১ শমূয়েল 6:6 - Chakma Bible

⁶ তুমি কিত্তে ফরৌণ আর মিসরীয়গুনো ধোক্ক্যেন গুরি নিজোর মনানিরে দরঅ গোজ্য? ইস্রায়েলীয়গুনোর গোজেনে যেক্কে মিসরীয়গুনোরে ভুল বানেয়্যে সেক্কে তারা ইস্রায়েলীয়গুনোরে যেবাত্তে দুয়োন, আর তারা আদি যেয়োন্দোই।

১ শমূয়েল 6:6 ပူးပေါင်းရင်းမြစ်များ

ইয়োব 9:4

তা জ্ঞানান্‌ গভীন্‌, তা বলান্‌ অমকদ; কন্না তা বিরুদ্ধে থিয়্যেইনে রোক্ষ্যে পেইয়্যে?

গীতসংহিতা 95:8

তে কোইয়্যেদে, তমা পুরোণি মানুচ্চুনো ধোক্ক্যেন্ তমা মনানি তুমি দর ন-গোজ্য; তারা ধূল্যেচর-চাগালাত্ মরীবায় আর মঃসায়ত মরে জগা চেইয়োন্। যুনিয়ো তমা পুরোণি মানুচ্চুনে মঅ কামানি দেখ্যন্, তো তারা সিদু মরে বিজিরে চেইয়োন্।

যাত্রা 10:3

মোশি আর হারোণে সেক্কে ফরৌণ ইধু যেইনে কলাক্, “ইব্রীয়গুনোর্‌ গোজেন লগেপ্রভু কত্তে, ‘আর কয়দিন্‌ তুই মঅ মুজুঙোত্‌ মাঢাবো লোঙেবাত্তে অস্বীগের্‌ গুরিবে? মরে তবনা গুরিবাত্যে মঅ মানুচ্চুনোরে যেবাত্তে দে।

যাত্রা 14:17

মাত্তর্‌ মুই মিসরীয়গুনোর্‌ মনানি এমন্‌ দরঅ‌ গুরি দিম, তারা ইস্রায়েলীয়গুনোর পিজে পিজে বড়গাঙত্ চমেবাক্‌। সেক্কে ফরৌণ আর তার্‌ বেক্‌ সৈন্যদলুন, রথ আর ঘোড়াবাহিনীগুনে মর্‌ বাঈনী ফগদাঙ্‌ গুরিবার্‌ পথ অবাক্।

যাত্রা 14:23

এই বেপারান্‌ দেগিনে মিসরীয়গুনে পিজেন্দিত্তুন্‌ ইস্রায়েলীয়গুনোরে লোড়েলাক্। ফরৌণর বেক্‌ ঘোড়াগুন, রথ্‌‌তানি আর ঘোড়াবাহিনীগুন তারার্‌ পিজে পিজে বড়গাঙ ভিদিরে যেইনে চোমেলাক্।

যাত্রা 4:21

লগেপ্রভু মোশিরে কলঅ, “মুই তরে যেদক্কানি আমক্‌ অইদে কাম্‌ গুরিবার্‌ খেমতা দুয়োং তুই মিসর্‌ দেজত্‌ ফিরি যেইনে ফরৌণ মুজুঙোত্‌ সিয়েনি বেক্কানি গুরিবে। মাত্তর্‌ মুই তা মনান্‌ এন্‌ চিৎনপুজ্যে গুরি দিম্‌ যেনে তে মানুচ্চুনোরে যেবাত্তে ন-দিবো।

যাত্রা 7:13

মাত্তর্‌ লগেপ্রভু তারারে যিয়েনি কোইয়্যে সিয়েন অলঅ। ফরৌণ মনান্‌ দরঅ ওই রলঅ; তে মোশি আর হারোণ কধা ন-শুনিলো।

যাত্রা 7:14

সেক্কে লগেপ্রভু মোশিরে কলঅ, “ফরৌণ মনান্‌ দরঅ ওই আঘে, সেনত্যে তে মানুচ্চুনোরে যেবাত্তে ন-দের্‌।

যাত্রা 8:15

মাত্তর্‌ বেঙ ভানাগানত্তুন্‌ রেহাই পেইনে ফরৌনে আরঅ তা মনান্‌ দর-মর গুরিনে মোশি আর হারোণ কধা কান ন-পাদিলো। লগেপ্রভু যিয়েনি কোইয়্যে সিয়েনই অলঅ।

যাত্রা 8:32

মাত্তর্‌ এবেরায়ো ফরৌণে তা মনান্‌ দর-মর গুরিলো আর মানুচ্চুনোরে যেবাত্তে ন-দিলো।

যাত্রা 9:16

মাত্তর্‌ মুই তরে বাজেই রাগেয়োং যেনে তরে মঅ বলান্‌ দেগেই পারং আর গোদা পিত্‌থিমীত্‌ যেন মঅ নাঙান্‌ ফগদাঙ্‌ অয়।

যাত্রা 9:34

মাত্তর্‌ ফরৌণে আর তা কাম্‌গুরিয়্যেগুনে যেক্কে দেগিলাক্‌, ঝড়, শিল্‌ আর আগাজ বাজ্ পড়ানা বন্ধ ওই যেইয়্যে সেক্কে তারা আরঅ পাপ কাম গরা ধুরিলাক্। তারা আরঅ তারার্‌ মনানি দর-মর গুরিলাক্।

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

ইব্রীয় 3:13

ইয়েনত্তুন্ যেদকদিন পবিত্র বোইবোর্ “এচ্চ্যে” কধাগান কুয়ো যায়, সিয়েনর পত্তি দিন তুমি একজন আরেকজনরে উচ্চোমি দুয়ো, যেনে তমার্ কারঅ মন পাপর্ ছলনাত পড়িনে আগাত্যে ন-অয়;