১ শমূয়েল 30:15 - Chakma Bible

¹⁵ দায়ূদে কলঅ, “সেই লুদেয়্যেগুনো ইদু কি তুই মরে নেযেই পারিবে?” জোবত্‌ তে কলঅ, “তুই গোজেনর্‌ নাঙে শমক্‌ খেইনে কঅ, তুই মরে মারেয়ো ন-ফেলেবে বা মঅ গিরোজ্‌সোর্‌ আঢত্‌ তুলিয়ো ন-দিবে। সালে মুই তরে তারার্‌ ইদু নেযেম্‌।”

১ শমূয়েল 30:15 ပူးပေါင်းရင်းမြစ်များ

পত্থম 24:3

যিবে স্বর্গ আর পিত্‌থিমীয়ানর্ গোজেন সেই লগেপ্রভু ইধু মুই তরে এ শমত্‌ গরাঙর্‌: মুই যে কনানীয়গুনো ইধু বজত্তি গরঙর্‌ তারা ভিদিরেত্তুন্‌ কনঅ মিলেরে মঅ পুয়োবোর্‌ মোক্‌ ইজেবে তুই বেঈ ন-লবে।

যিহিষ্কেল 17:13

সে পরেদি তে রাজপরিবারর্ একজন সমারে চুক্তি গুরিনে তারে তার বাধ্য থেবাত্তে শমক্ হাবেল। তে দেজর্ আজল্ আজল্ মানুচ্চুনোরে ধুরি নেযেল যেনে সেই রেজ্যগানর্ অধিনে রাগা যায় আর সিয়েন খেমতাবলা ওইনে উদি ন-পারে মাত্তর্ চুক্তি রোক্ষ্যে গুরিনে টিগি টেই পারে।

যিহিষ্কেল 17:16

মুই প্রভু লগেপ্রভু মর্ জিংকানির দিব্য দিইনে কঙর্, তারে যে রাজাবো সিংহাসনত্ বোজেল, যিবের্ শমক্তানরে তে ঈচ্ গুরিলো, আর যিবের্ চুক্তি তে ভাঙি ফেলেল তে সেই রাজার দেজত্ বাবিলোত্ মুরি যেবঅ।

যিহিষ্কেল 17:19

“‘মুই প্রভু লগেপ্রভু মর্ জিংকানির নাঙে কঙর্, তে মঅ নাঙে শমক্ গুরিনে সিয়েনি ঈচ্ গোজ্যে আর অধীনতার চুক্তিগান ভাঙে বিলিনে তা ফল মুই তারে দিম।

যিহোশূয় 2:12

মুই তমা উগুরে বিশ্বেজ্ গোজ্যং, সেনত্তেই ইক্কিনে তুমি তমার লগেপ্রভুর নাঙে মইদু শমক্‌ খঅ‌, আমা পরিবার উগুরেয়ো তুমি বিশ্বেজ্ রাগেবা। এ পৌইদ্যেনে তুমি মরে এন্‌ এক্কান আরুক্‌ দুয়ো যিয়েন্দোই মুই বুঝি পারং,

যিহোশূয় 9:15

যিহোশূয় তারা সমারে আঢ্ মিলেল আর তারারে মারে ন-ফেলেব বিলিনে এক্কান্‌ চুক্তি গুরিলো, আর ইস্রায়েলীয় সমাজর নেতাগুনেয়ো সে পৌইদ্যেনে শমক্‌ খেলাক্‌।

বিচের গুরিয়্যেগুন 1:24

সেই মানুচ্চুনে শঅ‌রত্তুন এক্কো মান্‌জ্যরে নিগিলি এত্তে দেগিনে তারে কলাক্‌, “শঅরত্‌ চোমেবার পথ্‌তান্ তুই আমারে দেগেই দে, সালে আমি তর্‌ কনঅ ক্ষেতি ন-গুরিবোং।”

১ শমূয়েল 29:6

আখীশে সেক্কে দায়ূদোরে ডাগিনে কলঅ, “জেদা লগেপ্রভুর নাঙে কঙর্, মুই হবর্‌ পাং তুই গম্‌ মানুচ্‌। এ সৈন্যগুনো ভিদিরে তুই যিয়েনি গোজ্যস্‌ সিয়েনি মরে হুজি গোজ্যস্‌। তর্‌ এবার দিন্নোত্তুন্‌ ধুরি এচ্চ্যে সং মুই তঅ ভিদিরে অন্যেয় কিচ্ছু ন-দেগং, মাত্তর্‌ অন্য শাজন্‌গুরিয়্যেগুনে তর্‌ উগুরে হুজি নয়।

১ শমূয়েল 30:14

আমি নেগেভত্‌ করেথীয়গুনোর চাগালাত্‌, যিহূদা চাগালাত আর কালেব চাগালাত্‌ লুদেবাত্তে যেইয়্যেই আর সিক্লগ আগুন্দোই পুড়ি ফেলেই দিয়্যে।”

১ শমূয়েল 30:16

পরেন্দি তে দায়ূদোরে সে দল ইদু নেযেল। তারা সেক্কে এক্কো মাদ ভিদিরে ছিদি পোজ্যন্‌ আর হানা-দানা গোজ্যন্‌ আর মদ খেইনে ফুত্তি গোজ্যন্‌, কিত্যে পলেষ্টীয়গুনোর দেজ্‌চান আর যিহূদা চাগালাত্তুন্‌ তারা বোউত্‌ পযাপিরা লুদেইনে আন্যন্‌।