১ শমূয়েল 3:2 - Chakma Bible

² সেই সময়োত্‌ এলির চোক্কুন এদক বর্‌বাদ্ ওই যেয়োন্দে যে, তে প্রায়ই ন-দেগিদো। একদিন্যে রেত্ সম্বাগত এলি তার নিজোর জাগানত্‌ ঘুম গেলঅ।

১ শমূয়েল 3:2 ပူးပေါင်းရင်းမြစ်များ

পত্থম 27:1

বুড়ো বয়জত্‌ ইস্‌হাকে চোগেদি রিনি চেবার খেমতাগান এদক্‌ কুমি গেলদে যে, যেরেন্দি তে আর কিচ্ছু ন দেগিদো। একদিন্যে তে তার দাঙর্‌ পুয়ো এষৌরে ডাগিনে কলঅ, “মর্ বাবা।” এষৌ জোবত্ কলঅ, “এইয়্যে দঅ মুই।”

পত্থম 48:10

বুড়ো বয়জত্‌ চোগেদি দেগিবার্‌ খেমতা কম অনার্‌ কারনে ইস্রায়েলে গমেডালে ন-দেগের্। সেনত্তে যোষেফে তা পুয়োগুনোরে তা বাবঅ ইধু নেযেল। সেক্কে ইস্রায়েলে তারারে আজাগুরি ধুরিনে চুমিলো।

পত্থম 48:19

মাত্তর্‌ তা বাবে সেক্কে আবিত্তি জানেইনে কলঅ, “মুই সিয়েন্‌ হবর্‌ পাং বাবা, মুই দঅ হবর্‌ পাং। তেয়ো দাঙর্ অবঅ আর তা বংশ মানুচ্চুনে এক্কো জাদ্ ওইনে উদিবাক্। মাত্তর্‌ তা চিগোন্‌ ভেইবো তাত্তুন্‌ বেশ্‌ দাঙর্‌ অবঅ আর্‌ তা বংশ মানুচ্চুনো ভিদিরেত্তুন্‌ ভালোক্কুন্‌ জাদ্ উদিবাক্।”

১ রাজাবলী 14:4

যারবিয়ামর্‌ মোক্কো তা কধামজিম্‌ কাম গুরিলো আর শীলোত্‌ অহিয়োর্‌ ঘরত্‌ গেলঅ। সেক্কে অহিয় চোগেন্দি ন-দেগিদো; বুড়ো ওই যেইয়্যে বিলিনে তার্‌ চোগোর জোতিবো কুমি যেইয়্যে।

গীতসংহিতা 90:10

আমা আয়ু বানা সত্তুর বজর, বল্ থেলে আশি বজর্‌অ অয়; আমা আয়ু যেদক অদঅ সাৎ থাইদ্যে বানা দুখ্ আর কষ্ট; বজর যায় চোগ্ কাদানাত্ আর আমিও শেজ্ ওই যেই।

উপদেশক 12:3

সে অক্তত্ ঘরর্ চুগিদারুনে গির্‌গিরেবাক্, আর বোলীবন্দ মানুচ্চুনে আঢুর্ ওই যেবাক্; যিগুনে গম্ মাড়ন্ তারা মানুচ্ কম্ বিলিনে কাম্ ছাড়ি দিবাক্, আর জানালাদি যিগুনে রিনি চেদাক্ তারা আর্ গমেডালে ন-দেগিবাক্।

১ শমূয়েল 2:22

এলি সেক্কে অমহদ বুড়ো ওই গেলঅ। ইস্রায়েলীয়গুনো উগুরে তার পূঅগুনোর বেবহারর্‌ কধা আর যিদুক্কুন মিলে সেবা-কামত্তে মিলন-তাম্বুর দোরান ইদু এদাক্ তারার লগে তারার সিনেলীর কধা তা কানত্‌ গেলঅ।

১ শমূয়েল 4:15

এলির বয়সছান সেক্কে আদানব্বই বজর্। তে চোখ্‌‌কানা ওইনে বিলিনেই ন-দেগিদো।