১ শমূয়েল 8:20 - Chakma Bible

²⁰ সালে আমি অন্য বেক্‌ জাদ্‌তুনো ধোক্ক্যেন ওই পারিবোং। আমার রাজাবো আমারে শাজন্ গুরিবো আর আমা আগে আগে থেইনে যুদ্ধো গুরিবো।”

১ শমূয়েল 8:20 ပူးပေါင်းရင်းမြစ်များ

গীতসংহিতা 106:35

বরং সেই জাদ্‌তুনো সমারে তারা নিজে মিজেয়োন্ আর তারার চলাফিরে-বেবহারানি মানি নিলাক্।

যাত্রা 33:16

তুই আমা লগে ন-গেলে মানুচ্চুনে কিঙিরিনে বুঝিবাক্‌, মঅ উগুরে আর তর্‌ মানুচ্চুনো উগুরে তর্‌ দোয়্যে আঘে? মুই আর তর্‌ মানুচ্চুনে যে পিত্‌থিমীর্‌ অন্য মানুচ্চুনোত্তুন্‌ যুদো সিয়েন্‌ আর কেধোক্ক্যেনগুরি বুঝো যেবঅ‌?

গণাণা 23:9

মুড়ো উগুরেত্তুন্‌ মুই তারারে দেখ্যং; তারারে মুই মুড়ো উগুরেত্তুন্‌ দেখ্যং। মুই এন্‌ এক্কো জাদরে দেখ্যং যে অন্যগুনোত্তুন্‌ দূরোত্‌ থায়; অন্য বেক্‌ জাদ্‌তুনো সমারে নিজোরে এক গুরি ন-দেগে।

যোহন 15:19

যুনি তুমি এ জগদর্ অদা সালে মানুচ্চুনে তারারে নিজোর্ বিলি তমারে কোচ্‌পেদাক্। মাত্তর্ তুমি এ জগদর্ নয়, বরং মুই তমারে জগদ ভিদিরেত্তুন্ বেঈ লোইয়োং কিনেই জগদ মানুচ্চুনে তমারে ঘিনান্।

রোমীয় 12:12

তমা মুজুঙোত্ যে আজাগান্ আঘে সিয়েনত্যে ফুত্তি গরঅ। দুঘ্-কষ্টত্ ধৈজ্জ্য ধরঅ। নিত্য তবনা গরঅ।

২ করিন্হীয় 6:17

গোজেনে আরঅ কোইয়্যেদে, “ইয়েনত্যে তুমি অবিশ্বেজিগুনো ভিদিরেত্তুন্ নিগিলি এজঅ আর ফারগ্ অ। কনঅ অসিজি জিনিস ন-ধোজ্জো, সালে মুই তমারে মানি লোম্।”

দ্বি’লম্বর বিররণ 7:6

তুমি এন্‌ এক্কো জাদ যিবেরে তমা গোজেন লগেপ্রভুর্‌ নাঙে যুদো গুরি রাগা ওইয়্যে। তুমি যেনে তমার গোজেন লগেপ্রভুর নিজোর্‌ মানুচ্‌ আর সোম্বোত্তি অ সেনত্যে পিত্‌থিমীর বেক্‌ জাদর্‌ ভিদিরেত্তুন্‌ তে তমারে বেঈ লোইয়্যে।

ফিলিপীয় 3:20

মাত্তর্ আমার আজল্ থেবার জাগায়ান দঅ স্বর্গত্; সিয়েনত্তুন্ আমার উদ্ধোর্ গুরিয়্যে প্রভু যীশু খ্রীষ্টর্ এযানাগান্ আমি আওজ্ গুরিনে বাজ্জেই আঘি।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

১ শমূয়েল 12:12

মাত্তর্‌ অম্মোনীয়গুনোর রাজা নাহশরে যেক্কে তুমি তমার বিরুদ্ধে যুদ্ধো গুরিবাত্তে এত্তে দেগিলে সেক্কে যুনিয়ো তমার গোজেন লগেপ্রভুই এলদে তমার রাজা তো তুমি মরে কলাদে, না, আমি চেই আমা উগুরে এক্কো রাজা রাজাগিরি গোরোক।

১ শমূয়েল 12:2

চঅ, ইক্কিনে তমারে চালেবাত্তে তমার এক্কো রাজা আঘে। মুই দঅ বুড়ো ওই যেইয়োং, মর্‌ চুলানিয়ো পাগি যেইয়্যে, আর মর্‌ পূঅগুনেয়ো তমা সমারে আগন্‌। সেই গাবুজ্যে বয়জত্তুন্‌ ধুরি এচ্চ্যে সং মুই তমারে চালেই এজঙর্‌।