১ শমূয়েল 2:27 - Chakma Bible

²⁷ একদিন্যে গোজেনর এক্কো মানুচ্ এলির ইদু এইনে কলঅ, লগেপ্রভু কত্তে, তর্‌ পুরোণি মানুচ্চুনে যেক্কে মিসরত্‌ ফরৌণর অধীনোত এলাক সেক্কে তারা ইদু কি মুই নিজোরে আভাংপাং গুরি ফগদাং ন-গরং?

১ শমূয়েল 2:27 ပူးပေါင်းရင်းမြစ်များ

১ রাজাবলী 13:1

এ্যমান্‌ উৎসর্বত্তে যারবিয়ামে যেক্কে ডালিপূজোবো ইদু থিয়্যেই এলঅ সেক্কে লগেপ্রভুর কধামজিম্‌ গোজেনর্‌ ইক্কো মানুচ্‌ যিহূদাত্তুন্‌ বৈথেলত্‌ লুমিলো।

১ রাজাবলী 2:27

এসাইন্যাগুরি শলোমনে অবিয়াথররে লগেপ্রভুর ধর্মগুরু পধত্তুন্‌ সোরেই দিলো। লগেপ্রভু শীলোত্‌ এলির গুট্টিগুনো পৌইদ্যেনে যিয়েনি কোইয়্যে তার্‌ সেই কধানি এবাবোত্যেগুরি পূরোণ অলঅ।

যাত্রা 12:1

পরেদি লগেপ্রভু মিসর দেজত্‌ মোশি আর হারোণরে কলঅ,

যাত্রা 12:43

পরেদি লগেপ্রভু মোশি আর হারোণরে কলঅ‌, উদ্ধোর্‌-পরবর্‌ ভেড়া ছাগলর ছঅবো পৌইদ্যেনে কদক্কানি সুদোম্‌ মুই তমারে দুয়োঙর্। অন্য কনঅ‌ জাদর্‌ মানেই এই এরাগান্‌ হেই ন-পারিবাক্‌।

যাত্রা 4:27

ইয়েন পরেদি লগেপ্রভু হারোণরে কলঅ, “ধূল্যেচর-চাগালাত্‌‌ যেইনে তুই মোশি লগে দেগা গর্‌।” সেক্কে তে গেলঅ আর গোজেন মুড়োবোত্‌ মোশিরে দেগিনে তারে চুমিলো।

দ্বি’লম্বর বিররণ 33:1

গোজেনর মানুচ্‌ মোশি মরাণার আগেন্দি ইস্রায়েলীয়গুনোরে ইয়েন কোইনে আশিদ্‌বাদ গুরিলো,

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

২ পিতর 1:21

কিয়া ভাববাদীগুনে তারার্ আওজ্ মজিম কনঅ কধা ন-কন্; পবিত্র আত্মালোই পরিচালিত ওইনে তারা গোজেনর্ দিয়্যে কধানি কোইয়োন।

বিচের গুরিয়্যেগুন 13:6

মিলেবো সেক্কে তার নেক্কো ইদু যেইনে কলঅ, “গোজেনর্‌ এক্কো মানুচ্‌ মইদু এচ্চ্যে। গোজেনর্‌ দূদো ধোক্কেন্‌ তা চেঙেরাগান, তারে দেগিলে অমহদ দর্‌ গরে। তে কুত্তুন্‌ এচ্চ্যে সিয়েন মুই তারে পুযোর্‌ ন-গরং আর তেইয়ো তা নাঙান্‌ মরে ন-কয়।

১ শমূয়েল 3:12

মুই এলির বংশর পৌইদ্যেনে যিয়েনি কঙর্‌ সিয়েনির পোইল্যেত্তুন ধুরি যেরেন্দি সং বেক্কানিই এলির বিরুদ্ধে পূরোণ গুরিম।

১ শমূয়েল 9:4

শৌলে সেক্কে সিগুনোরে তোগাদে তোগাদে ইফ্রয়িমর মুড়ো-মুুড়ি বামত্‌ আর শালিশা বামর্‌ ভিদিরেন্দি গেলঅ, মাত্তর্‌ সিগুনোরে ন-পেলঅ। সে পরেন্দি তারা শালীম বামান ইন্দি গেলঅ, মাত্তর্‌ গাধীগুনোরে সিদুয়ো পাহ্ ন-গেলঅ। সে পরেন্দি তারা বিন্যামীনীয়গুনোর বামত্‌ গেলাক্, আর সিদুয়ো সিগুনোরে ন-পেলঅ।

১ শমূয়েল 9:6

মাত্তর্‌ সেই চাগরবো তারে কলঅ, “চাহ্, এই শঅরত্‌ গোজেনর এক্কো মানুচ্‌ থায়। তারে বেক্কুনে সর্মান গরন্‌ আর তে যিয়েনি কয় সিয়েনি হামাক্কায় ঘদে। আদিচ্‌, আমি ইক্কিনে সিদু যেই। তে অয়ত কোই দি পারিবো কন্‌ পদেন্দি আমাত্তুন্‌ যাহ্ পুরিবো।”