১ শমূয়েল 23:7 - Chakma Bible

⁷ দায়ূদ কিয়ীলাদত্‌ আঘে শুনিনে শৌল কলঅ, “গোজেন দায়ূদোরে এবেরা মর্‌ আঢত্‌ তুলি দিয়্যে, কিত্যে শঅরর্‌ গেট্টুন্‌ লাগাড়ালোই বন্ধ গরা যায় এন্‌ জাগাত্‌ চোমেইনে তে নিজেই নিজোরে আক্‌সোই ফেলেয়্যে।”

১ শমূয়েল 23:7 ပူးပေါင်းရင်းမြစ်များ

ইয়োব 20:5

শদানুনোর্‌ রঙ্গ-ফুত্তি কানক্কণ্‌। গোজেন উগুরে ভোক্তি নেইয়্যেগুনোর হুজিগান্ বানা কানক্কণত্তে থায়;

গীতসংহিতা 31:21

বর্ পেইয়্যে লগেপ্রভু। ঘিরি রাগেয়্যে শঅর ভিদিরে তার্ অমকদ কোচ্‌পানা আমক্ অইদে ধোক্ক্যেন্ তে মরে দেগেয়্যে।

যাত্রা 14:3

ইয়েন্‌ দেগিনেই ফরৌণে মনে গুরিবো ইস্রায়েলীয়গুনে কি গুরিবাক্‌ সিয়েন্‌ ঠিগ গুরি ন-পারিনেই দেজ ভিদিরে ঘুরোঘুরি গর্‌তে গর্‌তে ধূল্যেচর চাগালাত্‌‌ আক্‌সোই যেইয়োন্।

যাত্রা 15:9

শত্রুবো কলঅ‌, মুই তারারে লোড়েম্‌, ধুরি ফেলেম আর তারার্ পযাপিরানি ভাগ গুরি নেযেম্‌; মুই নিজোরে ফেলেং ফেলেং গুরিম সেই বেক্‌ পযাপিরানিলোই। মুই লাম্বা ছুড়িলোই তারারে লোড়েম।

১ শমূয়েল 23:14

দায়ূদে ধূল্যে-চড় চাগালাত্‌ তাম্বুলো ধোক্ক্যেন জাগায়ানিত্‌ আর সীফ ধূল্যে-চড় চাগালাত্‌ মুড়োমুড়ি জাগাত্‌ থাহ্ ধুরিলো। দিন্‌কে দিন শৌল তারে থগা ধুরিলো মাত্তর্‌ গোজেনে তা আঢত্‌ দায়ূদোরে পরিবাত্তে ন-দিলো।

১ শমূয়েল 23:6

অহীমেলকর পূঅ অবিয়াথর কিয়ীলাদত্‌ দায়ূদোর ইদু ধেই এবার অক্তত্‌ লগে গুরিনে দাঙর্‌ ধর্মগুরুগুনোর এফোদতুয়ো আন্যে।

১ শমূয়েল 23:8

কিয়ীলাদত্‌ যেইনে দায়ূদে আর তার মানুচ্চুনোরে ঘিরিবাত্তে শৌল তার বেক্‌ সৈন্যগুনোরে যুদ্ধো গুরিবাত্তে ডাগিলো।