১ শমূয়েল 23:26 - Chakma Bible

²⁶ শৌল গেলেন মুড়োবোর এক কিত্তেন্দি আর দায়ূদে তা মানুচ্চুন লোইনে গেলেন মুড়োবোর আরঅ এক কিত্তেন্দি। তারা শৌল কায়-কুরেত্তুন ধেই যেবাত্তে যাদিমাদি গত্তন্‌। ইন্দি শৌল আর তার সৈন্যগুনে দায়ূদ আর তার মানুচ্চুনোরে ধুরিবাত্তে তারারে ঘিজ্যন্‌।

১ শমূয়েল 23:26 ပူးပေါင်းရင်းမြစ်များ

২ শমূয়েল 15:14

যিরূশালেমত্‌ দায়ূদোর যিদুক্কুন্‌ চাগর্ তা লগে এলাক্‌ তে তারারে কলঅ, “আঢ, আমি ধেই যেই। সিয়েন ন-অলে আমি কনজনে অবশালোম আঢত্তুন্‌ রোক্ষ্যে ন-পেবং। আমাত্তুন্‌ ইক্কিনে নিগিলা পুরিবো, দগেনলে তে যাদিমাদি এইনে আমারে অমকদ দযাত্ ফেলেব আর শঅরর্‌ বেক্কুনোরে শেজ্‌ গুরি দিবো।”

২ বংশধর 20:12

ও আমার্‌ গোজেন, তুই কি তারারে বিচের্‌ ন-গুরিবে? এই যে দাঙর্‌ সৈন্যদল্লো আমারে আক্রমণ গুরিবাত্তে এজের্‌ তারা মুজুঙো-মুজুঙি অবার্‌ বলান্‌ আমার নেই। কি গরা পুরিবো সিয়েন্‌ আমি ন-জানিই, মাত্তর্‌ আমি বানা তইন্দি চেই আগিই।”

গীতসংহিতা 17:11

তারা ইক্কিনে আমারে ঘিরি ফেলেয়োন্, আমার্ কন জাগাত্ যেবার্ পথ নেই। তারা আমা উগুরে কড়া নজর্ রাগেয়োন যেনে মাদিত্ আমারে ফেলেই দি পারন।

গীতসংহিতা 22:12

মর্ চেরোকিত্তে রোইয়োন যেন বলদ্ গোরুর পাল; যেনে বাশন দেজর্ বোলী বলদ্ গোরুগুনে মরে ঘিরি ধোজ্যন্।

গীতসংহিতা 22:16

মর্ চেরোকিত্তে একদল শদান্ মানুচ্ কুগুরো ধোক্ক্যেন্ মরে ঘিরি ধোজ্যন্; তারা মঅ আঢ্‌‌তানি আর টেঙানিত্ কামেড়েয়োন।

গীতসংহিতা 31:22

মুই দোরেইনে কোইয়োঙে, “তঅ মুজুঙোত্তুন্ মুই ফারগ্ ওই যেইয়োং”; মাত্তর্ বল্ পেবাত্তে যেক্কেনে মুই তরে ডাক্কোং সেক্কেনে তুই মর্ কোজোলিগান শুন্যচ্।

২ করিন্হীয় 1:8

এশিয়া রেজ্যত্ আমি যে দুঘোত্ পোজ্জ্যেই, আমি চেই সিয়েন যেন তুমি কোই পারঅ। সিয়েনত্ সোজ্জ্যর্ বারেদি এমন্‌ চাপ্ আমা উগুরে পোজ্জ্যে, বাঁজিবার্ আজা আমি ছাড়ি দিয়্যেই।

ফগদাং পেইয়্যে 20:9

সেক্কে মুই দেগিলুং, তারা উজেই যেইনে গোজেন মানুচ্চুনোর থেবার চাগালাগান আর তার্ সেই কোচ্‌পেইয়্যে শঅরান ঘিরিলাক্। মাত্তর্ স্বর্গত্তুন্ আগুনান্ লামি এইনে তারারে পুড়ি ফেলেল।

বিচের গুরিয়্যেগুন 16:2

শিম্‌শোনে সিদু যেইয়্যে শুনিনে ঘসার মানুচ্চুনে জাগায়ান ঘিরিনেই রাগেলাক আর পুরো রেত্তো শঅ্‌রর গেট্টোর ইদু তারে হাপ্‌ দি রলাক্‌। রেদোত্‌ তারা চুব্‌গুরি থেলাক্‌ আর কলাক্‌, “বেন্যে পহর্‌ অলে আমি তারে মারে ফেলেবং।”

১ শমূয়েল 19:12

সেনত্যেই মীখল দায়ূদোরে জান্দালা ইন্দি তলেন্দি লামেই দিলো আর তে ধেই যেইনে রোক্ষে পেলঅ।

১ শমূয়েল 20:38

সে পরেন্দি তে জাঝি মারিনে কলঅ, “যাদিমাদি দাবা যাহ্, ন-থামেচ্‌।” চিগোন্‌ পূঅবো সেল্‌লো কুড়ে নেযেইনে তার গিরোজ্‌সো ইদু ফিরি এলঅ।

১ শমূয়েল 23:25

শৌল আর তার মানুচ্চুনে দায়ূদোরে তোগেবাত্তে গেলাক্। দায়ূদে সে হবরান্ পেইনে সিয়োত্তুন্‌ মায়োন ধূল্যেচর-চাগালাত্‌ সিল্‌ পাত্তরর্‌-মুড়োবোত্‌ যেইনে রলঅ। শৌল সে হবরান পেইনে সিয়েনত্‌ যেইনে দায়ূদোর পিজে পিজে লোড়েল।

১ শমূয়েল 23:27

এন্‌ সময়োত্‌ এক্কো মানুচ্‌ এইনে শৌলরে হবর্‌ দিলো, “পলেষ্টীয়গুনে দেজ্‌‌চান্ আক্রমণ গোজ্যন্‌, তুই যাদিমাদি আয়।”