১ শমূয়েল 30:20 - Chakma Bible

²⁰ তে অমালেকীয়গুনোর বেক্‌ গোরু-ভেড়াগুনো নেযেল। তার্‌ মানুচ্চুনে সিগুনোরে অন্য য়েমানপালুনোর্‌ আগে আগে লোড়েইনে যাহ্ ধুরিলাক্। তারা কলাক্, “ইগুন দায়ূদোর্‌ লুদেয়্যে জিনিস।”

১ শমূয়েল 30:20 ပူးပေါင်းရင်းမြစ်များ

২ বংশধর 14:15

তারা য়েমান চোরেইয়্যেগুনোর্‌ তাম্বুলানিয়ো আক্রমণ গুরিনে পাল্‌ পাল্‌ ভেড়া ছাগল, ছাগল আর উট লোই এচ্ছোন্‌। সে পরেন্দি তারা যিরূশালেমত্‌ ফিরি গেলাক্‌।

২ বংশধর 20:25

সেক্কে যিহোশাফটে আর তা মানুচ্চুনে লুদেয়্যে পযাপিরানি আনিবাত্তে যেইনে সে মরা কিয়্যেগানি লগে এদক্‌ বেশ্‌ পযাপিরা, কাবড়-চুগোড় আর ধন-রত্ন দেগিলাক্‌, তারা সিয়েনি বুয়োই নেযেই ন-পারিলাক্‌। লুদেয়্যে পযাপিরানি বেশ্‌ অনায় সিয়েনি নেযাদে তারার্‌ তিন দিন লাগিলো।

যিশাইয় 53:12

সেনত্তে মহৎ মানুচ্চুনো ভিদিরে মুই তারে এক্কান ভাগ্ দিম আর তে বোলিগুনো সমারে জিদেনার ফল ভাগ গুরিবো, কিত্তে তে নিজোর আওজে পরাণান্ দিয়্যে। তারে পাপীগুনো সমারে গোণা ওইয়্যে; তে ভালোক্ জনর পাপ বুয়োই নেযেয়্যে আর পাপীগুনোত্তে কোজোলী গোজ্যে।

রোমীয় 8:37

মাত্তর্ যিবে তমারে কোচ্‌পায়, তা মাধ্যমে ইয়েনির্ ভিদিরেদিয়ো আমি পুরোপুরি জিত্তেই।

১ শমূয়েল 30:21

যে দ্বিশত মানুচ্‌ বল্‌পোজ্যে ওইনে দায়ূদোর্‌ লগে যেই ন-পারন, যিগুনোরে বিষোর খাট্টোঙান ইদু ফেলেই যাহ্ ওইয়্যে, দায়ূদে তারা ইদু ফিরি এলঅ। সে মানুচ্চুনে দায়ূদ আর তা সমারে মানুচ্চুনোরে উজেই নিবাত্তে এচ্চ্যে। দায়ূদ আর তার মানুচ্চুনে তারার্‌ ইদু যানার্‌ পরেন্দি দায়ূদে তারারে উদো ললঅ।

১ শমূয়েল 30:26

সিক্লগত্‌ ফিরি এইনে দায়ূদে যিহূদা-গুট্টির বুড়ো নেতাগুনো ইদু লুদেয়্যে মালর কিজু ভাগ পাধেই দিলো। তারা অলাক্কে তার দাংগু। তে তারা ইদু এ কধানি কোই পাদেল, “লগেপ্রভুর শত্রুগুনোত্তুন্‌ লুদেই আন্যে পযাপিরানিত্তুন্‌ মুই তমার ইদু কিজু বক্‌শিজ্ পাদেলুং।”