১ শমূয়েল 4:9 - Chakma Bible

⁹ ও পলেষ্টীয়গুন, তুমি বুগোত্‌ সাহস বানঅ। তুমি যে মরদপূঅ সিয়েন দেগেই দুয়ো। সিয়েন ন-দেগেলে সেই ইব্রীয়গুনে যেধোক্ক্যেন্ তমার চাগর ওইয়োন সেধোক্ক্যেন্ তুমিয়ো তারার চাগর ওইনে থেবাক্। তুমি যে মরদ পূঅ সিয়েন দেগেই দুয়ো আর যুদ্ধো গরঅ।”

১ শমূয়েল 4:9 ပူးပေါင်းရင်းမြစ်များ

২ শমূয়েল 10:12

ন-দোরেয়ো; আমা মানুচ্চুনোত্তে আর আমা গোজেনর শঅরানিত্তে এজঅ, আমি ন-দোরেইনে যুদ্ধো গুরিই। লগেপ্রভুর চোগোত্‌ যিয়েনি গম্‌ তে সিয়েনিই গোরোক্‌।”

যিশাইয় 14:2

অন্য জাদ্‌তুনে তারারে নিইনে তারার্ নিজো দেজত্ লুমেই দিবাক্। লগেপ্রভুর দেজত্ অন্য জাদ্‌‌তুনে ইস্রায়েলীয়গুনোর চাগর্-চাগরানী অবাক্। যিগুনে তারারে বন্দী গোজ্যন্ ইক্কিনে সিগুনোরে তারা বন্দী গুরিবাক্ আর তারার অত্যেচার্ গুরিয়্যেগুনো উগুরে তারা নেতা অবাক্।

যিশাইয় 33:1

ও ভস্তগুরিয়্যে, তরে অভিশাব্ দুয়োং! তুই ভস্ত ন-ওইনেয়ো ভস্ত গোজ্যস্; তঅ উগুরে বেঈমানি গরা ন-অয় তো তুই বেঈমানি গোজ্যস্। ভস্তর্ কামানি থুম্ গুরিলে তরে ভস্ত গরা অবঅ; বেঈমানি গরানা থুম্ অলে তঅ উগুরে বেঈমানি গরা অবঅ।

১ করিন্হীয় 16:13

তুমি সজাক্ থাগঅ, বিশ্বেজত্ থির্ থাগঅ, সাহজী আর বলবান অ।

বিচের গুরিয়্যেগুন 10:7

সেনত্তেই তে তারা উগুরে রাগে জুলি উদিলো আর পলেষ্টীয়, অম্মোনীয়গুনোর আঢত্‌ তারারে তুলি দিলো।

বিচের গুরিয়্যেগুন 13:1

পরেন্দি ইস্রায়েলীয়গুনে লগেপ্রভুর চোগোত্‌ যিয়েনি গম্‌ নয় আরঅ সিয়েনিই গরা ধুরিলাক্‌। সেনত্তেই লগেপ্রভু তারারে চোল্লিশ বজর সং পলেষ্টীয়গুনোর আন্দারে রাগেল।

১ শমূয়েল 14:21

ইয়েনর্ আগেন্দি যিদুক্কুন ইব্রীয় মানুচ্‌ পলেষ্টীয়গুনো ভিদিরে থেদাক্ আর তারা সমারে তাম্বুলোত্ যেইয়োন তারায়ো সেক্কে ফিরি যেইনে শৌল আর যোনাথন সমারে থেইয়্যে ইস্রায়েলীয়গুনো সমারে মিজেলাক্।

১ শমূয়েল 4:8

হায়, হায়, এই বোলী দেবেদাগুনোত্তুন কন্না আমারে রোক্ষ্যে গুরিবো? ধূল্যে-চর চাগালাত্‌ নানান্‌ বাবোত্যে পীড়ের ভানালোই এই বেক্‌ দেবেদাগুনেই দঅ মিসরীয়গুনোরে মারে ফেলেয়োন।