১ শমূয়েল 23:27 - Chakma Bible

²⁷ এন্‌ সময়োত্‌ এক্কো মানুচ্‌ এইনে শৌলরে হবর্‌ দিলো, “পলেষ্টীয়গুনে দেজ্‌‌চান্ আক্রমণ গোজ্যন্‌, তুই যাদিমাদি আয়।”

১ শমূয়েল 23:27 ပူးပေါင်းရင်းမြစ်များ

পত্থম 22:14

তে সে জাগায়ান নাঙান্‌ দিলো যিহোবা-যিরি (যিয়েনর ভেদ্‌তান্ “লগেপ্রভু যুগেই দে”)। সেনত্তে ইক্কিনিয়ো মান্‌জে কন্‌, “লগেপ্রভুর্‌ মুড়োবোত্‌ লগেপ্রভুই যুগেই দে।”

২ রাজাবলী 19:9

আসিরিয়ার রাজা সন্‌হেরীবে হবর্‌ পেলঅ, কূশ দেজর্‌ রাজা তির্হকেঃ তা বিরুদ্ধে যুদ্ধো গুরিবাত্তে নিগিল্যে। সেনত্তে তে দূত্‌তুনোরে দিইনে হিষ্কিয়ো ইদু কোই পাদেল,

১ বংশধর 14:13

পলেষ্টীয়গুনে আরঅ সে কলগত্‌ হানা দিলাক্‌।

গীতসংহিতা 116:3

মরণর দুড়িত্ মুই বানা হেইয়োং, চিদেশালর পিড়ে মরে পেইয়্যে; মুই অমকদ দুঘ্ পাঙর্।

দ্বি’লম্বর বিররণ 32:36

লগেপ্রভু সেক্কে কবঅ, তার মানুচ্চুনোর বল্‌ ফুরেইয়্যে, চাগর বা গিরোজ্ কারর্‌ আর বল্‌ নেই, সেক্কে তে তার মানুচ্চুনোর পক্ষ নেযেব, তার চাগরুনো উগুরে দোয়্যে গুরিবো।

ফগদাং পেইয়্যে 12:16

মাত্তর্ পিত্‌থিমীগানে সেই মিলেবোরে সাহায্য গুরিলো। সেই দানপ্পো তা মুয়োত্তুন্ যে পানিগান নিগিলেল পিত্‌থিমীগানে তা মুয়োন্ খুলিনে সিয়েন হেই ফেলেল।

১ শমূয়েল 23:26

শৌল গেলেন মুড়োবোর এক কিত্তেন্দি আর দায়ূদে তা মানুচ্চুন লোইনে গেলেন মুড়োবোর আরঅ এক কিত্তেন্দি। তারা শৌল কায়-কুরেত্তুন ধেই যেবাত্তে যাদিমাদি গত্তন্‌। ইন্দি শৌল আর তার সৈন্যগুনে দায়ূদ আর তার মানুচ্চুনোরে ধুরিবাত্তে তারারে ঘিজ্যন্‌।

১ শমূয়েল 23:28

এ কধাগান শুনিনে শৌল দায়ূদোর পিজেন্দি লড়ানা থামেইনে পলেষ্টীয়গুনোর্ বিরুদ্ধে উজেই গেলঅ। ইয়েনত্যে মানুচ্চুনে সে জাগায়ানরে কন্‌ সেলা-হম্মলকোৎ (যিয়েনর্ ভেদ্‌তান্ “ফারক্‌ ওইয়্যে মুড়ো”)।