১ শমূয়েল 27:8 - Chakma Bible

⁸ সেই সময়ান ভিদিরে তে তার মানুচ্চুনোরে নেযেইনে গশূরীয়, গির্ষীয় আর অমালেকীয়গুনোর দেজত্‌ লুদেবাত্তে যেইয়োন্‌। এ বেক্‌ জাদর্‌ মানুচ্চুনে বোউত্‌ দিন আগে শূরত্তুন্‌ মিসর সং বেক্‌ চাগালানিত্‌ বজত্তি গুরিদাক্।

১ শমূয়েল 27:8 ပူးပေါင်းရင်းမြစ်များ

২ শমূয়েল 14:23

ইয়েনর্ পরেন্দি যোয়াবে গশূরোত্‌ যেইনে অবশালোমরে যিরূশালেমত্‌ ফিরেই আনিলো।

২ শমূয়েল 14:32

জোবত্‌ অবশালোমে যোয়াবরে কলঅ, “ইদু এবাত্তে মুই তইদু মানুচ্‌ পাধেই দুয়োং যেনে তুই যেইনে রাজারে এ কধাগান পুযোর্‌ গুরি পারচ্‌, ‘কিত্তে মুই গশূরত্তুন্‌ এলুং? সিদু থানা দঅ মর্ উজিত্ এলঅ।’ ইক্কিনে যেনে মুই রাজার মুয়োন্‌ দেগং তুই সে বেবস্থাগান গুরিচ্‌। যুনি মর্‌ কনঅ দুষ ওই থায় সালে তে যেনে মরে মারে ফেলায়।”

২ শমূয়েল 15:8

তঅ চাগর্‌ মুই অরামর গশূরত্‌ থেবার্‌ সময়োত্‌ মানত্‌ গুরি কোইয়োং, ‘লগেপ্রভু যুনি মরে যিরূশালেমত্‌ ফিরেই নেযায় সালে মুই হিব্রোণত্‌ যেইনে লগেপ্রভুর নাঙে উৎসর্ব গুরিম।’”

২ শমূয়েল 3:22

ঠিগ্‌ সে সলাবোত্‌ দায়ূদো মানুচ্চুনে আহ্‌ যোয়াবে শত্রুগুনোরে আক্রমণ গরানা থুম্ গুরিনে সয়-সাগোজ্যে লুদেয়্যে মাল্‌লোই ফিরি এলাক্। সেক্কে অব্‌নের হিব্রোণত্‌ দায়ূদো ইদু ন-এলঅ, কিত্যে দায়ূদে তারে বিদেয় গুরি দিয়্যে আর তে দোলেদালে গেলগোই।

২ শমূয়েল 3:3

তার দ্বিলম্বর পূঅবোর্‌ নাঙান্‌ কিলাব; তে অলদে কর্মিলোর নাবলর্ রানিমিলে অবীগলর পূঅ। তিন লম্বর পূঅবোর্‌ নাঙান্‌ অবশালোম; তে অলদে গশূরোর্‌ রাজা তল্‌ময়র ঝি মাখার পূঅ।

যাত্রা 15:22

পরেদি মোশি লোহিত সাগরত্তুন্‌ ইস্রায়েলীয়গুনোরে নেযেল। তারা পত্তমে শূর নাঙে এক্কান ধূল্যেচর চাগালাত্‌ গেলাক্। সেই ধূল্যেচর চাগালাত্‌‌ তিন দিন সং ঘুরি ঘুরি তারা কনজাগাত্‌ পানি ন-পেলাক্।

যাত্রা 17:8

এই সময়োত্‌ অমালেকীয় সৈন্যগুনে ইস্রায়েলীয়গুনো সমারে যুদ্ধো গুরিবাত্তে রফীদীমোত্‌ লুমিলাক্‌।

গণাণা 13:29

অমালেকীয়গুনে থান্দে নেগেভত; হিত্তীয়, যিবূষীয় আর ইমোরীয়গুনে থান্দে মুড়ো-মুরি চাগালাত্‌ আর কনানীয়গুনে থান্দে বড়সাগর ইদু আর যর্দন গাঙর্‌ পাড়ত্‌।”

গণাণা 14:45

তারারে দেগিনে সেই মুড়োমুরি চাগালার্ অমালেকীয় আর কনানীয়গুনে লামি এইনে তারারে আক্রমণ গুরিলাক্ আর হর্মা শঅর সং তারারে লোড়েই নেযেলাক্।

