১ শমূয়েল 9:11 - Chakma Bible

¹¹ যে পথতান্‌ শঅরর্‌ ইন্দি উঠ্যেগোই তারা যেক্কে সেই পথ্‌তান্‌ ধুরিনে উঠ্‌থোন্দোই সেক্কে কয়েক্কো মিলে সমারে তারার দেগা অলঅ। সেই মিলেগুনে পানি নিবাত্তে নিগিলি এচ্চ্যন্‌। তারা সেই মিলেগুনোরে পুযোর্‌ গুরিলাক, “দর্শকে কি ইদু আঘে?”

১ শমূয়েল 9:11 ပူးပေါင်းရင်းမြစ်များ

পত্থম 24:11

শঅরান বারেন্দি এক্কো কূয়ো এলঅ। সে চাগর্‌বো সিদু লুমিনে তার উট্‌তুনোরে সে কূয়োবো ইধু আদু পাড়িনে বোজেল। সেক্কে প্রায় সাজোন্যে অক্তত্‌, মিলেগুনে পানি তুলিবার্‌ অক্তত্‌।

পত্থম 24:15

তা কধাগান থুম্ অদে ন-অদে রিবিকা কুম্মো করত্‌গুরি শঅরত্তুন্‌ নিগিলি এলঅ। তে অলদে বথূয়েলর ঝি। বথূয়েলে এলঅ অব্রাহামর ভেই নাহোর মোক্কো মিল্‌কার পুয়ো।

পত্থম 29:8

মাত্তর্‌ তারা কলাক্, “না, আমা পক্ষত্তুন্‌ সিয়েন্‌ সম্ভব নয়। বেক্‌ য়েমান পালুন্ একসমারে এগত্তর্‌ অলে পরেদি কূয়োবো মুয়োনত্তুন্‌ পাত্তর্‌বো সরেই দিয়া অবঅ, আর সেক্কে আমি ভেড়াগুনোরে পানি হাবেই পারিবোং।”

পত্থম 29:9

যাকোবে সেক্কেয়ো সে মানুচ্চুনো সমারে কধা কর্‌ এন্‌ সময়োত্‌ রাহেলে তা বাব ভেড়াগুন্দোই সিয়েনত্‌ এলঅ, কিত্তে তে সেই পালুন্‌ চোরেদ।

যাত্রা 2:16

সিদুগোর্‌ মিদিয়োনীয় ধর্মগুরুবোর্‌ সাত্তো ঝি এলাক্। সিগুনে তারা বাব্‌‌পোর্ ভেড়াছাগলুনোরে পানি হাবেবাত্তে পানি তুলিনে গাবালা ভুরিবাত্যে সে জাগানত্‌ গেলাক্।

গম্ উপদেজ্ 24:15

ও পাজি মানুচ্, গোজেন ভক্ত মান্‌‍জ্যর ঘরান বিরুদ্ধে তুই উদ্ পাদি ন-থেচ্, তার থেবার জাগানত্ হানা ন-দিচ্;

বিচের গুরিয়্যেগুন 5:11

শুনো, পানি তুলেদে জাগায়ানত্‌ মানুচ্চুনে কুয়ো-কি গত্তন্‌; তারা ইস্রায়েল আদামর মানুচ্চুনোত্ত্যে লগেপ্রভুর উদ্ধোর-কামর কধানি কদন্‌। ইয়েনি শুনিনে লগেপ্রভুর মানুচ্চুনে শঅ‌রর দোরানর্‌ কায়-কুরে গেলাক্‌।

১ শমূয়েল 9:10

শৌল তার চাগরবোরে কলদে, “দোল্‌ কোইয়োচ্‌; আদিচ্‌, আমি যেই।” ইয়েন কোইনে তারা গোজেনর মানুচ্চো যে শঅরত্‌ এলঅ সিদু গেলাক্।