১ শমূয়েল 2:32 - Chakma Bible

³² তুই মর্‌ ঘরর্‌ তামাজা চেই পেবে। ইস্রায়েলীয়গুনোরে যেদক্‌ ভালেদি মুই গুরিদুং সাৎ তর্‌ বংশর কনজনে কনদিন্অ বুড়ো অয় সং বাঁজি ন-পারিবাক্।

১ শমূয়েল 2:32 ပူးပေါင်းရင်းမြစ်များ

সখরিয় 8:4

যগাজ্যে বয়জর্ মরদ্ আর মিলেগুনে আরঅ যিরূশালেমর খুলো জাগাত্ বোইনে সময় কাদেবাক্ আর বেশ্ বয়জ্ অনার কারনে তারার্ পত্তিজন আঢত্ লুদিক্ থেবঅ।

১ শমূয়েল 2:33

তো তর্‌ বংশর বেক্কুনোরে মুই মর্‌ পূজোবোত্তুন বাদ ন-দিম যেনে তারাত্যে চোগো পানিলোই তর্‌ দিগিবার খেমতাগান্ কুমি যায় আর তুই মনত্‌ দুঘ পাজ্; আর তর্‌ বংশর বেক্‌ মানুচ্চুনে গাবুজ্যে বয়জত্‌ মুরি যেবাক্।

১ শমূয়েল 4:11

গোজেনর সাক্ষ্য-সুন্দুক্কো শত্রুগুনে নেযেলাক্। এলির দ্বিবে পূঅ হফ্‌নি আর পীনহসে মারা পড়িলাক্।

১ শমূয়েল 4:22

তে কলঅ, “ইস্রায়েলীয়গুনোর বাঈনী গরানাগান্ গেলগোই, কিত্যে গোজেনর সুন্দুক্কো শত্রুগুনোর আঢত্‌ যেইয়্যে।”

১ শমূয়েল 4:4

সেনত্যেই তারা শীলোত মানুচ্‌ পাদেইনে দুনিয়ের গিরোজ্‌ লগেপ্রভু, যিবে দ্বিবে করূবোর সংমোধ্যে থায়, তার সাক্ষ্য-সুন্দুক্কো আনিলাক্। গোজেনর সেই সাক্ষ্য-সুন্দুগোর্ লগে এলাক এলির দ্বিবে পূঅ, হফ্‌নি আর পীনহসে।