১ শমূয়েল 4:2 - Chakma Bible

² পলেষ্টীয়গুনে ইস্রায়েলীয়গুনোর বিরুদ্ধে যুদ্ধো গুরিবাত্তে সৈন্য সাজেলাক্। যুদ্ধোগান যেক্কে চেরোকিত্তে ছিদি পড়িলো সেক্কে ইস্রায়েলীয়গুনে পলেষ্টীয়গুনো ইদু উদিই গেলাক্। যুদ্ধোর মাদঠ্‌ পলেষ্টীয়গুনে প্রায় চের আজার ইস্রায়েলীয় সৈন্যরে মারে ফেলেলাক্।

১ শমূয়েল 4:2 ပူးပေါင်းရင်းမြစ်များ

আবিলেচ্ 3:40

এজঅ, আমি আমার জিংকানির্-পথ্‌‌‌তানি পোরোক্ষে গুরিই আর যাচাই গুরিই আর লগেপ্রভু ইধু ফিরি যেই।

লেবীয় 26:37

কনজনে তারার্‌ পিজেন্দি ন-লোড়েলেয়ো যুদ্ধোর্‌ আদত্তুন্‌ বাঁচিবাত্তে আদি যেইয়্যে মান্‌জ্য ধোক্ক্যেন গুরি দাবা দিবাত্তে যেইনে তারা এক্কো আর এক্কো উগুরে পড়িবাক্। শত্রুগুনোর মুজুঙোত্ তুমি থিয়্যেই ন-পারিবা।

গণাণা 14:45

তারারে দেগিনে সেই মুড়োমুরি চাগালার্ অমালেকীয় আর কনানীয়গুনে লামি এইনে তারারে আক্রমণ গুরিলাক্ আর হর্মা শঅর সং তারারে লোড়েই নেযেলাক্।

যিহোশূয় 7:12

সেনত্তেই ইস্রায়েলীয়গুনে তারার্‌ শত্রুগুনোর মুজুঙোত্‌ থিয়্যেই ন-পাত্তন্‌; তারা পিচ্ছো ফিরিনে ধেই যাদন্‌, কিত্যে তারা ভস্তর্ অভিশাবর তলে ওই পোজ্যন্‌। ভস্তর্ অভিশাবর তলে কদক্কানি জিনিস তমা ইদু আঘে। যুনি তুমি সিয়েনি ভস্ত গুরি ন-ফেলঅ‌ সালে মুই আর তমা লগে ন-থেম্‌।

১ শমূয়েল 17:21

ইস্রায়েলীয়গুনে আর পলেষ্টীয়গুনে যুদ্ধো গুরিবাত্তে মুজুঙো-মুজুঙি তারার সৈন্যগুন সাজেলাক্।

১ শমূয়েল 17:8

গলিয়াতে থিয়্যেইনে যগার্‌ পারিনে ইস্রায়েলর সৈন্যদল্লোরে কলঅ, “কিত্তে তুমি যুদ্ধোত্তে সৈন্য সাজেবাত্তে এচ্ছো? মুই এক্কো পলেষ্টীয় আর তুমি দঅ বানা শৌলর চাগর্‌। তমা পক্ষত্তুন্‌ তুমি একজনরে বেঈ নেযঅ; তে মইদু লামি এজোক্।

১ শমূয়েল 4:1

আর শমূয়েলে যিয়েনি কদঅ সিয়েনি বেক্কানি ইস্রায়েলীয়গুনো ইদু লুমিদোগোই। একবার ইস্রায়েলীয়গুনে পলেষ্টীয়গুনোর বিরুদ্ধে যুদ্ধো গুরিবাত্তে নিগিলিলাক্। তারা এবন্-এষরত্‌ তাম্বুলান টাঙেলাক্ আর পলেষ্টীয়গুনে অফেকত্ তাম্বুল ফেলেলাক্।

১ শমূয়েল 4:10

সেক্কে পলেষ্টীয়গুনে যুদ্ধো গুরিলাক্ আর ইস্রায়েলীয়গুনে উদিই যেইনে নিজোর নিজোর ঘরত্‌ ধেই গেলাক্। ইস্রায়েলীয়গুনোর ভালোক্ জনরে মারে ফেলা অলঅ; তারার ত্রিশ আজার আর্মি মারা পড়িলাক্।

১ শমূয়েল 4:3

ইস্রায়েলীয় সৈন্যগুনে তারার তাম্বুলোত্ ফিরি যানার পরেন্দি তারার বুড়ো নেতাগুনে কলাক্, “পলেষ্টীয়গুনো ইদু কিত্তে লগেপ্রভু এচ্চ্যে আমারে ওদেই দিলো? আদঅ, আমি লগেপ্রভুর সাক্ষ্য-সুন্দুক্কো শীলোত্তুন্ লোই আনিই যেনে লগেপ্রভু আমা লগে থেইনে শত্রুগুনোর আঢত্তুন্ আমারে রোক্ষ্যে গরে।”