১ শমূয়েল 25:13 - Chakma Bible

¹³ দায়ূদে তা মানুচ্চুনোরে কলঅ, “তুমি পত্তিজনে কমরত্‌ লাম্বাছুড়ি বানি নেযঅ।” সেক্কে তারা পত্তিজনেই কমরত্‌ লাম্বা ছুড়ি বানি নিলাক্‌ আর দায়ূদেয়ো সিয়েনই গুরিলো। সে পরেন্দি প্রায় চেরশত্‌জন মানুচ্‌ দায়ূদো সমারে গেলাক্‌ আর দ্বিশত্‌ মানুচ্‌ থেলাক্‌ পযাপিরা চুগি দিবাত্তে।

১ শমূয়েল 25:13 ပူးပေါင်းရင်းမြစ်များ

২ শমূয়েল 15:18

দায়ূদোর বেক্‌ মানুচ্চুনে তা মুজুঙেন্দি উজেই গেলাক্। তারা এলাক্কে করেথীয়, পলেথীয় আর ছয়শ গাতীয় মানুচ্‌ যিগুনে আগে গাৎত্তুন্‌ রাজার লগে এচ্ছোন্‌।

গম্ উপদেজ্ 14:29

যে মানুচ্চো এনেবাদে রাগ্ ন-গরে তে বুদ্ধিবলা, মাত্তর্ যে মানুচ্চো অদাদৎ রাগ্ তুলে তে ভুলান্ ফগদাং গরে।

গম্ উপদেজ্ 16:32

যে সহজে রাগ ন-গরে তে যোদ্ধাত্তুন্অ গম্; যে শঅর্ জিদি নেযায় তাত্তুন্‌অ বেশ্ যে নিজোরে দোঙেই রাগায় তে গম্।

গম্ উপদেজ্ 19:11

যে মানুচ্চোর বুদ্ধি আঘে সে বুদ্ধিগানে তারে সহজে রাগ গুরিবাত্তে ন-দে; তা বিরুদ্ধে কনজনে দুষ্ গুরিলে সিয়েন ন-ধরানা তা পক্ষে বাঈনী গরে পারা।

গম্ উপদেজ্ 19:2

আরঅ জ্ঞাননেইয়্যে অনায়ো গম্ নয়; যে মানুচ্চো হিজেহিচ্চ্যে গুরিনে বেক্ কামানি গুরিবাত্তে যায় তে ভুল্ গরে।

গম্ উপদেজ্ 20:22

তুই ন-কোজ্, “এ অন্যেয়ানর হেনা শুজিম্।” লগেপ্রভুত্তে বাজ্জেই থাগ্, তে সেই দজানত্তুন্ তরে রোক্ষ্যে গুরিবো।

গম্ উপদেজ্ 25:8

যাদিমাদি মগদ্দমাত্ ন-যেচ্, কিত্তে যেরেদি তঅ পাড়াল্যেবো যুনি তরে লাজত্ ফেলায় সেক্কে তুই কি গুরিবে?

যিহোশূয় 9:14

ইস্রায়েলীয়গুনে তারার হানানি নেযেইনে চেলাক্‌ ঠিগ্ মাত্তর্‌ লগেপ্রভুর মতামত্তান্‌ পুজোর্‌ ন-গুরিলাক্‌।

১ শমূয়েল 22:2

যিগুনে দযাত্‌ আর কজ্জর্‌ ভারে দুখ্‌ পাদন্‌ আর যিগুনোর মনত্‌ বেজার্‌ বেজার্‌ মনভাব্‌ এলঅ তারা বেক্কুনে দায়ূদো ইদু যেইনে এগত্তর্‌ অলাক্। দায়ূদে তারার সেনাপতি অলঅ। এবাবোত্যেগুরি প্রায় চেরশত্‌ জন মরদ তার্‌ সমাজ্যে অলােক্।

১ শমূয়েল 23:13

এ কধাগান শুনিনে দায়ূদে তা লগে প্রায় ছয়শত্‌ মানুচ্‌ নেযেইনে কিয়ীলা ছাড়িনে গেলগোই আর এক জাগাত্তুন আরেকজাগাত্‌ ধেইনে বেড়া ধুরিলো। দায়ূদে কিয়ীলাদত্তুন্‌ ধেই যেইয়্যে শুনিনে শৌল আর সিদু ন-গেলঅ।

১ শমূয়েল 25:12

এ কধানি শুনিনে দায়ূদোর মানুচ্চুনে ফিরি যেইনে বেক্‌ কধানি দায়ূদোরে জানেলাক্।

১ শমূয়েল 27:2

ইয়েন ভাবিনে দায়ূদে তা সমারে ছয়শঅ মানুচ্‌ নেযেইনে সেই জাগায়ান ছাড়িনে মায়োকর পূঅ আখীশোর ইদু গেলঅ। আখীশ এলদে গাতর রাজা।