১ শমূয়েল 24:6 - Chakma Bible

⁶ তে তার মানুচ্চুনোরে কলঅ, “মর্‌ গিরোচ্ছো বিরুদ্ধে, লগেপ্রভুর অভিষেগ্ গোজ্যে মানুচ্চুনোর বিরুদ্ধে আঢ্ তুলোদে লগেপ্রভু কনদিন্‌অ মরে অনুমতি ন-দিবো, কিত্যে তে দঅ লগেপ্রভুর অভিষেগ্ গোজ্যে মানুচ্‌।”

১ শমূয়েল 24:6 ပူးပေါင်းရင်းမြစ်များ

২ শমূয়েল 1:14

দায়ূদে তারে কলঅ, “লগেপ্রভুর অভিষেক গোজ্যে মানুচ্চোরে মারে ফেলেবাত্তে আত্‌ তুলোদে তুই কি এক্কেনায়ো ন-দোরেলে?”

২ শমূয়েল 24:10

মানুচ্চুনোরে গুণিবার পরেন্দি দায়ূদো বিবেগত্‌ ধুরিলো। তে লগেপ্রভুর ইদু তবনা গুরিনে কলঅ, “মুই এ কামান গুরিনে জদবদে পাপ গোজ্যং। ও লগেপ্রভু, কোজোলী গরঙর্‌, তুই তঅ চাগরবোর্‌ এ অন্যেয়ানি দূর্ গুরি দে। মুই জদবদে ভুল্‌ মান্‌জ্যর কাম্ গোজ্যং।”

১ রাজাবলী 21:3

জোবত্‌ নাবোতে কলঅ, “মঅ বাপ-দাদাত্তুন্‌ পেইয়্যে সোম্বোত্তিগানি যে মুই তরে দি দিম্‌ লগেপ্রভু যেনে সিয়েন্‌ অবাত্তে ন-দে।”

মথি লেখ্যে গম্ হবর্ 5:44

মাত্তর্ মুই তমারে কঙর্, তমা শত্রুগুনোরেয়ো কোচ্‌পেয়ো। যিগুনে তমারে অত্যেচার্ গরন্ তারাত্তে তবনা গোজ্য,

রোমীয় 12:14

যিগুনে তমারে অত্যেচার্ গরন্ তারার্ অমংগল ন-চেইয়ো বরং মংগল চেইয়ো।

১ থিষলনীকীয় 5:15

চেইয়ো, অন্যেয়র্ বদলে কেঅ যেন অন্যেয় ন-গরন্। তুমি নিত্য একজন আরেকজনরে, এমন কি, অন্য বেক্কুনোর্ ভালেদি গুরিবার চেষ্টা গরঅ।

১ শমূয়েল 12:3

মুই ইয়োদোই আগং; মর্‌ বিরুদ্ধে যুনি তমার কিজু কবার্‌ থায় সালে লগেপ্রভু আর তার অভিষেগ-গোজ্যে মানুচ্চোর মুজুঙোত্‌ সিয়েনিই কঅ। তুমি সাক্ষি দুয়ো, মুই কার্ বলত্তো বা কার্ গাধাবো অন্যেয়গুরি নেযেয়োং? মুই কার উগুরে অত্যেচার গোজ্যং? কার উগুরে বজং বেবহার গোজ্যং? কাত্তুন্‌ ঘুষ নেযেইনে মুয়োন বন্ধ গুরি রাগেয়োং? ইয়েনির কনগান যুনি মুই গুরি থাং সালে সিয়েনির ক্ষতিপূরণ দিম।”

১ শমূয়েল 24:7

এ কধাগান কোইনে দায়ূদে তা মানুচ্চুনোরে থামেই দিলো আর শৌলরে আক্রমণ গুরিবাত্তে ন-দিলো। পরেন্দি শৌল গাদত্তুন্‌ নিগিলিনে আঢা মারিলো।