১ শমূয়েল 30:24 - Chakma Bible

²⁴ তমার এদক্কানির কধালোই কনজনে রাজী ন-অবাক্। যিগুনে যুদ্ধোত্‌ যেইয়োন্‌ আর যিগুনে পযাপিরানি চুগি দুয়োন্‌ তারা বেক্কুনে এধোক্ক্যেন্ ভাগ পেবাক্‌।

১ শমূয়েল 30:24 ပူးပေါင်းရင်းမြစ်များ

গীতসংহিতা 68:12

সেই মিলেগুনে কন্দে, “সৈন্যদলর রাজাগুনে ধেই যাদন, ধেই যাদন, আর ঘরত্ থেইয়্যে মিলেগুনে লুদেয়্যে পযাপিরানি ভাগাভাগি গত্তন্।

গণাণা 31:27

লুদেয়্যে বেক পযাপিরানি দ্বিভাগ গুরিনে এক ভাগ দুয়ো সৈন্যগুনোরে যিগুনে যুদ্ধো গোজ্যন্‌ আর অন্য ভাগ দুয়ো সমাজর্‌ বাদবাগী মানুচ্চুনোরে।

যিহোশূয় 22:8

“তমার বোউত্‌ ধন-সোম্বোত্তি ওইয়্যে, যেন এ্যমানর দাঙর্‌ দাঙর্‌ পাল্‌, সনা, রূবো, পিদোল, লুয়ো আর বোউত্‌ কাবড়-চুগোর্‌। ইয়েনি নেযেইনে এবেরা তুমি তমা ঘরত্‌ ফিরি যঅ। তমা শত্রুগুনোত্তুন্‌ লুদেয়্যে এ বেক্‌ জিনিস্‌চানি তুমি তমার ভেইয়ুনো সমারে ভাগ গুরি নেযেয়ো।”

১ শমূয়েল 22:2

যিগুনে দযাত্‌ আর কজ্জর্‌ ভারে দুখ্‌ পাদন্‌ আর যিগুনোর মনত্‌ বেজার্‌ বেজার্‌ মনভাব্‌ এলঅ তারা বেক্কুনে দায়ূদো ইদু যেইনে এগত্তর্‌ অলাক্। দায়ূদে তারার সেনাপতি অলঅ। এবাবোত্যেগুরি প্রায় চেরশত্‌ জন মরদ তার্‌ সমাজ্যে অলােক্।

১ শমূয়েল 25:13

দায়ূদে তা মানুচ্চুনোরে কলঅ, “তুমি পত্তিজনে কমরত্‌ লাম্বাছুড়ি বানি নেযঅ।” সেক্কে তারা পত্তিজনেই কমরত্‌ লাম্বা ছুড়ি বানি নিলাক্‌ আর দায়ূদেয়ো সিয়েনই গুরিলো। সে পরেন্দি প্রায় চেরশত্‌জন মানুচ্‌ দায়ূদো সমারে গেলাক্‌ আর দ্বিশত্‌ মানুচ্‌ থেলাক্‌ পযাপিরা চুগি দিবাত্তে।

১ শমূয়েল 30:23

জোবত্‌ দায়ূদে কলঅ, না, না, মর্‌ ভেইয়ুন, লগেপ্রভু মরে যিয়েনি দিয়্যে সিয়েনি লোইনে তুমি এধোক্ক্যেন ন-গোজ্য। তে আামরে রোক্ষ্যে গোজ্যে আর আমার লুদেয়্যেগুনোরে আমা আঢত্‌ তুলি দিয়্যে।

১ শমূয়েল 30:25

সেদিন্যেত্তুন্‌ ধুরি দায়ূদে ইস্রায়েলীয়গুনোত্তে সেই মজিম্ সুদোমানি ঠিগ্ গুরি দিলো আর সিয়েনি এজঅ চালু আঘে।