১ শমূয়েল 28:15 - Chakma Bible

¹⁵ শমূয়েল শৌলরে কলঅ, “কিত্তে তুই মরে তুলি আনিনে কাঙেলেত্যে গুরিলে?” শৌল কলঅ, “মুই অমকদ দজাত্ পোজ্যং। ইন্দি পলেষ্টীয়গুনে মঅ বিরুদ্ধে যুদ্ধো গত্তন্‌ আর উন্দি গোজেনে মরে ছাড়িনে যেয়্যেগোই। তে আর মর্‌ ডাগানালোই ন-শুনিলো-ভাববাদীগুনোর মাধ্যমেও ন-দিলো, স্ববনর্ মাধ্যমেও ন-দিলো। সেনত্যে ইক্কিনে মত্তুন্‌ কি গরানা উজিত্‌ সিয়েন জানিবাত্তে তরে ডাগি আন্যং।”

১ শমূয়েল 28:15 ပူးပေါင်းရင်းမြစ်များ

গীতসংহিতা 51:11

তঅ মুজুঙোত্তুন্ মরে দূর্ গুরি ন-দিচ্; মঅ ভিদিরেত্তুন্ তর্ সুদ্ধো-সাংগ আত্মাগানরে ন-নেযেচ্।

গম্ উপদেজ্ 14:14

অবিশ্বেজি মানুচ্চুন নিজোর আচার-বেবহারলোই হুজি অন্, মাত্তর্ গম্ মানুচ্চুনে নিজো আচার-বেবহারলোই আরঅ বেশ্ হুজি অন্।

হোশেয় 9:12

যুনি বা কনজনে পুয়ো-ছা পালান্ তো সেই পুয়ো-ছাগুনোরে মুই মারে ফেলেম; তারার্ একজনঅ ন-থেবাক্। অভিশাব্ পোড়োক্ তারার্, যেক্কেনে মুই তারাত্তুন্ যেম্বোই।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

বিচের গুরিয়্যেগুন 16:20

সে পরেন্দি দলীলা তারে কলঅ, “শিম্‌শোন, পলেষ্টীয়গুনে তরে ধুরিবাত্তে এচ্ছোন্‌।” শিম্‌শোনে ঘুমোত্তুন জাগি উদিনে ভাবিলোদে, তে আগঅ ধোক্কেন্‌ বারেন্দি যেবঅ আর ঝাগারা দিইনে নিজোরে উদ্ধোর্‌ গুরি নিবো। মাত্তর্‌ তে হবর্‌ ন-পেদঅ, লগেপ্রভু তারে ছাড়ি যেয়েগোই।

১ শমূয়েল 18:12

শৌল দায়ূদরে দরা ধুরিলো, কিত্যে লগেপ্রভু দায়ূদো সমারে এলঅ মাত্তর্‌ শৌলরে তে ছাড়িনে যেইয়্যে।

১ শমূয়েল 23:2

দায়ূদে যেক্কে লগেপ্রভুরে পুযোর্‌ গুরিলো, “মুই কি যেইনে সেই পলেষ্টীয়গুনোরে আক্রমণ গুরিম?” জোবত্‌ লগেপ্রভু তারে কলঅ, অয়, যাহ্। পলেষ্টীয়গুনোরে আক্রমণ গুরিণে কিয়ীলাগান্ রোক্ষ্যে গর্‌।

১ শমূয়েল 23:4

সেক্কে দায়ূদে আরঅ লগেপ্রভুররে পুযোর্‌ গুরিলো আহ্‌ লগেপ্রভু জোবত্‌ তারে কলঅ, “তুই কিয়ীলাদত্‌ যাহ্, মুই তর্‌ আঢত্‌ পলেষ্টীয়গুনোরে তুলি দিম।”

১ শমূয়েল 28:11

সেক্কে মিলেবো তারে পুযোর্‌ গুরিলো, “মুই সালে তত্তে কারে তুলি আনিম?” শৌল কলঅ, “শমূয়েলরে আন।”

১ শমূয়েল 28:16

শমূয়েলে কলঅ, লগেপ্রভু যেক্কে তরে ছাড়িনে তর্‌ বিপক্ষেন্দি যেইয়্যে সেক্কে মরে আর পুযোর্‌ গরর্‌ কিত্তে?

১ শমূয়েল 28:6

তে কি গুরিবো সিয়েন লগেপ্রভুর ইত্তুন্‌ জানিবাত্তে চেলঅ, মাত্তর্‌ লগেপ্রভু তারে কনমতেই জোব্ ন-দিলো-স্ববনেয়ো ন-দিলো, ঊরীম দিইনেয়ো নয় বা ভাববাদী দিইনেয়ো নয়।

১ শমূয়েল 28:8

এ কধাগান শুনিনে শৌল অন্যবাবোত্যে কাবড়-চুগোড়্ উরিনে নিজোর্‌ পরিচয়ান্‌ গুমুরোত্ রাগেইনে রোদোত্‌ দ্বিজন মান্‌জ্যরে লগে নেযেইনে সে মিলেবো ইদু গেলঅ। তে সেই মিলেবোরে কলঅ, “তুই মন্ত্র পুরিনে মরা মানজ্যর্‌ আত্মা সমারে উদোলোলি গুরিনে মুই যিবের্‌ নাঙান্‌ কোম্‌ তারে ইদু তুলি আন্‌।”

১ শমূয়েল 30:6

সেক্কে দায়ূদে দাঙর্ দজাত্‌ পোজ্যে, কিত্যে ঝি-পূঅগুনোত্তে তার মানুচ্চুনোর্‌ মনান্‌ দায়ূদো উগুরে এন্‌ তিদে ওই উঠ্যে, তারা দায়ূদোরে পাত্তর্‌ মারিবার্‌ কধানি কুয়োকি গত্তন্‌। মাত্তর্‌ দায়ূদে তার্‌ গোজেন লগেপ্রভুর উগুরে নির্ভর গুরিনে মনত্‌ বল্‌ পেলঅ।