১ শমূয়েল 6:17 - Chakma Bible

¹⁷ লগেপ্রভুর নাঙে দুষ-স্বীগের্ ইজেবে পলেষ্টীয়গুনোর যেদক্কানি শঅরর্‌ পক্ষত্তুন এক্কো গুরি সনার টিউমার পাদেয়োন সিয়েনি অলঅ অস্‌দোদ, গাজা, অস্কিলোন, গাত আর ইক্রোণ।

১ শমূয়েল 6:17 ပူးပေါင်းရင်းမြစ်များ

২ শমূয়েল 1:20

তুমি গাতদ্ এ হবরান্‌ ন-দুয়ো, আর অস্কিলোনর পধে পধে ফগদাং ন-গোজ্য; সিয়েনি গুরিলে পলেষ্টীয়গুনোর্‌ মিলেগুনে ফুত্তি গুরিবাক্, সেই সুন্নত ন-গোজ্যে মানুচ্চুনোর্‌ মিলেগুনে রঙ্গ-ফুত্তি গুরিবাক্।

২ শমূয়েল 21:22

এ চের্‌জনে এলাক্কে গাতদ্‌ বজত্তিগোজ্যে রফায়ীয়। দায়ূদ আর তা মানুচ্চুনোর আঢত্‌ ইগুনে মারা পোজ্যন্‌।

২ রাজাবলী 1:2

অহসিয় শমরিয়াত্‌ তা ঘরর্‌ উগুরে তালাত্‌ গুদিবোর্‌ জানালাবোন্দি তলে পড়িনে দুঘ্ পেইয়্যে। সেক্কে তে কয়েকজন মান্‌জ্যরে ইয়েন্‌ কোইনে পাধেই দিলো, “তুমি যেইনে ইক্রোণর দেবেদা বাল্‌-সবূবর ইদু পুযোর্‌ গরঅ, এ দুঘ্ পেয়্যেগানত্তুন্‌ মুই গম্‌ ওই পারিম্‌ নাকি।”

২ বংশধর 26:6

তে পলেষ্টীয়গুনো বিরুদ্ধে যুদ্ধো গুরিলো আর গাৎ, যব্‌নির আর অস্‌দোদ দেবালান্‌ ভাঙি ফেলেল। সে পরেন্দি তে অস্‌দোদ চাগালাত্‌ আর পলেষ্টীয়গুনোর অন্য জাগায়ানিত্‌ কয়েক্কান্‌ দেবাল-ঘিজ্যে আদাম আরঅ তুলিলো।

যিরমিয় 25:20

সিদুগোর্ বেক বিদেশীগুনোরে; ঊষ দেজর্ বেক রাজাগুনোরে; পলেষ্টীয়গুনোর বেক রাজাগুনোরে, অত্তাৎ অস্কিলোন, গাজা, ইক্রোণ আর অস্‌দোদর বাদবাগি ভাগ্‌কানর রাজাগুনোরে;‌‌‌‌‌

লেবীয় 5:7

যুনি তে পাদি ভেড়াছাগল-ছঅ‌ আনি ন-পারে, ছালে তার্‌ সে অন্যেয়র্‌ জরিবানা ইজেবে লগেপ্রভুর্ নাঙে তাত্তুন্‌ দ্বিবে কঅ‌ ন-অলে দ্বিবে কোদোর্‌ আনা পুরিবো। সিগুনো ভিদিরে এক্কো অবঅ পাপ-উৎসর্বত্তে আর অন্যবো পুজ্যে-উৎসর্বত্তে।

আমোষ 1:6

লগেপ্রভু কত্তে, “গাজার তিনেন্ পাপ, এন্ কি, চেরান পাপর্ কারনে মুই ঘেচ্চেকগুরি তারে সাজা দিম, কিত্যে তে কয়েক্কান আদামর্ বেক মানুচ্চুনোরে বন্দী গুরিনে ইদোম আঢত্ তুলি দিয়্যে।

আমোষ 6:2

তুমি কল্‌নীত যেইনে চঅ; সিয়েনত্তুন্ দাঙর্ হমাত যঅ, সে পরেদি পলেষ্টীয়গুনোর গাৎ শঅরত্ যঅ। সেই রেজ্যগানিত্তুন্ কি তমা রেজ্য দিয়্যেন গম্? তারা দেজ্‌চানিত্তুন কি তমা দেজ্‌চান দাঙর্?