যিহোশূয় 12:5

হর্মোণ মুড়ো, সল্‌খা, গশূরীয় আর মাখাথীয়গুনোর দুযি সং পুরো বাশন দেজ্‌চান আর হিষ্‌বোনর রাজা সীহোনর রেজ্যর দুযি সং গিলিয়দর বাদবাগি অদ্দেক্‌ ভাক্কান্‌ তার শাজনর অধীনোত্‌ এলঅ‌।

যিহোশূয় 13:13

মাত্তর্‌ ইস্রায়েলীয়গুনে এই গশূরীয় আর মাখাথীয়গুনোরে ধাবেই ন-দুয়োন্‌; সেনত্তেই তারা এজঅ সং ইস্রায়েলীয়গুনো ভিদিরে বজত্তি গত্তন্‌।

যিহোশূয় 13:2

যে জাগায়ানি এজঅ‌ গজক্ গরা ন-অয়্‌ সে ভিদিরে রোইয়্যেদে মিসরর পূগেদি সীহোর গাঙত্তুন্‌ আরাম্ভ গুরিনে উত্তরেন্দি ইক্রোণর দুযি সং পলেষ্টীয় আর গশূরীয়গুনোর বেক্‌ চাগালাগান। এ চাগালাগান্‌ কনানীয়গুনোর জাগা বিলিনে ধরা অয়্‌। সিয়েনত্‌ ঘষা, অস্‌দোদ, অস্কিলোন, গাৎ আর ইক্রোণ নাঙে পাচজন পলেষ্টীয় শাজনগুরিয়্যের্‌ পাচছান শঅ‌র আঘে, আর দোগিণেন্দি আঘে অব্বীয়গুনোর জাগানি। ইয়েনিবাদে আরঅ‌ বোউত্‌ জাগা গজক্ গুরি নেযেবার্‌ বাগি আঘে, সিয়েনি অলঅ‌ সীদোনীয়গুনোর অধীনোত্‌ মিয়ারাত্তুন্‌ ইমোরীয়গুনোর দুযিত্‌ অফেক সং কনানীয়গুনোর বেক্‌ জাগায়ানি,

যিহোশূয় 16:10

গেষরত্‌ যিদুক্কুন্‌ কনানীয় বজত্তি গুরিদাক্‌ তারারে তারা ধাবেইনে নিগিলেই ন-দুয়োন্‌। এজঅ তারা ইফ্রয়িম-গুট্টির মানুচ্চুনো লগে বজত্তি গত্তন্‌; মাত্তর্‌ ইফ্রয়িম-গুট্টির চাগর ইজেবে তারার কামানি গত্তে বাধ্য গরা ওইয়্যে।

বিচের গুরিয়্যেগুন 1:29

ইফ্রয়িম-গুট্টির মানুচ্চুনেয়ো গেষরত্তুন্‌ কনানীয়গুনোরে নিগিলেই ন-দুয়োন্‌। তারা সিদু তারা ভিদিরে থেই গেলাক্‌।

১ শমূয়েল 29:6

আখীশে সেক্কে দায়ূদোরে ডাগিনে কলঅ, “জেদা লগেপ্রভুর নাঙে কঙর্, মুই হবর্‌ পাং তুই গম্‌ মানুচ্‌। এ সৈন্যগুনো ভিদিরে তুই যিয়েনি গোজ্যস্‌ সিয়েনি মরে হুজি গোজ্যস্‌। তর্‌ এবার দিন্নোত্তুন্‌ ধুরি এচ্চ্যে সং মুই তঅ ভিদিরে অন্যেয় কিচ্ছু ন-দেগং, মাত্তর্‌ অন্য শাজন্‌গুরিয়্যেগুনে তর্‌ উগুরে হুজি নয়।

১ শমূয়েল 30:1

দায়ূদে তা মানুচ্চুনোরে নেযেইনে তিন দিনোত্‌ সিক্লগত্‌ যেইনে লুমিলো। মাত্তর্‌ এ ভিদিরে অমালেকীয়গুনে নেগেভত্‌ পলেষ্টীয়গুনোর চাগালাত্‌ আর সিক্লগত্‌ লুদেয়োন্‌। তারা সিক্লগ্‌কান্ আক্রমণ গুরিনে পুড়ি ফেলেই দিইনে সিদুুগোর্‌ বেক্‌ মিলেগুনোরে আর চিগোন-দাঙর্‌ বেক্কুনোরে বন্দী গুরি নেযেয়োন। মাত্তর্‌ কনজনরে তারা মারেই ন-ফেলান, বানা ফিরি যেবার্‌ অক্তত্‌ তারা সমারে নেযেলাক্।