১ শমূয়েল 2:35 - Chakma Bible

³⁵ মাত্তর্‌ মুই মত্তে এক্কো বিশ্বেজি ধর্মগুরু বানেম্‌, যে মর্‌ মনান্‌ বুঝিনে মর্‌ আওজ্‌ মজিম কাম গুরিবো। মুই তার বংশবোরে থিদেবর্ গুরিম আর তে নিত্য মর্‌ অভিষেগ-গোজ্যে মানুচ্চুনোরে সেবা গুরিবো।

১ শমূয়েল 2:35 ပူးပေါင်းရင်းမြစ်များ

২ শমূয়েল 7:27

“ও বেগত্তুন্‌ খেমতাবলা লগেপ্রভু, ইস্রায়েলীয়গুনোর গোজেন, তুই তঅ চাগর্‌বো ইদু এ পৌইদ্যেনে ফগদাং গুরিনে কোইয়োচ্‌, ‘মুই তত্তে এক্কো বংশ যুক্কোল্ গুরিম।’ সেনত্তেই তইদু এ তবনাগান গুরিবাত্তে তর্‌ এ চাগরবোর্‌ মনত্‌ সাহস ওইয়্যে।

১ রাজাবলী 1:45

ধর্মগুরু সাদোক আর ভাববাদী নাথন গীহোনত্‌ তারে রাজপদথ্ অভিষেগ্ গোজ্যন। সিয়োত্তুন্‌ মানুচ্চুনে ফুত্তি গত্তে গত্তে ফিরি যেইয়োন আর শঅরত্‌ সেই বেজালান্‌ অর্‌। সেই রঅগুনোই তুমি শুনোর্‌।

১ রাজাবলী 1:8

মাত্তর্‌ ধর্মগুরু সাদোক যিহোয়াদারর পূঅ বনায়, ভাববাদী নাথন, শিমিয়ি, রেয়ি আর দায়ূদোর বীর যোদ্ধাগুনে আদোনিয়র পক্ষেন্দি ন-মিজেলাক্।

১ রাজাবলী 11:38

যুনি তুই মর্‌ উঘুম্‌ মজিম্ কাম্‌ গরচ্‌ আর মর্‌ পধেন্দি আদচ্‌ আর মর্‌ চাগর্‌ দায়ূদো ধোক্কেন্‌ মর্‌ সুদোম আর উগুমানি পালেইনে মঅ চোগেন্দি যিয়েনি ঠিগ সিয়েনি গরচ্‌ সালে মুই তঅ সমারে থেম্‌। মুই দায়ূদো ধোক্কেন্‌ তঅ বংশত্‌ রাজপদথ্‌ থিদেবর্ গুরি দিম্‌ আর তঅ আঢত্‌ ইস্রায়েলরে দিম্‌।

১ রাজাবলী 2:35

রাজা সেক্কে যোয়াবর জাগানত্‌ যিহোয়াদার পূঅ বনায়রে সেনাপতি ইজেবে নেযা অলঅ আর অবিয়াথরর জাগাত্‌ বোজেল ধর্মগুরু সাদোকরে।

১ বংশধর 29:22

সেদিন্যে তারা লগেপ্রভু মুজুঙোত্ অমকদ রংগ-ফুত্তি গুরিনে হানা-দানা গুরিলাক্‌। তারা দায়ূদো পুয়ো শলোমনরে এ দ্বিবার্‌ রাজা বিলিনে স্বীগের্‌ গুরিলাক্‌ আর তারে রাজা আর সাদোকরে ধর্মগুরু ইজেবে লগেপ্রভুর নাঙে অভিষেগ্ গুরিলাক্‌।

গীতসংহিতা 18:50

লগেপ্রভু তার্ রাজাবোরে ভালোকবার জিদেই দিয়্যে; অয়, তার্ অভিষেগ্ গোজ্যে মানুচ্চো উগুরে, দায়ূদ আর তার গুট্টিগুনো উগুরে, তে উমরত্তে তার থুম্ ন-ওইয়্যে কোচ্‌‌‌পানাগান্ দেগায়।

গীতসংহিতা 2:2

লগেপ্রভু আর তার্ মশীহর্ বিরুদ্ধে পিত্‌থিমীর রাজাগুনে একসমারে থিয়্যেদন্ আর শাজন্‌গুরিয়্যেগুনে গুমুরো তেম্মাং গত্তন্।

যাত্রা 1:21

সেই ওঝাগুনে গোজেনরে ভক্তি গুরিদাক্‌ বিলিনে তে তারার্‌ পূয়োগুন্দোই বংশ বাড়েই দিলো।

যিহিষ্কেল 34:23

মুই তারা উগুরে এক্কো গরগরে, অত্তাৎ মর্ চাগর্ দায়ূদোরে নেযেম; তে নিজেই তারারে দেগাশুনো গুরিবো আর তারার্ গরগ্ অবঅ।

গণাণা 25:13

তে তার্‌ গোজেনর্ পাওনা ভোক্তিগান পৌইদ্যেনে আওজী ওইনে ইস্রায়েলীয়গুনোর পাপ্পানি নাঢি দিবার্‌ কামান গোজ্যে বিলি মুই তাত্তে এধোক্ক্যেন সুদোম থিদেবর্ গোজ্যং যেনে ধর্মগুরুবোর্ পদ্‌তান্‌ তার্‌ আর তার্‌ বংশধরুনো ভিদিরে উমরত্যে ধুরি থায়।”

