১ শমূয়েল 19:20 - Chakma Bible

²⁰ এ কধাগান শুনিনে তে দায়ূদোরে ধুরি আনিবাত্তে মানুচ্‌ পাধেই দিলো। সে মানুচ্চুনে যেইনে দেগিলাক্ এক ঝাক্‌ ভাববাদী শমূয়েলর অধীনোত্‌ গোজেনর কধা কদন্‌। গোজেনর আত্মাগানে সেক্কে শৌলর মানুচ্চুনো উগুরেয়ো এলঅ আর তারায়ো ভাববাদী ইজেবে গোজেনর কধা কুয়ো ধুরিলাক্।

১ শমূয়েল 19:20 ပူးပေါင်းရင်းမြစ်များ

যোয়েল 2:28

সে পরেদি মুই বেক্ মানুচ্চুনো উগুরে মঅ আত্মাগান ঢালি দিম। সেক্কে তঅ পুয়োগুনে আর ঝিগুনে ভাববাদী ইজেবে গোজেন কধা কবাক্, তমা বুড়ো মানুচ্চুনে স্ববন দেগিবাক্ আর তমা গাবুজ্যেগুনে দর্শন পেবাক্।

গণাণা 24:2

তে চেইনে দেগিলোদে, ইস্রায়েলীয়গুনোর্‌ নানান্‌ বাবোত্ত্যে গুট্টির্‌ তাম্বুলানি এক্কানর পর এক্কান্‌ তাঙেয়্যে আঘে। সেক্কে গোজেনর্‌ আত্মাগান তা উগুরে এলঅ,

যোহন 7:32

মানুচ্চুনে যে যীশু পৌইদেনে এ বেক্কানি কুয়োকি গত্তন্ সিয়েনি ফরীশীগুনে শুনিলাক্। সেক্কে আজল্ ধর্মগুরুগুনে আর ফরীশীগুনে যীশুরে ধুরিবাত্যে কয়েক্কো চাগররে পাধেই দিলাক্।

১ করিন্হীয় 14:3

মাত্তর্ ভাববাদী ইজেবে যে কধা কয় তে মান্‌জ্য ইধু এমন্‌ কধা কয় যিয়েনি তারারে গড়েই তুলে আর উচ্চোমি আর সান্তনা দে।

১ শমূয়েল 10:10

শৌল আর তার চাগর্‌ গিবিয়াতত্‌ লুুমিলে এক ঝাক্ ভাববাদী সমারে তারার দেগা অলঅ। সেক্কে গোজেনর আত্নাগানে শৌলরে পুরোপুরিভাবে নিজোর অধীনোত্ আনিলো, আর সেক্কে তে সেই ভাববাদীগুনোর মোধ্যে যেইনে গোজেনর দিয়্যে কধা কুয়ো ধুরিলো।

১ শমূয়েল 19:11

দায়ূদো উগুরে নজর্‌ রাগেবাত্যে শৌল তার ঘরত্‌ মানুচ্‌ পাধেই দিলো যেনে তারকেল্যে বেন্যে তারে মারে ফেলা অয়। মাত্তর্‌ তা মোক্কো মীখল তারে বেক্কানি জানেইনে কলঅ, “এচ্চ্যে রেদোত্‌ তুই যুনি পরাণান্‌দোই ধেই ন-যাচ্‌ সালে কেল্যেই তুই মারা পুরিবে।”

১ শমূয়েল 19:14

দায়ূদোরে ধুরিবাত্তে শৌল মানুচ্‌ পাদেলে মীখলে কলঅ, “তে অসুখ্‌।”

১ শমূয়েল 19:19

শৌল হবর্‌ পেলদে, দায়ূদে রামার নায়োৎ আদামত্‌ আঘে।

১ শমূয়েল 19:21

শৌলরে সেই হবরান জানেলে তে আরঅ মানুচ্‌ পাদেল মাত্তর্‌ তারায়ো যেইনে ভাববাদী ইজেবে গোজেনর কধা কুয়ো ধুরিলাক্। শৌল তিনবার মানুচ্‌ পাদেল আর তারায়ো যেইনে ভাববাদী ইজেবে গোজেনর কধা কুয়ো ধুরিলাক্।