১ শমূয়েল 5:11 - Chakma Bible

¹¹ তারা মানুচ্‌ পাধেইনে পলেষ্টীয়গুনোর বেক্‌ শাজন্‌গুরিয়েগুনোরে এক্কান জাগাত্‌ ডাগি আনিনে কলাক্, “ইস্রায়েলীয়গুনোর গোজেনর সুন্দুক্কো ইয়োত্তুন পাধেই দুয়ো। সিবে তার নিজোর জাগাদই ফিরি যোক্‌। সিয়েন ন-অলে সিবে আমার আর আমার মানুচ্চুনোরে মারে ফেলেব।” গোজেনে সেই শঅরানরে জদবদে গুরি আঘাত গরানায় মানুচ্চুনোর মনত্‌ মরণর অমহদ দর্‌বুক লাক্কে।

১ শমূয়েল 5:11 ပူးပေါင်းရင်းမြစ်များ

যাত্রা 10:7

সেক্কে ফরৌণর্‌ কাম্‌গুরিয়্যেগুনে তারে কলাক্, “এ মানুচ্চো আর কয়দিন্‌ আমারে ফাল্ ফাদি থেবঅ? উই মানুচ্চুনে যেনে তারার্‌ গোজেন লগেপ্রভুর্‌ উবোসনা গুরি পারন সেনত্যে তারারে যেবাত্তে দে। তুই কি বুঝি ন-পারত্‌তে, মিসর্‌ দেজ্‌চান্‌ এক্কুবারে শেজ্ ওই গেলঅ?”

১ শমূয়েল 5:10

সেক্কে তারা গোজেনর সুন্দুক্কো ইক্রোণ শঅরত্‌ পাধেই দিলাক্। গোজেনর সুন্দুক্কো ইক্রোণত্‌ নেযানার পরেন্দি ইক্রোণর মানুচ্চুনে কিজেক্ ছাড়িনে কলাক্, “আমার আর আমা মানুচ্চুনোরে মারে ফেলেবাত্যেই ইগুনে ইস্রায়েলীয়গুনোর গোজেনর সুন্দুক্কো আমা ইদু আন্যন্।”

১ শমূয়েল 5:6

লগেপ্রভু অস্‌দোদ আর তার কায়-কুরে জাগায়ানির মানুচ্চুনোরে আগন্দে কানাবোত্‌ টিউমার রুক্কোই জদবদে আঘাত গুরিনে তারারে মারে ফেলেল।

১ শমূয়েল 6:5

যে টিউমার পিড়েগান তমার কিয়্যেত্‌ দেগা দিয়্যে আর যে উন্দুরুনে তমার দেজচান্‌ ভস্ত গুরি দেদন্‌ তুমি সিগুনোর মূত্তিগুন বানঅ আর ইস্রায়েলীয়গুনোর গোজেনর বাঈনী গরঅ। সালে অয়ত তে তমা উগুরেত্তুন আর তমার দেবেদাগুনোত্তুন আর দেজর উগুরেত্তুন তার দরঅ আত্তান্‌ সোরেই নেযেব।