১ শমূয়েল 20:30 - Chakma Bible

³⁰ এ কধাগান শুনিনে শৌল যোনাথন উগুরে রাগে আগুন ওই গেলঅ। তে তারে কলঅ, “ও উল্লোমী মিলেবোর জারগো পূঅ! মুই কি হবর্‌ ন-পাং, তুই যিশয়র পূঅর পক্ষ লোইয়োচ্‌ আর সিয়েন্দোই তুই নিজো উগুরে আর তঅ মাবো উগুরে লাজ্‌ ডাগি আন্যচ্‌?

১ শমূয়েল 20:30 ပူးပေါင်းရင်းမြစ်များ

ইয়োব 5:2

হাঙেলেত্যে জ্ঞাননেইয়্যে মানুচ্চুনোরে শেজ্‌ গুরি দে আর ইংসে-নিন্দে বেদমা মানুচ্চুনোরে মারে ফেলায়।

গম্ উপদেজ্ 14:29

যে মানুচ্চো এনেবাদে রাগ্ ন-গরে তে বুদ্ধিবলা, মাত্তর্ যে মানুচ্চো অদাদৎ রাগ্ তুলে তে ভুলান্ ফগদাং গরে।

গম্ উপদেজ্ 15:2

জ্ঞানী মান্‌জ্যর মুয়োনে জ্ঞানান্ গমেডালে বেবহার গরে, মাত্তর্ জ্ঞাননেইয়্যে মুয়োনিত্তুন্ ভুল্-বেদমা গঙার ধোক্ক্যেন নিগিলি এজে।

গম্ উপদেজ্ 19:12

রাজার রাগ্‌কান সিংহ গুজুরোনি ধোক্ক্যেন্, মাত্তর্ তা দোয়্যেগান যেন ঘাস উগুরে পোজ্যে শিরোপানি।

গম্ উপদেজ্ 19:19

অমকদ রাগি মান্‌জ্যত্তুন্ সাজা পাহ্ পুরিবো; তারে একপল্লা রোক্ষ্যে গুরিলে বার্ বার্ গরা পুরিবো।

গম্ উপদেজ্ 21:24

বাড়্‌বো গুরিয়্যে আর অহংকারগুরিয়্যে মান্‌জ্যর নাঙান অলঅ “ঠাট্টা-মশ্‌কারিগুরিয়্যে”; তে অমকদ বাড়্‌বো গুরিনে কাম গরে।

গম্ উপদেজ্ 25:28

যে মানুচ্চো নিজোরে দোঙেই ন-পারে তে এবাবোত্যে শঅর ধোক্ক্যেন্ যিয়েনর দেবালান্ ভাঙি ফেলা ওইয়্যে।

গম্ উপদেজ্ 27:3

পাত্তরুন্ গুয়োর্ আর কোরোলীগানিয়ো গুয়োর্, মাত্তর্ বাজে মান্‌‌জ্যরে রাগ্ তুলি দিলে তে সেই দ্বিয়েনত্তুন্অ গুয়োর্ অবঅ।

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

ইফিষীয় 4:31

নানান্ বাবোত্যে কাঙেলেত্যে ফগদাং, মেজাজ দেগানা, রাগ, জোগার্ পারিনে কোজ্জ্যে গরানা, গেইল্ দেদি আর নানান্ বাবোত্যে ইংসে তমাত্তুন্ দূর্ গরঅ।

ইফিষীয় 6:4

তুমি যিগুনে বাপ, তুমি তমার পুয়ো-ছাগুনোরে তোচ্চ্যে ন-লাগেইয়ো, বরং প্রভুর শাসন আর শিক্ষ্যেই তারারে মানুচ্‌ গুরি তুলো।

১ শমূয়েল 20:29

তে মরে কোইয়্যেদে, ‘দোয়্যে গুরিনে মরে যেবাত্তে দে; আমার বংশর মানুচ্চুনে আদামত এক্কো উৎসর্বর অনুষ্ঠান গোজ্যন্‌ আর মঅ ভেইবো মরে সিয়েনত থেবাত্তে উগুম গোজ্যে। যুনি মঅ উগুরে তর্‌ মনত্‌ এক্কানা দোয়্যে থায় সালে মত্তুন্‌ যেইনে মর্‌ ভেইয়ুনোরে চেই এবাত্তে অনুমতি দে।’ সেনত্যেই তে মহারাজার খানাত্‌ ন-এজে।”

১ শমূয়েল 20:31

যেদকদিন যিশয়র পূঅ এ পিত্‌থিমীত্‌ বাঁজি থেবঅ সেদকদিন তুই থির্ ন-থেবে, তর্‌ রেজ্যগান্অ থির্ ন-থেবঅ। সেনত্যেই ইক্কিনে মানুচ্‌ পাদেইনে তারে মইদু লোই আয়, তাত্তুন্‌ মরা পুরিবো।”