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

১ শমূয়েল 10:10

শৌল আর তার চাগর্‌ গিবিয়াতত্‌ লুুমিলে এক ঝাক্ ভাববাদী সমারে তারার দেগা অলঅ। সেক্কে গোজেনর আত্নাগানে শৌলরে পুরোপুরিভাবে নিজোর অধীনোত্ আনিলো, আর সেক্কে তে সেই ভাববাদীগুনোর মোধ্যে যেইনে গোজেনর দিয়্যে কধা কুয়ো ধুরিলো।

১ শমূয়েল 10:9

শমূয়েল ইত্তুন যেবার্ আজাই শৌলে ঘুরিনে থিয়্যেদে ন-থিয়্যেদে গোজেনে তার মনান্‌ বুদুলি দিলো। সেদিন্যেই চিহ্নো ইজেবে কোইয়্যে ঘটনাগানি ঘুদিলো।

১ শমূয়েল 12:3

মুই ইয়োদোই আগং; মর্‌ বিরুদ্ধে যুনি তমার কিজু কবার্‌ থায় সালে লগেপ্রভু আর তার অভিষেগ-গোজ্যে মানুচ্চোর মুজুঙোত্‌ সিয়েনিই কঅ। তুমি সাক্ষি দুয়ো, মুই কার্ বলত্তো বা কার্ গাধাবো অন্যেয়গুরি নেযেয়োং? মুই কার উগুরে অত্যেচার গোজ্যং? কার উগুরে বজং বেবহার গোজ্যং? কাত্তুন্‌ ঘুষ নেযেইনে মুয়োন বন্ধ গুরি রাগেয়োং? ইয়েনির কনগান যুনি মুই গুরি থাং সালে সিয়েনির ক্ষতিপূরণ দিম।”

১ শমূয়েল 16:13

শমূয়েলে সেক্কে তেলর বাঁশিবো নেযেইনে তা ভেইয়ুনোত্তুন্ তারে অভিষেগ গুরিলো। সে দিনোত্তুন্‌ ধুরি লগেপ্রভুর আত্মাগান দায়ূদো উগুরে এলঅ। ইয়েনর পরেন্দি শমূয়েলে রামাত্‌ ফিরি গেলঅ।

১ শমূয়েল 2:36

তর্‌ বংশত্‌ যিগুনে বাঁজি থেবাক্ তারা এক কট্টা রূবো আর এক্কান রুটিত্তে তাইদু এইনে মাদিত্‌ মাদা নিগিরিনে জু জু জানেবাক্ আর এক্কান ধর্মগুরু-পদ পেবাত্তে কোজোলী গুরিবাক্ যেনে তে কিজু খেই পায়।’”

১ শমূয়েল 25:28

তর্‌ চাগরানীবোর্‌ অন্যেয় তুই দোয়্যে গুরিনে ক্ষেমা গুরি দে। লগেপ্রভু হামাক্কায় মর্‌ গিরোজ্‌সোর্‌ বংশবোরে থিদেবর্ গুরি দিবো, কিত্যে তে লগেপ্রভুর পক্ষ ওইনে যুদ্ধো গোজ্যে। এচ্চ্যে সং তইদু কনঅ ভান্ন্যেই দেগা ন-যায় আর ন-যেবয়ো।

১ শমূয়েল 3:1

চিগোন চিঝি শমূয়েলে এলির অধীনোত্তুন্ লগেপ্রভুরে সেবা-কাম গরা ধুরিলো। সেই অক্তত্‌ লগেপ্রভুর কধানি খুব কম শুনো যেদঅ

১ শমূয়েল 7:9

সেক্কে শমূয়েলে এন্‌ এক্কো ভেড়াছাগলর ছঅ নেযেল যিবে দুধ ন-ছাড়ে আর গোদা ছঅবো দিইনে তে লগেপ্রভুর নাঙে এক্কো পুজ্যে-উৎসর্বর অনুষ্ঠান গুরিলো। তে ইস্রায়েলীয়গুনোর ওইনে লগেপ্রভুরে ডাগিলো আর লগেপ্রভুয়ো তারে জোব্ দিলো।

১ শমূয়েল 8:3

মাত্তর্‌ তারা তারার বাপ্পো ধোক্ক্যেন ন-চলিদাক্। তারা অন্যেয়গুরিনে ধন সোম্বোত্তি পেবার্‌ আজায়্‌ গম্‌ পথ্‌তান্‌ ছাড়ি দিলাক্। তারা ঘুষ নেযেইনে গমানরে ভান্ন্যেই আর ভান্ন্যেইয়ানরে গম্‌ বিলিনে রায় দিদাক্।

১ শমূয়েল 9:12

জোবত্‌ তারা কলাক্, “অয়, আঘে; আর এক্কেনা মুজুঙেন্দি উজেই যঅ। তুমি যাদিমাদি যঅ। তে এচ্চ্যেই আমা শঅরত্‌ এচ্চ্যে, কিত্যে উবোসনার উজু জাগানত্‌ এচ্চ্যে মানুচ্চুনে য়েমান-উৎসর্বর অনুষ্ঠান গুরিবাক্।

১ শমূয়েল 9:13

তুমি শঅরত্‌ সোমেলে তা সমারে তমার দেগা অবঅ। তুমি দেগিবা তে মুড়োমুড়ি উগুরে হেবাত্তে যার্‌। তে ন-যানা সং মানুচ্চুনে হানা-দানা ন-গুরিবাক্, কিত্যে তারে তাত্তুন্‌ উৎসর্বর জিনিসছানি বর্‌ দিয়্যে পুরিবো; সে পরেন্দি যিগুনোরে ডাগা ওইয়্যে তারা হেবাক্। তুমি ইক্কিনেই উদি যঅ, ইক্কিনেই তার দেগা পেবা।”