১ শমূয়েল 19:8 - Chakma Bible

⁸ সে পরেন্দি আরঅ যেক্কে যুদ্ধো আরাম্ভ ওই গেলঅ সেক্কে দায়ূদে নিগিলি এইনে পলেষ্টীয়গুনো সমারে যুদ্ধো গুরিবাত্তে গেলঅ। তে তারার্‌ এদক মান্‌জ্যরে মারে ফেলেল, তারা তার মুজুঙোত্তুন্‌ ধেই গেলাক্।

১ শমূয়েল 19:8 ပူးပေါင်းရင်းမြစ်များ

১ রাজাবলী 20:21

ইস্রায়েলর রাজা উজেই যেইনে বাদবাগি ঘোড়া আর রথ্‌তানি ভস্ত গুরি দিলো আর অরামীয়গুনোরে অমকদ ক্ষোতি গুরিলো।

গীতসংহিতা 27:3

সৈন্য দলুনেয়ো যুনি মরে ঘিরিনে ধরন্, তো মর্ মনত্ দর্‌বুগ্ ন-লাগিবো; যুনি মঅ বিরুদ্ধে যুদ্ধোয়ো আরম্ভ অয় তো সেক্কেনে মুই নিচিদে থেম্।

১ শমূয়েল 18:14

লগেপ্রভু সমারে এলঅ বিলিনে তে বেক্কানিত্‌ বুদ্ধির পরিচয় দিইনে সফলতা লাভ গরা ধুরিলো।

১ শমূয়েল 18:30

ইয়েনর্ পরেন্দি পলেষ্টীয়গুনোর সেনাপতিগুনে যুদ্ধো গুরিবাত্তে নিগিলি এজা ধুরিলাক্। যেদকবার্‌ তারা নিগিলি এলাক্ সেদকবারই শৌলর অন্য কামগুরিয়্যেগুনোত্তুন্‌ দায়ূদে বেশ্ বুদ্ধির পরিচয় দিইনে সফলতা লাভ গুরিলো। সেক্কে তার অমকদ সুনাম অলঅ।

১ শমূয়েল 19:7

পরেন্দি যোনাথন দায়ূদোরে ডাগিনে তারে বেক্‌ কধানি জানেল। তে তারে শৌল ইদু নেযেল আর দায়ূদে আগঅ ধোক্ক্যেন্‌ শৌলর্‌ ইদু রলঅ।

১ শমূয়েল 19:9

পরেন্দি লগেপ্রভুর ইত্তুন্‌ এক্কান্‌ ভান্ন্যেই আত্মা শৌল উগুরে এলঅ। শৌল সেক্কে তার্‌ ঘরত্‌ বোইদে এলঅ আর তা আঢত্‌ এক্কো সেল্‌ এলঅ, আর দায়ূদে বীণা বাজার্‌।

১ শমূয়েল 23:5

দায়ূদে সেক্কে তা মানুচ্চুনোরে নেযেইনে কিয়ীলাদত্‌ গেলাক্ আর পলেষ্টীয়গুনোর লগে যুদ্ধো গুরিনে তারার গোরু -ভেড়া বেক্কুন আনিলাক্। তে পলেষ্টীয়গুনোর বোউত্‌ মান্‌জ্যরে মারে ফেলেইনে কিয়ীলার মানুচ্চুনোরে রোক্ষ্যে গুরিলো।