১ শমূয়েল 20:31 - Chakma Bible

³¹ যেদকদিন যিশয়র পূঅ এ পিত্‌থিমীত্‌ বাঁজি থেবঅ সেদকদিন তুই থির্ ন-থেবে, তর্‌ রেজ্যগান্অ থির্ ন-থেবঅ। সেনত্যেই ইক্কিনে মানুচ্‌ পাদেইনে তারে মইদু লোই আয়, তাত্তুন্‌ মরা পুরিবো।”

১ শমূয়েল 20:31 ပူးပေါင်းရင်းမြစ်များ

২ শমূয়েল 12:5

এ কধাগান শুনিনে দায়ূদে সে থাগোয়্যে মানুচ্চো উগুরে রাগে ফূলি উদিলো। তে নাথনরে কলঅ, “জেদা লগেপ্রভুর নাঙে কঙর্, যে মানুচ্চো এ কামান্‌ গোজ্যে তারে মারে ফেলানা উজিত্।

২ শমূয়েল 19:28

মঅ আজুর্‌ গুট্টিগুনে মঅ গিরোজ মহারাজ মুজুঙোত্ মরাণা উজিত্, মাত্তর্‌ তো তর্‌ যে মানুচ্চুনে তঅ টেবিলোত্‌ হেবাত্তে বোইনে তুই তর্‌ এ চাগর্‌‌বোরেয়ো তারা ভিদিরে এক্কান জাগা দুয়োচ্‌। সালে মহারাজ ইদু আর কোজোলি গুরিবার মর্‌ কি অধিকার আঘে?”

গীতসংহিতা 79:11

বন্দিগুনোর কানানিগানি তঅ কানত্ লুমোক্; যিগুনো উগুরে মরণর রায় দিয়্যে ওইয়্যে তর্ দাঙর্ বল্লোই তুই তারারে বাঁজা।

১ শমূয়েল 19:6

সেক্কে শৌল যোনাথনর কধানি শুনিনে শমক্ খেইনে কলদে, “জেদা লগেপ্রভুর দিব্য তারে মারে ফেলা ন-অবঅ।”

১ শমূয়েল 20:30

এ কধাগান শুনিনে শৌল যোনাথন উগুরে রাগে আগুন ওই গেলঅ। তে তারে কলঅ, “ও উল্লোমী মিলেবোর জারগো পূঅ! মুই কি হবর্‌ ন-পাং, তুই যিশয়র পূঅর পক্ষ লোইয়োচ্‌ আর সিয়েন্দোই তুই নিজো উগুরে আর তঅ মাবো উগুরে লাজ্‌ ডাগি আন্যচ্‌?

১ শমূয়েল 20:8

সেনত্যেই তুই ইক্কিনে মঅ উগুরে বিশ্বেজী অ, কিত্যে লগেপ্রভুরে সাক্ষী রাগেইনে তুই মঅ লগে এক্কো চুক্তি গোজ্যস্। মুই যুনি দুষ গুরি থাং সালে তুই নিজেই মরে মারে ফেলেচ্‌, তঅ বাব আঢত্‌ মরে তুলি দিবার দরকার কি?”

১ শমূয়েল 23:17

যোনাথনে কলঅ, “তুই ন-দোরেচ্‌; মঅ বাপ্পো শৌলর আঢত্‌ তুই ধরা ন-পরিবে। তুয়ই ইস্রায়েল দেজ উগুরে রাজগিরি গুরিবে, আর মর্‌ জাগায়ান্‌ অবঅ তর্‌ পরেন্দি। মর্‌ বাবায়ো সেই কধাগান হবর্‌ পাই।”

১ শমূয়েল 26:16

তুই যিয়েনি গোজ্যস্‌ সিয়েনি কনমতে ঠিগ্ ন-অয়। জেদা লগেপ্রভুর নাঙে কঙর্, তুই আর তর্‌ মানুচ্চুনোর মরাণা উজিত্, কিত্যে তমার্‌ গিরোজ্‌, যিবে লগেপ্রভুর অভিষেগ্ গোজ্যে মানুচ্‌, তারে শত্রুর বিপক্ষে তুমি চুগি দিইনে ন-রাগঅ। রাজার মাদাবো ইদু তার যে সেল্‌লো আর পানির পিলেবো এলঅ সিগুন্‌ কুদু?”