দ্বি’লম্বর বিররণ 28:27

লগেপ্রভু মিসরীয়গুনোরে সেই ফোড়া, আবাং, কাচ্‌ছোনি আর খস্‌ পিড়েলোই তমারে দুখ্‌ দিবো যিয়েনত্তুন কনজনে তমারে গম্‌ গুরি ন-পারিবো।

বিচের গুরিয়্যেগুন 1:18

যিহূদা-গুট্টির মানুচ্চুনে গাজা, অস্কিলোন আর ইক্রোণ শঅর আর সিয়েনির কায়-কুরে জাগানি গজক্‌ গুরি নেযেলাক্‌।

বিচের গুরিয়্যেগুন 14:19

ইয়েনর্ পরেন্দি লগেপ্রভুর আত্মাগান পুরো বলান্দোই শিম্‌শোনর উগুরে এলঅ। তে অস্কিলোনত্‌ যেইনে সে জাগার তিরিশজন মান্‌জ্যরে মারে ফেলেনে তারার্‌ বেক্কানি লুদেই নেযেল আর তারার কাবড়-চুগোড়ানি লোইনে যিগুনে তা ভানাগানর জোব্‌পান দুয়োন তারারে দিলো। সে পরেন্দি তে রাগে ফুলি উদিনে তা বাবঅ্‌ ঘরত্‌ গেলঅ।

বিচের গুরিয়্যেগুন 16:1

শিম্‌শোনে একদিন্যে গাজাত যেইনে এক্কো হাঙিমিলেরে দেগিলো আর তাইদু গেলঅ।

বিচের গুরিয়্যেগুন 16:21

সেক্কে পলেষ্টীয়গুনে তারে ধুরিনে চোখ দ্বিবে খুয়োই দিলাক্‌ আর তারে গাজাত্‌ নেযেলাক্‌। তারা তারে পিদলর শিগোললোই বানিলাক্‌ আর আজদত্‌ তারে দিইনে চড়্‌গা কল ঘুরোনি কামত্‌ লাগেলাক্‌।

১ শমূয়েল 5:1

পলেষ্টীয়গুনে গোজেনর সুন্দুক্কো এবন্-এষরত্তুন অস্‌দোদ শঅরত্‌ নেযেলাক্।

১ শমূয়েল 5:10

সেক্কে তারা গোজেনর সুন্দুক্কো ইক্রোণ শঅরত্‌ পাধেই দিলাক্। গোজেনর সুন্দুক্কো ইক্রোণত্‌ নেযানার পরেন্দি ইক্রোণর মানুচ্চুনে কিজেক্ ছাড়িনে কলাক্, “আমার আর আমা মানুচ্চুনোরে মারে ফেলেবাত্যেই ইগুনে ইস্রায়েলীয়গুনোর গোজেনর সুন্দুক্কো আমা ইদু আন্যন্।”

১ শমূয়েল 5:8

সেনত্যেই তারা মানুচ্‌ পাদেইনে পলেষ্টীয়গুনোর বেক্‌ শাজন্‌গুরিয়েগুনোরে এক্কান জাগাত ডাগি আনিনে পুযোর্ গুরিলাক, “ইস্রায়েলীয়গুনোর গোজেনর সুন্দুক্কো নেযেইনে আমি কি গুরিবোং?” তারা কলাক্, “ইস্রায়েলীয়গুনোর গোজেনর সুন্দুক্কো গাত শঅরত্‌ নেযা ওক্।” সেক্কে অস্‌দোদর মানুচ্চুনে ইস্রায়েলীয়গুনোর গোজেনর সুন্দুক্কো গাদত্‌ নেযেলাক।

১ শমূয়েল 6:4

সেক্কে শাজন্‌গুরিয়্যেগুনে পুযোর্ গুরিলাক, “দুষ-স্বীগের্‌ ইজেবে আমি তাইদু কি পাধেই দিবোং?” তারা কলাক্, পলেষ্টীয়গুনোর শাজেন্‌গুরিয়্যেগুনোর সোংখ্যে মজিম্ তুমি পাচছুয়ো সনার টিউমার আর পাচছুয়ো সনার উন্দুর পাধেই দো, কিত্যে মানুচ্চুনো উগুরে আর তারার শাজন্‌গুরিয়্যেগুনো উগুরে এক্কুই আঘাত এচ্চ্যে।