১ শমূয়েল 25:26 - Chakma Bible

²⁶ “ও মর্‌ প্রভু, জেদা লগেপ্রভুর নাঙে কঙর্ আহ্‌ তর্‌ পরাণানর্‌ নাঙে কঙর্, তর্‌ শত্রুগুনোরে আর যিগুনে তর্‌ ক্ষেতি গুরিবাত্তে চায় তারার্‌ দজাগান নাবল ধেক্ক্যেন্‌ অবঅ, কিত্যে লগেপ্রভু তরে লো জোরোবাত্তে ন-দে আর নিজোর্‌ আদে হেনা সুজিবাত্তে ন-দে।

১ শমূয়েল 25:26 ပူးပေါင်းရင်းမြစ်များ

পত্থম 20:6

গোজেনে স্ববনত্ তারে কলঅ, “অয়, মুই হবর্ পাং তুই সরল মনে এ কামান গোজ্যস্। মুই তরে সেনত্তে তা কিয়্যেনত্‌ বাঁজিবাত্তে ন-দুয়োং আর মঅ বিরুদ্ধে পাপ কামত্তুন্‌ তরে দোঙেই রাগেয়োং।

২ শমূয়েল 18:32

রাজা সে কূশীয়রে পুযোর্ গুরিলো, “গাবুজ্যে অবশালোমে গমেডালে আঘে দঅ?” জোবত্‌ সে কূশীয় কলঅ, “মঅ গিরোজ্‌ মহারাজর শত্রুগুনে আর যিগুনে তরে খোতি গুরিবাত্তে উদিবাক্‌ তারার বেক্কুনোর অবস্থা যেনে সেই গাবুজ্যেবো ধোক্ক্যেন্‌ অয়।”

২ রাজাবলী 2:2

এলিয় ইলীশায়রে কলঅ, “তুই ইয়োত্‌ থাক; লগেপ্রভু মরে বৈথেলত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা বৈথেলত্‌ গেলাক্‌।

২ রাজাবলী 4:6

বেক্‌ পিলেগুন্‌ ভরানার পরেন্দি তে তার এক্কো পুয়োরে কলঅ, “আর এক্কো পিলে আন্‌।” জোবত্‌ পুয়োবো কলঅ, “আর এক্কো পিলেয়ো বাগি নেই।” সেক্কে তেল পড়ানা বন্ধ অলঅ।

গীতসংহিতা 44:3

তারা নিজো তলোয়ারলোই এ দেজ্‌ছান গজক্ ন-গরন, নিজো বল্লোই নয়ও জিদোন্; তর্ বল্লোই, অয়, তর্ বল্লোই; আর তর্ মহিমালোই সিয়েনি গোজ্যন্, কিয়া তারা উগুরে তর্ দোয়্যে এলঅ।

গম্ উপদেজ্ 31:12

তা জিংকানির বেক্ সময়ানত্ তে নেক্কোরে গমেডালে রাগায়, ক্ষতি ন-গরে।

যিরমিয় 29:22

বাবিলোত্ থেইয়্যে যিহূদার বেক বন্দীগুন তারা কধানি ইদোত্ গুরিনে এ অভিশাব্‌পান বেবহার গুরিবাক্, ‘লগেপ্রভু তরে সিদিকিয় আর আহাব ধোক্ক্যেন গোরোক্, যিগুনোরে বাবিল রাজা আগুনোত্ পুজ্যে,’

দানিয়েল 4:19

সেক্কে দানিয়েল, অত্তাৎ বেল্টশৎসরে স্ববনান কধা চিদে গুরিনে দোরেল আর কিজু সময়োত্তে আমক্ ওই রলঅ। সেক্কে রাজা কলঅ, “ও বেল্টশৎসর, স্ববনান্ বা সিয়েনর্ ভেদ্‌তানে তরে চিন্তিত ন-গোরোক্।” বেল্টশৎসরে জোব্ দিলো ও মর্ প্রভু, এ স্ববনান্ আর সিয়েনর ভেদ্‌তান্ তঅ শত্রুগুনে উগুরে ঘোদোক্।

