১ শমূয়েল 31:10 - Chakma Bible

¹⁰ সে পরেন্দি তারা শৌলর অাত্যেরানি নেযেইনে অষ্টারোৎ দেবীর মন্দিরোৎ রাগেলাক্‌ আর তার কিয়্যেগান বৈৎ-শান শঅরর্‌ দেবালত্‌ টাঙেই দিলাক্।

১ শমূয়েল 31:10 ပူးပေါင်းရင်းမြစ်များ

যিহোশূয় 17:11

ইষাখর আর আশের-গুট্টির দুযি ভিদিরে বৈৎ-শান, যিব্‌লিয়ম আর সিয়েনির কায়-কুরে বেক্‌ আদামানি মনঃশি-গুট্টিরে দিয়্যে ওইয়্যে। ইয়েনবাদে দোর, ঐন্‌-দোর, তানক আর মগিদ্দোর মানুচ্চুন্‌ সহ এ বেক্‌ শঅর্‌ আর সিয়েনির কায়-কুরে বেক্‌ আদামানি মনঃশি-গুট্টিরে দিয়্যে ওইয়্যে। যেরেন্দি তিনান্‌ শঅর্‌ আর তারা সমারে আদামানি এলঅ মুড়ো-মুড়ি চাগালাত্‌।

বিচের গুরিয়্যেগুন 1:27

মনঃশি-গুট্টির মানুচ্চুনে বৈৎ-শান, তানক, দোর, যিব্লিয়ম আর মগিদ্দো শঅরর আর সিয়েনর চেরোকিত্তে আদাম্মেগুনোরে ধাবেই দি ন-পারন্‌, কিত্যে এ জাগায়ানর কনানীয়গুনে ঠিগ্‌ গোজ্যন্‌দে, তারা সে দেজ্‌চান ছাড়িনে ন-যেবাক্‌।

বিচের গুরিয়্যেগুন 2:13

এধোক্কেন্‌ গুরিনে তারা লগেপ্রভুরে বাদ দিইনে বাল দেবেদার আর অষ্টারোৎ দেবীর পূজো গুরিদাক্‌।

১ শমূয়েল 21:9

ধর্মগুরুবো কলঅ, “এলা কিঝিঙোত্‌ তুই যে পলেষ্টীয় গলিয়াতরে মারে ফেলেয়োচ্‌ তার লাম্বা ছুড়িগান ইয়েনত্‌ আঘে। সিয়েন এফোদর পিজেন্দি কাবড়লোই বানি রাগা ওইয়্যে। মন চেলে তুই সিবে নেযেই পারচ্‌। সিবে বাদে আর কনঅ লাম্বা ছুড়ি ইয়েনত্‌ নেই।” দায়ূদে কলঅ, “সিয়েন ধোক্ক্যেন তলোয়ার আর কুদু আঘে? সিয়েনই মরে দে।”

১ শমূয়েল 31:12

সেক্কে সিদুগোর্‌ বীর সৈন্যগুনে গোদা রেত্তো আদিনে বৈৎ-শানত্‌ যেইনে শৌল আর তা পূঅগুনোর মরাকিয়্যেগানি দেবালত্তুন্‌ লামেলাক্‌ আর যাবেশত নেযেইনে সিয়েনি আগুনোত্‌ পুড়ি দিলাক্।

১ শমূয়েল 7:3

সেক্কে শমূয়েলে বেক্‌ ইস্রায়েলীয়গুনোরে কলঅ, “যুনি তুমি তমার বেক্‌ মনান্দোই আরঅ লগেপ্রভুর ইদু ফিরি এবাত্তে চঅ, সালে তমা ভিদিরেত্তুন অন্য জাদ্‌তুনোর্ দেব-দেবেদা আর অষ্টারোৎ দেবেদার মূত্তিগুন সোরেই দুয়ো আর লগেপ্রভুর ইন্দি নিজোর মনান্‌ ঠিগ্ গুরিনে বানা তারে সেবা গরঅ। সালে তে পলেষ্টীয়গুনোর আঢত্তুন তমারে উদ্ধোর গুরিবো।”