১ শমূয়েল 31:13 - Chakma Bible

¹³ সে পরেন্দি তারা তারার আড়ুন নেযেইনে সিদুগোর্‌ এক্কো ঝাউ গাজর্‌ তলে গোর্ দিলাক্ আর সাত দিন সং উবোস থেইনে কাদেলাক্।

১ শমূয়েল 31:13 ပူးပေါင်းရင်းမြစ်များ

পত্থম 35:8

এ ভিদিরে রিবিকা ওঝাবো দবোরা মুরি যেইয়্যে। তারে বৈথেল কায়কুরে এক্কো দাঙর্ গাজ তলে গোর্ দিয়্যে অলঅ। সেনত্তে সেই জাগায়ান নাঙান রাগা অলঅ অলোন্‌-বাখুৎ (যিয়েনর্ ভেদ্‌তান্ “কানেদে-গাজ”)।

পত্থম 50:10

যর্দন গাঙ উই পারত্‌ আটদ খামার সং যেইনে যোষেফ সাত দিন সং তা বাব নাঙে আবিলেচ্‌-গুরিবার্ অনুষ্ঠান গুরিলো। মানুচ্চুনেয়ো গুজুরি গুজুরি কানা-ধুরিলাক্।

২ শমূয়েল 1:12

শৌল আর তা পূঅ যোনাথন আর লগেপ্রভুর সৈন্যদলর যিদুক্কুন্‌ ইস্রায়েলীয় যুদ্ধোত্‌ মুরি যেইয়োন্‌ তারাত্যে তারা সাজোন্যে সং কানিলাক আহ্‌ আবিলেচ্‌ গরা ধুরিলাক আর কিচ্ছু ন-হেলাক্।

২ শমূয়েল 11:26

ইন্দি ঊরিয়োর মোক্কো তা নেক্কো মরাণার হবরান্ শুনিনে আবিলেচ্‌ গরা ধুরিলো।

যোহন 11:19

যিহূদীগুনোত্তুন্ ভালোক্‌জনে মার্থা আর মরিয়মরে তারা ভেইবো মোজ্যে কেইনে বুঝেবাত্তে এচ্চ্যন্।

১ শমূয়েল 22:6

শৌলে শুনিলোদে, দায়ূদ আর তার সমাজ্যেগুনোরে হবর্‌ পাহ্ যেইয়্যে। শৌল সেক্কে গিবিয়া শঅরর্‌ মুড়োবো উগুরে এক্কো ঝাউ গাজর্‌ তলে বোই এলঅ। তা আঢত্‌ সেল্ এলঅ আর তার বেক্‌ কামগুরিয়্যেগুনে তা চেরোকিত্তে থিয়্যেই আগন্‌।