১ শমূয়েল 3:4 - Chakma Bible

⁴ এন্‌ সময়োত লগেপ্রভু শমূয়েলরে ডাগিলো। শমূয়েলে জোব্ দিলো, “ইয়োদোই মুই আগং।”

১ শমূয়েল 3:4 ပူးပေါင်းရင်းမြစ်များ

পত্থম 22:1

এ ঘটনাগান পরেদি গোজেনে অব্রাহামরে এক্কো পোরোক্ষেত্‌ ফেলেল। গোজেনে তারে ডাগিলো, “অব্রাহাম।” অব্রাহামে জোব্ দিলো, “এইয়্যে দঅ মুই।”

পত্থম 22:11

এ অক্তত্‌ লগেপ্রভুর দূত্তো স্বর্গত্তুন্‌ তারে ডাগিলো, “অব্রাহাম, অব্রাহাম!” অব্রাহামে জোব্ দিলো, “এইয়্যে দঅ মুই।”

গীতসংহিতা 99:6

তা ধর্মগুরুগুনোর্ ভিদিরে অলাক্ মোশি আর হারোণ; যিগুনে তাইদু তবনা গুরিদাক্ তারার ভিদিরে এলদে শমূয়েল। মোশি, হারোণ আর শমূয়েলে লগেপ্রভুরে ডাগিদাক্ আর তে তারারে জোব্ দিদো।

যাত্রা 3:4

ঝুপ্পো চেবাত্তে মোশি এক কিত্তেদি যাদে দেগিনে লগেপ্রভু গোজেনে ঝুবো সেরেত্তুন্‌ ডাগিলো, “মোশি, মোশি।” মোশি কলঅ, “এইয়্যে দঅ মুই।”

যিশাইয় 6:8

সে পরেদি মুই প্রভুর্ কধা শুনিলুং। তে কলদে, “মুই কারে পাদেম্? আমা পক্ক ওইনে কন্না যেবঅ?” মুই কলুং, “এইয়্যেদ মুই, তুই মরে পাদা।”

প্রেরিত্‌ 9:4

তে মাদিত্ পড়ি গেলঅ আর শুনিলো কন্না যেন তারে কত্তে, “শৌল, শৌল, কিত্ত্যে তুই মঅ উগুরে অত্যেচার্ গরর্?”

১ করিন্হীয় 12:28

গোজেনে মন্ডলীত্ পত্তম প্রচারক, দ্বি-লম্বরত ভাববাদী; তিন-লম্বরত্ মাষ্টর্ ইজেবে নেযেয়্যে। সে পরেদি এই বেক্ মানুচ্চুনোরে নেযা ওইয়্যে-যিগুনে আমক্ কাম গুরিবার খেমতা পেইয়োন, যিগুনে পীড়ে গম্ গুরিবার খেমতা পেইয়োন, যিগুনে সাহায্য গুরিবার খেমতা পেইয়োন, যিগুনে পরিচালনা গুরিবার খেমতা পেইয়োন, আর যিগুনে নানান্ ভাষা কবার খেমতা পেইয়োন। বেক্কুনে কি প্রচারক্?

১ শমূয়েল 3:5

ইয়েন কোইনে তে দাবাদাবা এলি ইদু যেইনে কলঅ, “এইয়্যে দঅ মুই, তুই মরে ডাগত্তে?” এলি কলদে, “না, মুই দঅ তরে ন-ডাগং। তুই যেইনে ঘুমোত্‌ পড়।” শমূয়েলে সেক্কে যেইনে ঘুমোত্ পুরিলো।