১ শমূয়েল 7:1 - Chakma Bible

¹ সেনত্যেই কিরিয়ৎ-যিয়ারীমর মানুচ্চুনে এইনে লগেপ্রভুর সুন্দুক্কো নেযেলাক্। তারা সুন্দুক্কো নেযেইনে মুড়ো উগুরে তারার শঅরত্‌ অবীনাদবর ঘরত্‌ রাগেলাক আর সিবে দেগাশুনো গুরিবাত্যে অবীনাদবর পূঅ ইলিয়াসরে লগেপ্রভুর নাঙে ফারক্‌ গুরি নেযেলাক্।

১ শমূয়েল 7:1 ပူးပေါင်းရင်းမြစ်များ

১ বংশধর 13:3

এজঅ, আমা গোজেনর সাক্ষ্য-সুন্দুক্কো আমা ইদু ফিরেই আনি; শৌল রাজাগিরির্ সময় আমি দঅ সুন্দুক্কো ইন্দি কনঅ মন ন-দিই।”

গীতসংহিতা 132:6

আমি ইফ্রাথাত্তুন্ সাক্ষ্য-সুন্দুগোর্ হবরান্ শুন্যেই, যায়ার মাদত্ সেই হবরান্ পেইয়্যেই;

যিশাইয় 52:11

তুমি নিগিলি এজঅ, সে জাগানত্তুন্ নিগিলি এজঅ। তুমি কনঅ অসিজি পযাপিরা ন-ধোজ্য। তুমি যিগুনে লগেপ্রভুর পিলেবো বুয়োই নেযর্ তুমি সেই জাগানত্তুন্ নিগিলি এজঅ আর সিজি অ।

যিহোশূয় 18:14

সে পরেন্দি সে দুযির্‌ চিহ্নোগান বৈৎ-হোরোণর দোগিণো মুড়োবোর পোজিমেন্দি ওইনে দোগিণেন্দি ঘুরি গেলঅ‌ আর কিরিয়ৎ-বাল, অত্তাৎ কিরিয়ৎ-যিয়ারীম সং গেলঅ‌। কিরিয়ৎ-যিয়ারীম এলঅ‌ যিহূদা-গুট্টির এক্কান্‌ শঅর্‌। ইয়েন অলঅ বিন্যামীন-গুট্টির পোজিমেন্দি দুযি।

যিহোশূয় 9:17

সেক্কে ইস্রায়েলীয়গুনে তারার্‌ চাগালান্দি যাহ্ ধুরিলাক্‌ আর তিন দিনোত্‌ সিদু যেইনে লুমিলাক্‌। তারার্‌ চাগালাত্‌‌ এলাক্কে গিবিয়োন, কফীরা, বেরোৎ আর কিরিয়ৎ-যিয়ারীম শঅরান্‌।

১ শমূয়েল 6:21

সে পরেন্দি তারা কয়েকজন মান্‌জ্যর্ মাধ্যমে কিরিয়ৎ-যিয়ারীমর মানুচ্চুনো ইদু কোই পাদেলাক্, “পলেষ্টীয়গুনে লগেপ্রভুর সুন্দুক্কো ফিরেই দুয়োন। তুমি লামি এইনে সুন্দুক্কো তমা ইদু লোই যঅ।”

১ শমূয়েল 7:2

লগেপ্রভুর সুন্দুক্কো কিরিয়ৎ-যিয়ারীমত্‌ রাগেবার পরেন্দি ভালোক্‌ দিন পার ওই গেলঅ, অত্তাৎ ত্রিশ বজর্‌ কাদি গেলঅ। সেই অক্তত্‌ লগেপ্রভুর ইদু ফিরি এবাত্তে ইস্রায়েলীয়গুনোর পরাণান্‌ কানের্‌।