১ শমূয়েল 31:8 - Chakma Bible

⁸ তার্‌কেল্যে পলেষ্টীয়গুনে মরা মানুচ্চুনোর্‌ বেক্‌ পযাপিরানি লুদেবাত্যে এইনে দেগিলাক্‌ গিল্‌বোয় মুড়োবো উগুরে শৌল আর তার্‌ তিন্নো পূঅর্‌ মরা কিয়্যেগানি পোজ্যে আঘে।

১ শমূয়েল 31:8 ပူးပေါင်းရင်းမြစ်များ

২ শমূয়েল 1:20

তুমি গাতদ্ এ হবরান্‌ ন-দুয়ো, আর অস্কিলোনর পধে পধে ফগদাং ন-গোজ্য; সিয়েনি গুরিলে পলেষ্টীয়গুনোর্‌ মিলেগুনে ফুত্তি গুরিবাক্, সেই সুন্নত ন-গোজ্যে মানুচ্চুনোর্‌ মিলেগুনে রঙ্গ-ফুত্তি গুরিবাক্।

২ শমূয়েল 1:21

ও গিল্‌বোয়োর্‌ মুড়োমুড়িগুন, তমা উগুরে শিরোপানি বা ঝড় ন-পোড়োক্‌, তমা ভিদিরে বোলি শোজ্য খেদ্‌‌অ ন-থোক্‌; কিত্যে সিয়োদোই দঅ বীরমানুচ্চুনোর ঢালানি অসর্মানিত ওইয়োন, শৌলর ঢালত্‌ আর তেল গুলোনা ন-অর্‌।

১ বংশধর 10:8

তার্‌ কেল্যে পলেষ্টীয়গুনে মরা মানচ্চুনো পযাপিরানি লুদেবাত্তে এইনে দেগিলাক্‌ গিলবোয় মুড়োবো উগুরে শৌল আর তা পুয়োগুনো মরাকিয়্যেগানি পড়ি আঘে।

২ বংশধর 20:25

সেক্কে যিহোশাফটে আর তা মানুচ্চুনে লুদেয়্যে পযাপিরানি আনিবাত্তে যেইনে সে মরা কিয়্যেগানি লগে এদক্‌ বেশ্‌ পযাপিরা, কাবড়-চুগোড় আর ধন-রত্ন দেগিলাক্‌, তারা সিয়েনি বুয়োই নেযেই ন-পারিলাক্‌। লুদেয়্যে পযাপিরানি বেশ্‌ অনায় সিয়েনি নেযাদে তারার্‌ তিন দিন লাগিলো।

১ শমূয়েল 28:4

পলেষ্টীয়গুনে এক সমারে এগত্তর্‌ ওইনে শূনেমত্‌ যেইনে তাম্বুল ফেলেলাক্। ইন্দি শৌলেয়ো বেক্‌ ইস্রায়েলীয় সৈন্যগুনোরে এগত্তর্‌ গুরি নেযেইনে গিল্‌বোয় মুড়োবোত্‌ যেইনে তাম্বুল ফেলেলাক্।

১ শমূয়েল 31:7

যিদুক্কুন্‌ ইস্রায়েলীয় কিঝিঙোর্‌ অন্য কিত্তেন্দি এলাক্‌ আর যিগুনে যর্দন গাঙর্‌ উইপারত্‌ এলাক্‌ তারা যেক্কে দেগিলাক্, ইস্রায়েলীয় সৈন্যগুনে ধেই যেইয়োন্‌ আর শৌল আহ্‌ তা পূঅগুনে মুরি যেইয়োন্‌ সেক্কে তারায়ো তারার্‌ শঅর্‌ আর আদামানি ফেলেইনে ধেই গেলাক্‌, আর পলেষ্টীয়গুনে এইনে সিয়েনি গজক্ গুরি নেযেলাক্‌।

১ শমূয়েল 31:9

তারা শৌলর মাঢাবো কাবি ফেলেলাক্ আর তার উজ্যে কাবড়-চুগোরানি আর অাত্যেরানি খুলি নেযেলাক্। এ হবরানি তারার্‌ বেক্‌ দেবেদা-মন্দিরোত্‌ আর মানুচ্চুনো ইদু ফগদাং গুরিবাত্তে তারা পলেষ্টীয়গুনোর দেজত্‌ বেক্‌ জাগায়ানিত্‌ সিয়েনি পাধেই দিলাক্‌।