারার জ্ঞানর বাড়্ ন-গোরোক্, বা খেমতাবলাগুনে তারার তারার বলর্ বাড়্‌বো ন-গোরোক্ বা তাগোয়্যেগুনে তারার ধনর বাড়্‌বো ন-গোরোক্,

গণাণা 13:33

আমি সিয়েনত্‌ নেফিলীয়গুনোরে দেক্ক্যেই। অনাকর্‌ বংশর মানুচ্চুনে দঅ জাদত্‌ নেফিলীয়। তারারে দেগিনে আমি নিজোরে মনে গুরিলোং ঘাস-ফিরিং আর তারায়ো আমারে সেধোক্ক্যেন মনে গুরিলাক।”

১ শমূয়েল 10:21

সে পরেন্দি বিন্যামীন-গুট্টির বেক্‌ বংশগুনোরে মুজুঙোত্ আনা অলঅ। তারা ভিদিরেত্তুন্‌ মট্রীয়র বংশবোরে বেঈ নেযা অলঅ। এধোক্ক্যেনগুরি যেরেন্দি কীশর পূঅ শৌলরে বেঈ নেযা অলঅ। মাত্তর্‌ তারে তোগেলে তারে পাহ্ ন-গেলঅ।

১ শমূয়েল 16:7

মাত্তর্‌ লগেপ্রভু শমূয়েলরে কলঅ, “তার চেঙারাগান কেধোক্ক্যেন বা তে কু্‌দ্দুর লাম্বা সিয়েন তুমি চেবাত্তে ন-যেয়ো, কিত্যে মুই তারে এলাফেলা গোজ্যং। মান্‌জ্যে যিয়েন দেগিদাক সাৎ সিয়েন্দোই কিচ্ছু ন-অবঅ, কিত্যে মান্‌জ্যে দেগন্দে বারেন্দি চেঙারাগান্‌ মাত্তর্‌ লগেপ্রভু চাইদে মনান্‌।”

১ শমূয়েল 17:4

পলেষ্টীয়গুনোর পক্ষত্তুন্‌ গলিয়াৎ নাঙে এক্কো বীর যোদ্ধা তারার সৈন্যদলত্তুন্‌ নিগিলি এলঅ। তে এলদে গাৎ শঅরর্‌ মানুচ্‌। লাম্বান্দি তে এলদে সাড়ে ছয় আত্‌।

১ শমূয়েল 9:3

শৌলর বাপ্পো কীশর্ যিদুক্কুন গাধী এলাক্ সিগুন একদিন্যে আজি গেলাক্। সেক্কে কীশে তার পূঅ শৌলরে কলদে, “তুই এক্কো চাগররে লগে নেযেইনে গাধীগুনোরে তোগেবাত্তে যাহ্।”