১ শমূয়েল 24:20 - Chakma Bible

²⁰ মুই ইক্কিনে হবর্‌ পাং, তুই হামাক্কায় রাজা অবে আর তর্‌ মাধ্যমে ইস্রায়েল রেজ্যগান থিদেবর্ অবঅ।

১ শমূয়েল 24:20 ပူးပေါင်းရင်းမြစ်များ

ইয়োব 15:25

কিয়া তে গোজেনরে ঘুষি দেগায় আর বেগত্তুন্‌ খেমতাবলা গোজেন বিরুদ্ধে বার্‌বো গরে।

গীতসংহিতা 7:5

মাত্তর্ শত্রুগুনে লোড়েইনে মরে ধুরি ফেলাদোক্; তারা মরে মাদিত্ ফেলাদোক্ আর টেংগোই উরোদোক্, মঅ সর্মানান্ ধুলোত্ মিজেই দেদোক্।

গম্ উপদেজ্ 25:21

তঅ শত্রুর যুনি পেট্ পুড়ে তারে হেবাত্তে দে, যুনি তার পানি তিরেস্ পায় তারে পানি দে;

মথি লেখ্যে গম্ হবর্ 2:13

পন্ডিত্‌তুনে যানার্ পরেদি প্রভুর এক্কো দূতে স্ববনত্ যোষেফরে দেগা দিইনে কলঅ, “উদ্, পুয়োবো আর তা মাবোরে লোইনে মিসর দেজত্ ধেই যাহ্ আর মুই যেদকদিন সং ন-কং সেদকদিন সং সিধু থেচ্, কিয়া পুয়োবোরে মারে ফেলেবাত্তে হেরোদে তারে তোগেব।”

মথি লেখ্যে গম্ হবর্ 2:16

পন্ডিত্‌তুনে তারে ঠোগেয়োন দেগিনে হেরোদে জদবদে রাগ্ তুলিলো। সেই পন্ডিত্‌তুনোত্তুন্ যে সময়ো কধাগান তে জানি লোইয়্যে সে সময় ইজেব মজিম দ্বিবজর্ আর তাত্তুন্অ কম বয়জর্ যিদুক্কুন্ পুয়ো বৈৎলেহম আর সিয়েনর কায়কুরে জাগায়ানিত্ এলাক্ বেক্কুনোরে মারে ফেলেবাত্তে উগুম দিলো।

রূত 2:12

ইয়েনত্যেই লগেপ্রভু যেনে তরে বর্‌ দে। ইস্রায়েলীয়গুনোর গোজেন্‌ লগেপ্রভু, যিবের্‌ ছাবাত্‌ তলে তুই ঝিরেবাত্তে এচ্ছোস্‌, তে যেনে তরে তর্‌ পাওনাগান পুরোপুরিই দে।”

১ শমূয়েল 13:14

মাত্তর্‌ ইক্কিনে তর্‌ রাজাগিরিগান আর ভালোকদিন ন-টিগিবো। লগেপ্রভু তার মনে মন্‌জক্কাগুরি এক্কো মান্‌জ্যরে তোগেই নেযেয়্যে আর তারেই তা মানুচ্চুনোর নেতা নেযেয়্যে, কিত্যে তা উগুমানি তুই পালন ন-গরচ্‌।”

১ শমূয়েল 23:17

যোনাথনে কলঅ, “তুই ন-দোরেচ্‌; মঅ বাপ্পো শৌলর আঢত্‌ তুই ধরা ন-পরিবে। তুয়ই ইস্রায়েল দেজ উগুরে রাজগিরি গুরিবে, আর মর্‌ জাগায়ান্‌ অবঅ তর্‌ পরেন্দি। মর্‌ বাবায়ো সেই কধাগান হবর্‌ পাই।”

১ শমূয়েল 26:25

সেক্কে শৌল দায়ূদোরে কলঅ, “বাবা দায়ূদ, ধন্য তুই! তুই হামাক্কায় বোউত্‌ দাঙর্‌ দাঙর্‌ কাম গুরিবে আর জিদিবে।” ইয়েনর্ পরেন্দি দায়ূদে তা পধেন্দি গেলগোই আর শৌলেয়ো নিজোর ঘরত্‌ ফিরি গেলঅ।