১ শমূয়েল 25:21 - Chakma Bible

²¹ ইয়েনর্ কানক্ষণ্ আগেন্দি দায়ূদে কোইয়্যেদে, “অনত্তক্‌ মুই এই মানুচ্চোর্‌ বেক্কানি সে ধূল্যেচর-চাগালাত্‌ চুগি দিইনে মোজ্যংগে যেনে তার কনঅ কিচ্ছু চুর্‌ ন-অয়। মুই তার্‌ গম্ গোজ্যং মাত্তর্‌ তে সিয়েনর্ বদলে মরে ভান্ন্যেই গোজ্যে।

১ শমূয়েল 25:21 ပူးပေါင်းရင်းမြစ်များ

পত্থম 44:4

তারা এইমাত্র শঅরত্তুন্‌ নিগিলি যেইয়োন মাত্তর্‌ বেশ্‌ দূরোত্‌ ন-যান, এন্‌ সময়োত্‌ যোষেফে তা ঘরর্‌ সদ্দারবোরে কলঅ, “যাদিমাদি গুরি উই মানুচ্চুনো পিজেদি যাহ্। তারারে দেগিলে কবেদে, তুমি উপোকারর্ বদলে অপকার্‌ গুরি এলা কিত্তে?”

ইয়োব 30:8

তারা এলাক্কে অপদাত্ত আর দুন্নাম হেইয়্যে; দেজত্তুন্ তারারে ধাবেই দিয়্যে ওইয়্যে।

গীতসংহিতা 35:12

ভালেদির বদলে তারা মর্ অমংগল গোজ্যন্; হায়, কি দুর্ভাগ্যত্তে মুই!

গীতসংহিতা 37:8

রাগ গরানা বন্ধ গর্, মেজাজ্ দেগানা বাদ্ দে; মনান্ যাগুলুগ্ ন-গুরিচ্, কিত্যে সিয়েনে তরে বানা ভান্ন্যেয়ন্দি নেযায়।

গীতসংহিতা 38:20

মুই তারারে যে মংগল গরং সিয়েনর বদলে তারা মরে অমংগল গরন্; মুই যেক্কেনে গমানরে তগাং সেক্কেনে তারা মঅ বিরুদ্ধে থিয়েন্।

গম্ উপদেজ্ 17:13

যে মানুচ্চো উপকারর বদলে অপকার গরে, অপকারানে কনদিন্‌অ তা ঘরান ন-ছাড়িবো।

যিরমিয় 18:20

ভালেদির হেনা সুজোনা কি ভান্ন্যেইলোই অবঅ? মাত্তর্ তারা দঅ মত্তে গাদ্ খুজ্যন্। ইদোত্ তুলি চাহ্, তঅ রাগ্‌কান যেনে তারা উগুরেত্তুন ফিরি যায় সেনত্তে মুই তঅ মুজুঙোত্ থিয়্যেইনে তারার তপ্পে ওইনে কধা কঙর্। ‌‌‍‍‍

রোমীয় 12:21

ভান্ন্যেয় ইধু উদিই ন-যেচ্, বরং গমান্দোই ভান্ন্যেয়ানরে জিদি লবে।

ইফিষীয় 4:26

যুনি রাগ গরঅ সালে সেই রাগত্যে পাপ ন-গোজ্জ্য; বেলান্ ডুবিবার আগেদি তমা রাগ্‌‌‌কানি বাদ্ দুয়ো,

ইফিষীয় 4:31

নানান্ বাবোত্যে কাঙেলেত্যে ফগদাং, মেজাজ দেগানা, রাগ, জোগার্ পারিনে কোজ্জ্যে গরানা, গেইল্ দেদি আর নানান্ বাবোত্যে ইংসে তমাত্তুন্ দূর্ গরঅ।

১ থিষলনীকীয় 5:15

চেইয়ো, অন্যেয়র্ বদলে কেঅ যেন অন্যেয় ন-গরন্। তুমি নিত্য একজন আরেকজনরে, এমন কি, অন্য বেক্কুনোর্ ভালেদি গুরিবার চেষ্টা গরঅ।

১ পিতর 3:17

ভান্ন্যেই কাম গুরিনে দুঘ্ পানাত্তুন্ বরং গোজেনর্ আওজে গম্ কাম গুরিনে দুঘ্ পানা বোউত গম।

১ পিতর 3:9

অন্যেয়র্ বদলে কার উগুরে অন্যেয় ন-গোজ্জ্য বা কেঅ গেইল্‌ দিলে তারে ফিরেইনে গেইল্‌ ন-দুয়ো, বরং তারাত্যে বর্ মাখ্য; কিয়া আশিদ্‌বাদ পেবাত্যে গোজেনে তমারে ডাক্ক্যে।

১ শমূয়েল 25:13

দায়ূদে তা মানুচ্চুনোরে কলঅ, “তুমি পত্তিজনে কমরত্‌ লাম্বাছুড়ি বানি নেযঅ।” সেক্কে তারা পত্তিজনেই কমরত্‌ লাম্বা ছুড়ি বানি নিলাক্‌ আর দায়ূদেয়ো সিয়েনই গুরিলো। সে পরেন্দি প্রায় চেরশত্‌জন মানুচ্‌ দায়ূদো সমারে গেলাক্‌ আর দ্বিশত্‌ মানুচ্‌ থেলাক্‌ পযাপিরা চুগি দিবাত্তে।

১ শমূয়েল 25:15

মাত্তর্‌ সে মানুচ্চুনে আমা লগে অমকদ দোল্‌ বেবহার গোজ্যন্‌। আমি যেদকদিন মাদ ভিদিরে তারার্‌ ইদু এলং তারা আমা লগে ভান্ন্যেই বেবহার ন-গরন্‌ আর আমার কনঅ পযাপিরায়ো চুর্ ন-অয়।

১ শমূয়েল 25:20

অবীগলে যেক্কে তার গাধাবোত্‌ উদিনে মুড়োবোর লাঙেল্‌ বেঈনে লামি যার্‌ সেক্কে দায়ূদেয়ো তা মানুচ্চুনোরে নেযেইনে আর এক্কো লাঙেল্‌ বেঈনে তাইন্দি লামি এজের্‌। সেক্কে অবীগলে তারার মুজুঙেন্দি যেইনে লুমিলো।

১ শমূয়েল 25:7

সে পরেন্দি তারে কবে, মুই ইক্কিনে শুনিলুং তার ইয়েনত্‌ কেশ্‌ ঠিগ্ গুরিবার কাম্‌ চলের্‌। তার য়েমান চোড়েইয়্যেগুনে যেদকদিন আমা সমারে এলাক্ আমি তারা সমারে ভান্ন্যেই বেবহার ন-গুরিই আর যেদকদিন তারা কর্মিলোত্‌ এলাক্ তারার কিচ্ছু চুর্‌অ ন-অয়।