১ শমূয়েল 23:28 - Chakma Bible

²⁸ এ কধাগান শুনিনে শৌল দায়ূদোর পিজেন্দি লড়ানা থামেইনে পলেষ্টীয়গুনোর্ বিরুদ্ধে উজেই গেলঅ। ইয়েনত্যে মানুচ্চুনে সে জাগায়ানরে কন্‌ সেলা-হম্মলকোৎ (যিয়েনর্ ভেদ্‌তান্ “ফারক্‌ ওইয়্যে মুড়ো”)।

১ শমূয়েল 23:28 ပူးပေါင်းရင်းမြစ်များ

গীতসংহিতা 124:7

শিগেরিগুনো আঢত্তুন্ পেগ্‌কুনে যেবাবোত্যে গুরি রোক্ক্যে পান্ সেবাবোত্যেগুরি আমি রোক্ক্যে পেইয়্যেই; ফাল্লো ছিনি যেইয়্যে আর আমি রোক্ক্যে পেইয়্যেই।

১ শমূয়েল 23:25

শৌল আর তার মানুচ্চুনে দায়ূদোরে তোগেবাত্তে গেলাক্। দায়ূদে সে হবরান্ পেইনে সিয়োত্তুন্‌ মায়োন ধূল্যেচর-চাগালাত্‌ সিল্‌ পাত্তরর্‌-মুড়োবোত্‌ যেইনে রলঅ। শৌল সে হবরান পেইনে সিয়েনত্‌ যেইনে দায়ূদোর পিজে পিজে লোড়েল।

১ শমূয়েল 23:27

এন্‌ সময়োত্‌ এক্কো মানুচ্‌ এইনে শৌলরে হবর্‌ দিলো, “পলেষ্টীয়গুনে দেজ্‌‌চান্ আক্রমণ গোজ্যন্‌, তুই যাদিমাদি আয়।”

১ শমূয়েল 23:29

দায়ূদে সিয়োত্তুন্‌ ঐন-গদীর কেম্প দোক্কেন্‌ জাগায়ানিত্‌ যেইনে বজত্তি গরা ধুরিলো।

১ শমূয়েল 24:1

শৌল পলেষ্টীয়গুনোরে লড়ানা শেজ্‌ গুরিনে ফিরি এজানার পরেন্দি মানুচ্চুনে তারে হবর্‌ দিলাক্‌, দায়ূদে ঐন-গদীর ধূল্যেচর-চাগালাত্‌ আঘে।

১ শমূয়েল 24:2

শৌল সেক্কে ইস্রায়েলীয়গুনো ভিদিরেত্তুন তিন আজার মানুচ্‌ বেঈ নেযেল আর দায়ূদ আর তা মানুচ্চুনোরে তোগেবাত্তে ঝার্‌বো ছাগলর মুড়ো নাঙে জাগায়ান ইদু গেলাক্।