১ শমূয়েল 20:21 - Chakma Bible

²¹ সে পরেন্দি এক্কো পূঅরে ইয়েন কোইনে পাধেই দিম্‌, ‘যাহ্, সেলুন্‌ তোগেই আন্‌।’ যুনি মুই তারে কং, ‘সেলুন তইন্দি আগন্‌, লোই আন,’ সালে তুই আদি এবে, কিত্যে জেদা লগেপ্রভুর দিব্য তুই গমেডালে আগজ্, তর্‌ কনঅ দর্‌ নেই।

১ শমূয়েল 20:21 ပူးပေါင်းရင်းမြစ်များ

যিরমিয় 12:16

যুনিয়ো তারা একদিন মঅ মানুচ্চুনোরে বাল দেবেদার নাঙে শমক্ গুরিবাত্তে শিগেয়োন তো যুনি তারা মঅ মানুচ্চুনোর পধেদি আঢন্ আর ‘জেদা লগেপ্রভুর নাঙে’ বিলি মঅ নাঙে শমক্ গরন, সালে তারা মঅ মানুচ্চুনো ভিদিরেত্তুন বর্ পেবাক্।

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

যিরমিয় 5:2

যুনিয়ো তারা হবর্ কন, ‘জেদা লগেপ্রভুর নাঙে,’ তো তারা মিজে গুরিনে শমক্ হান্।”

আমোষ 8:14

যিগুনে শমরিয়ার মূত্তিবো নাঙে শমক্ হেইনে কন্, ‘ও দান, তর্ জেদা দেবেদাবোর নাঙে,’ বা কন্, ‘বের্‌-শেবার জেদা দেবেদাবোর নাঙে,’ তারা পড়ি যেবাক্, আর কনদিন্‌অ ন-উদিবাক্।”

১ শমূয়েল 20:20

মুই যেনে কনঅ কিজু তাগ্ গুরিনে সেল্‌ মারঙর্‌ এধোক্ক্যেনগুরিনে সে পাত্তর্‌বো ইদু তিন্নো সেল্‌ মারিম্‌।

১ শমূয়েল 20:22

মাত্তর্‌ যুনি পূঅবোরে কং, ‘তর্‌ ইন্দি সেলুন্‌ আগন্‌,’ সালে তুই আদি যেচ্‌, বুঝিবে লগেপ্রভুই তরে আদি যেবাত্তে কর্‌।

১ শমূয়েল 20:36

তে পূঅবোরে কলঅ, “মুই যে সেল্‌লো মারিম্‌ তুই দাবা যেইনে সিবে তোগেই আন্‌।” পূঅবো যেক্কে দাবাদের্‌ সেক্কে তে পূঅবোরে ইরি দিইনে মুজুঙোন্দি সেল্‌লো মারিলো।