১ শমূয়েল 22:19 - Chakma Bible

¹⁹ সে পরেন্দি তে ধর্মগুরুগুনোর আদাম নোবর উগুরে আক্রমণ চালেইনে সিদুগোর্ মিলে-মরদ, ঝি-পূঅ-চিগোন চিঝি, গোরু-গাধা-ভেড়া বেক্কুন শেজ্‌ গুরি দিলো।

১ শমূয়েল 22:19 ပူးပေါင်းရင်းမြစ်များ

নহিমিয় 11:32

অনাথোৎ, নোব, অননিয়া,

যিশাইয় 10:32

এচ্চ্যে আসিরিয়গুনে নোবত্ যেইনে থামেবাক্; তারা সিয়োন-ঝিবোর মুড়োবো ইদু, অত্তাৎ যিরূশালেম মুড়োবো ইন্দি ঘুষি বাগাদন্।

হোশেয় 10:14

সেনত্তে তমা বিরুদ্ধে যুদ্ধোর্ কিজেক্ ছাড়ি উদিবো আর তমার্ বেক ঘরানি ভস্ত ওই যেবঅ, যেবাবোত্যেগুরি শল্‌‌‌‌‌‌মনে যুদ্ধোর্ দিনোত্ বৈৎ-অর্বেলান ভস্ত গোজ্যে। সেদিন্যে পুয়ো-ঝিগুনো সমারে মা গুনোরে মাদিত্ আছাড়্ মারা ওইয়্যে।

মথি লেখ্যে গম্ হবর্ 21:16

ইয়েনি দেগিনে-শুনিনে তারা বিরক্ত ওইনে যীশুরে কলাক্, “তারা যিয়েন কদন্ সিয়েন তুই শুনোর্?” যীশু তারারে কলঅ, “অয়, শুনোঙর্। বোইয়োত্ তুমি কি কনদিন্অ ন-পড়: চিগোন্ পুয়ো-ঝি আর চিগোন্ চিজিগুনো কধানি ভিদিরে তুই নিজোত্তে বাঈনী গুরিবার্ বেবস্থা গোজ্যস্?”

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।

যিহোশূয় 6:17

শঅ‌র আর তা ভিদিরে বেক্কানি লগেপ্রভুর দিয়্যে ভস্তর্ অভিশাবর তলেদি। বানা বেশ্যে রাহব আর তা ঘরত্‌ যিদুক্কুন মানুচ্‌ রোইয়োন তারা বাঁজি থেবাক্‌, কিত্যে আমার পাদেয়্যে মানুচ্চুনোরে তে লুগেই রাগেয়্যে।

যিহোশূয় 6:21

তারা আত্যের্‌লোই মিলে-মরদ, পূঅ-বুড়ো, গোরু, ভেড়া ছাগল, গাধা সুদ্ধো বেক্‌ পরাণবলাগুনোরে শেজ্‌ গুরি দিলাক্‌।

১ শমূয়েল 15:3

ইক্কিনে তুই যেইনে অমালেকীয়গুনোরে আক্রমণ গুরিবে আর তারার্ যিয়েনি আঘে বেক্কানি ভস্ত গুরি ফেলেবে; তারা উগুরে কনঅ দোয়্যে ন-গুরিবে। তারার মিলে-মরদ, ঝি-পূঅ, দুধ-খাইদে চিগোন চিঝি, গোরু-ভেড়াছাগল, উট, গাধা বেক্কুন্‌ মারে ফেলেবে।’”

১ শমূয়েল 15:8

তে অমালেকীয়গুনোর রাজা অগাগরে জেদাবাদে ধুরিলো আর অন্য বেক্কুনোরে মারে ফেলেল।

১ শমূয়েল 15:9

মাত্তর্‌ শৌল আর তার সৈন্যগুনে অগাগরে বাঁজেই রাগেলাক্ আর অমালেকীয়গুনোর গম্‌ গম্‌ গোরুগুন, ভেড়াছাগলুন, পক্তা-মক্তা গোরুছঅগুন আর ভেড়াছাগল ছঅগুন, এক কধায় তারার যিয়েনি গম্‌ এলঅ সিয়েনি তারা বাঁজেই রাগেলাক্। সিয়েনিরে ভস্ত গুরি দেদে তারা রাজী ন-অলাক্, মাত্তর্‌ অকেজো আর পিড়েদোজ্যেগুনোরে তারা এক্কুবারে শেজ্‌ গুরি দিলাক্।

১ শমূয়েল 21:1

ইয়েনর্ পরেদি দায়ূদে নোব আদামত্‌ ধর্মগুরু অহীমেলক ইদু গেলঅ। অহীমেলকে সেক্কে দরে গির্‌গিরেদে গির্‌গিরেদে নিগিলিনে দায়ূদো মুজুঙোত্‌ এলঅ। তে দায়ূদোরে পুযোর্‌ গুরিলো, “তুই কিত্তে গায় গায়? কিত্তে তঅ সমারে আর কনজন নেই?”

১ শমূয়েল 22:11

এ কধাগান শুনিনে রাজা শৌল অহীটূবোর পূঅ ধর্মগুরু অহীমেলকরে আর তা বাবর্‌ বংশর মানুচ্চুনে, অত্তাৎ নোবর বেক্‌ ধর্মগুরুগুনোরে ডাগি আনিবাত্যে মানুচ্‌ পাদেল। তারা বেক্কুনে রাজার ইদু এলাক্।

১ শমূয়েল 22:9

ইদোমীয় দোয়েগে সে অক্তত্‌ শৌলর কামগুরিয়্যেগুনোর কায়-কুরে এলঅ। তে কলঅ, “মুই যিশয়র পূঅবোরে নোব আদামত্‌ অহীটূবোর্ পূঅ অহীমেলক ইদু যাদে দেখ্যং।