১ শমূয়েল 30:1 - Chakma Bible

^1-2 দায়ূদে তা মানুচ্চুনোরে নেযেইনে তিন দিনোত্‌ সিক্লগত্‌ যেইনে লুমিলো। মাত্তর্‌ এ ভিদিরে অমালেকীয়গুনে নেগেভত্‌ পলেষ্টীয়গুনোর চাগালাত্‌ আর সিক্লগত্‌ লুদেয়োন্‌। তারা সিক্লগ্‌কান্ আক্রমণ গুরিনে পুড়ি ফেলেই দিইনে সিদুুগোর্‌ বেক্‌ মিলেগুনোরে আর চিগোন-দাঙর্‌ বেক্কুনোরে বন্দী গুরি নেযেয়োন। মাত্তর্‌ কনজনরে তারা মারেই ন-ফেলান, বানা ফিরি যেবার্‌ অক্তত্‌ তারা সমারে নেযেলাক্।

১ শমূয়েল 30:1 ပူးပေါင်းရင်းမြစ်များ

পত্থম 24:62

ইস্‌হাকে সেক্কে নেগেভত্‌ থেদঅ। এ ভিদিরে তে বের্‌-লহয়-রোয়ী নাঙে জাগাগান ইধু গেলঅ।

২ শমূয়েল 1:1

শৌল মরাণার পরেন্দি দায়ূদে অমালেকীয়গুনোরে ওদেই দিইনে সিক্লগত্‌ ফিরি এলঅ আর সিদু দ্বিদিন রলঅ।

২ শমূয়েল 1:2

তিন দিনোত্‌ শৌল সৈন্যগুনোর-তাম্বুলোত্তুন্‌ এক্কো মানুচ্‌ দায়ূদো ইদু এলঅ। আবিলেজ্‌ হানার চিহ্নো ইজেবে তা কিয়্যের্‌ কাবড়-চুগোড়ানি ফাদা এলঅ আর মাঢাত্‌ ধুল্যে এলঅ। তে দায়ূদো ইদু যেইনে মাদিত্‌ পড়িনে তারে সালাম্‌ গুরিলো।

২ শমূয়েল 1:8

তে মরে পুযোর্‌ গুরিলো, ‘তুই কন্না?’ জোবত্‌ মুই কলুং, ‘মুই এক্কো অমালেকীয়।’

২ শমূয়েল 15:18

দায়ূদোর বেক্‌ মানুচ্চুনে তা মুজুঙেন্দি উজেই গেলাক্। তারা এলাক্কে করেথীয়, পলেথীয় আর ছয়শ গাতীয় মানুচ্‌ যিগুনে আগে গাৎত্তুন্‌ রাজার লগে এচ্ছোন্‌।

১ বংশধর 12:21

অন্য আক্রমণগুরিয়্যে দলুনো বিরুদ্ধে ইগুনে দায়ূদোরে বল্‌ দুয়োন্‌। ইগুনে বেক্কুনে বোলী যোদ্ধা আর দায়ূদ সৈন্যদল সেনাপতি।

১ বংশধর 12:22

এধোক্ক্যেন গুরিনে দিনকে দিন্‌ মানুচ্চুনে দায়ূদরে বল্‌ দিবাত্তে এজা ধুরিলাক্‌। যেরেন্দি গোজেন সৈন্যদল ধোক্ক্যেন তার্‌ এক্কো দাঙর্‌ সৈন্যদল্‌ উদিলো।

যিরমিয় 41:12

সেক্কে তারা তারার বেক্ মানুচ্চুনোরে নিইনে তা সমারে যুদ্ধো গুরিবাত্তে গেলাক্। গিবিয়োনর দাঙর্ পুয়োর্‌‌বো কায়-কুরে তারা তা দেগা পেলাক্।

যিহোশূয় 11:6

সেক্কে লগেপ্রভু যিহোশূয়রে কলঅ‌, “তুই তারারে ন-দোরেচ্‌, কিত্যে এযেত্যে কেল্যে মুই এই সময়ো ভিদিরে ইস্রায়েলীয়গুনোর মুজুঙোত্‌ তারারে বেক্কুনোরে শেজ্‌ গুরি দিম্‌। তুই তারার্‌ ঘোড়াগুনোরে টেঙঅ রক্কুন্‌ কাবি দিবে আর রথ্‌তানি পুড়ি দিবে।”

১ শমূয়েল 15:7

শৌলে সেক্কে হবীলা চাগালাত্তুন্‌ মিসরর্‌ পূগেন্দি শূর-ধূল্যেচর-চাগালা সং বেক্‌ অমালেকীয়গুনোরে ওদেই দিলো।

১ শমূয়েল 15:8

তে অমালেকীয়গুনোর রাজা অগাগরে জেদাবাদে ধুরিলো আর অন্য বেক্কুনোরে মারে ফেলেল।

১ শমূয়েল 27:6

সেক্কে আখীশে সিক্লগ শঅরান্‌ দায়ূদোরে দান গুরিলো। সেক্কেত্তুন্‌ ধুরি এজঅ সিক্লগ শঅরান্‌ যিহূদার গজগত্ আঘে।

১ শমূয়েল 29:10

সেনত্যেই তুই আর তর্‌ গিরোজর্‌ যিদুক্কুন্‌ মানুচ্‌ তর্‌ লগে এচ্চ্যন্‌ তুমি কেল্যে বেন্যে উদো আর পহর্‌ অনার লগে লগে যেয়োগোই।”

১ শমূয়েল 29:11

সেনত্যেই দায়ূদ আর তার মানুচ্চুনে পলেষ্টীয়গুনোর দেজত্‌ ফিরি যেবাত্তে বেন্যেপোত্যে উদিলাক্, আর পলেষ্টীয়গুনে যিষ্রিয়েলত্‌ গেলাক্।

১ শমূয়েল 29:4

এ কধাগান শুনিনে পলেষ্টীয় সেনাপতিগুনে আখীশো উগুরে রাগ গুরিনে কলাক্, “মানুচ্চোরে তুই ফেরৎ পাধেই দে। তুই তারে যে জাগায়ান দুয়োচ্‌ তে সিয়োদোই ফিরি যোক্‌। তে আমা লগে যুদ্ধোত্‌ যেই ন-পারিবো। সালে যুদ্ধোত্‌ যেইনে তে আমা বিপক্ষে যেবঅ। তার্ গিরোজ্‌সোরে হুজি গুরিবাত্তে অলে তারে দঅ আমা মানুচ্চুনোর মাঢাবোলোই সিয়েন গরা পুরিবো।

১ শমূয়েল 30:14

আমি নেগেভত্‌ করেথীয়গুনোর চাগালাত্‌, যিহূদা চাগালাত আর কালেব চাগালাত্‌ লুদেবাত্তে যেইয়্যেই আর সিক্লগ আগুন্দোই পুড়ি ফেলেই দিয়্যে।”