ইব্রীয় 10:30

আমি তারে কোই পারিই যিবে কোইয়্যে, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।” তে আরঅ এক জাগাত্ কোইয়্যে, “প্রভুই তার্ মানুচ্চুনো উগুরে ন্যায়বিচের্ গুরিবো।”

১ শমূয়েল 1:26

হান্না কলদে, “ও মর্‌ প্রভু, তরে সাক্ষী রাগেইনে মুই শমক্‌ খেইনে কঙর্‌, মুয়ই সেই মিলেবো, যে ইদু তর্‌ মুজুঙোত্‌ ঠিয়্যেইনে লগেপ্রভুর ইদু তবনা গোজ্যে।

১ শমূয়েল 2:9

তে তার ভক্তগুনোরে উজোত্‌ খানাত্তুন্ রোক্ষ্যে গোজ্যে, মাত্তর্‌ পাজি মানুচ্চুনে আন্ধারত্‌ ভস্ত ওই যান; কিত্যে নিজোর বল্লোই কনঅ মানুচ্ ঝিদি ন-পারন্‌।

১ শমূয়েল 20:16

যোনাথনে সেক্কে দায়ূদ আর তার বংশধরুনো সমারে ইয়েন কোইনে চুক্তি গুরিলো, “লগেপ্রভু যেনে দায়ূদোর শত্রুগুনো উগুরে হেনা সুজে।”

১ শমূয়েল 20:3

মাত্তর্‌ দায়ূদে আরঅ শমক্‌ খেইনে কলদে, “তঅ বাবে অমকদ গমেডালে হবর্‌ পাইদে, তুই মরে কোচ্‌পাচ্‌। সেনত্যেই অয়ত তে মনে মনে চিন্তে গোজ্যে, যোনাথনরে এ পৌইদ্যেনে ন-জানানা গম্‌, তে দুঃখো পেবঅ। মাত্তর্‌ জেদা লগেপ্রভুর দিব্য আর তর্‌ পরাণর দিব্য দিইনে মুই কঙর্‌, মরণান্‌ মইত্তুন্‌ বানা এক বিগোত্‌ দূরোত্‌।”

১ শমূয়েল 22:3

পরেন্দি তে সিয়োত্তুন মোয়াব দেজর মিস্পী আদামত্‌ গেলঅ। তে মোয়াবর রাজাবোরে কলঅ, “মঅ পৌইদ্যেনে গোজেনর আওজ্‌‌চান্ কি যেদকদিন সং মুই জানি ন-পারং সেদকদিন সং দোয়্যে গুরিনে মঅ মা-বাবরে তইদু রাগা।”

১ শমূয়েল 25:25

মর্‌ গিরোজ্‌সো যেনে সেই জঘন্য মান্‌জ্যর্‌, অত্তাৎ নাবলর্ কধানি ন-ধরে। তার্‌ নাঙান্‌ যেধোক্ক্যেন তেয়ো সেধোক্ক্যেন। তার্‌ নাঙানর্‌ ভেদ্‌তান্ একবুস্যে, আর সিয়েন ভিদিরে আঘে বানা একগেয়েমী। মর্‌ গিরোজ্‌সো যিদুক্কুন মানুচ্‌ পাদেয়্যে তারার্‌ লগে তর্‌ এই চাগরানীবোর্‌ দেগা ন-অয়।

১ শমূয়েল 25:39

নাবলর্ মরাণার হবর্‌ পেইনে দায়ূদে কলঅ, “লগেপ্রভুর বাঈনী ওক্‌। তে নাবলর্ বিরুদ্ধে মর্‌ পক্ষেন্দি থিয়েইয়্যে, কিত্যে নাবলে মরে অগমান গোজ্যে, আর নাবলর্ অন্যেয়ানরে নাবল উগুরে ফিরেই দিয়্যে।” পরেন্দি দায়ূদে অবীমেলকরে লবার্‌ সল্লাগান্ তাইদু মানুচ্‌ পাধেই দিলো।

১ শমূয়েল 26:10

জেদা লগেপ্রভুর নাঙে কঙর্, লগেপ্রভু নিজেই তারে সাজা দিবো। অয় তে এমনে মুরি যেবঅ, নয়দ যুদ্ধোত্‌ যেইনে শেজ্‌ ওই যেবঅ।