১ শমূয়েল 27:12 - Chakma Bible

¹² মাত্তর্‌ আখীশ দায়ূদোরে বিশ্বেজ্ গুরিদো আর ভাবিদো দায়ূদে এ কামানি গুরিনে তার নিজোর জাত্‌ ইস্রায়েলীয়গুনোর ইদু নিজোরে অমকদ ঘিনাইদে চোগোত্‌ তুল্যে আর সেক্কে তে জিংকানিবর্‌ তার চাগর্‌ ওই থেবঅ।

১ শমূয়েল 27:12 ပူးပေါင်းရင်းမြစ်များ

পত্থম 34:30

যাকোবে পরেদি শিমিয়োন্‌ আর লেবিরে কলঅ, “তুমি এ দেজ মানুচ্চুনো মুজুঙোত, বিশেজ্ গুরি কনানীয় আর পরিষীয়গুনো মুজুঙোত্‌ জগন্য কাম্‌ গুরিনে দজাদ্‌ ফেলেয়্য। মঅ মানুচ্চুনে জনেদি কম। তারা এগত্তর্‌ ওইনে মরে হাম্‌লা গুরিবাক্, আর সেক্কে পরিবার্‌ সুমুত্তো মুই মুরি যেম্‌।”

২ শমূয়েল 10:6

অম্মোনীয়গুনে বুঝি পারিলাক্, তারা দায়ূদোর ঘিনাইদে মানুচ্‌ ওইয়োন। সেনত্তেই তারা বৈৎ-রহোব আর সোবাত্তুন্‌ কুড়ি আজার অরামীয় সৈন্য, এক আজার সৈন্যসুমুত্তো মাখার রাজারে আর টোবত্তুন্‌ বার আজার মান্‌জ্যরে ভাড়া গুরিলাক্।

যাত্রা 5:21

পরিচালক্কুনে তারারে কলাক্, লগেপ্রভু যেন তমারে সাজা-দে, কিত্তে ফরৌণে আর তা কাম্‌গুরিয়্যেগুনো ইধু তুমি আমারে একবাবোত্যে ঈচ্ গরেদে ধোক্ক্যেন গোজ্য, আর সেনে আমারে মারে ফেলেবার্‌ তলোয়ারানি তারা আঢত্‌ তুলি দুয়োন্‌।

১ শমূয়েল 13:4

সেক্কে বেক্‌ ইস্রায়েলীয়গুনে শুনিলাক্, শৌল পলেষ্টীয়গুনোর সৈন্য-তাম্বুলানি আক্রমণ গোজ্যে আর পলেষ্টীয়গুনে ইস্রায়েলীয়গুনোরে ইংসের্‌ চোগেন্দি দেখ্যন্‌। সেক্কে ইস্রায়েলীয়গুনোরে ডাগা অলঅ যেনে তারা গিল্‌গলত যেইনে শৌল সমারে মিজেন্‌।

১ শমূয়েল 27:11

দায়ূদে কনঅ মিলে বা মরদরে গাদত্‌ লোই এবাত্তে বাঁজেই ন-রাগেদ, কিত্যে তে মনে গুরিদো, তারা তারার পৌইদ্যেনে বেক্‌ কধানি জানেই দিইনে কবাক্‌, দায়ূদে এ কামান্‌ গোজ্যে। পলেষ্টীয়গুনোর দেজত্‌ এজানার পরেত্তুন্‌ ধুরি দায়ূদে বরাবরই এবাবোত্যে গুরিদো,

১ শমূয়েল 28:1

দায়ূদে সিক্লগত্‌ থেবার্‌ অক্তত্‌ পলেষ্টীয়গুনে ইস্রায়েলীয়গুনোর বিরুদ্ধে যুদ্ধো গুরিবাত্তে সৈন্য থুবেলাক্। সেক্কে আখীশ দায়ূদোরে কলঅ, “তুই হামাক্কায় বুঝি পারর্‌, তরে আর তঅ মানুচ্চুনোরে সৈন্যদলত্‌ মিজেইনে মঅ লগে যাহ্ পুরিবো।”