19 শৌল হবর্ পেলদে, দায়ূদে রামার নায়োৎ আদামত্ আঘে।
যে শাজন্গুরিয়্যেবো মিজে কধা শুনে তার বেক চাগরি গুরিয়্যেগুন পাজি।
ইন্দি দায়ূদে ধেই যেইনে পরাণান বাজেল। তে রামাত্ শমূয়েল ইদু গেলঅ আর শৌলে তা উগুরে যিয়েনি গোজ্যে সিয়েনি বেক্কানিই তারে জানেল। ইয়েনর্ পরেন্দি দায়ূদে আর শমূয়েলে যেইনে নায়োৎ আদামত্ যেইনে বজত্তি গরা ধুরিলো।
এ কধাগান শুনিনে তে দায়ূদোরে ধুরি আনিবাত্তে মানুচ্ পাধেই দিলো। সে মানুচ্চুনে যেইনে দেগিলাক্ এক ঝাক্ ভাববাদী শমূয়েলর অধীনোত্ গোজেনর কধা কদন্। গোজেনর আত্মাগানে সেক্কে শৌলর মানুচ্চুনো উগুরেয়ো এলঅ আর তারায়ো ভাববাদী ইজেবে গোজেনর কধা কুয়ো ধুরিলাক্।
ইন্দি সীফ আদামর্ মানুচ্চুনোরে গিবিয়াতত্ শৌল ইদু যেইনে কলঅ, “দায়ূদে আমা ভিদিরে লুগি আঘে। তে হরেশ ইদু যিশীমোনর দোগিণেন্দি হখীলা মুড়োবোর তাম্বুলো ধোক্ক্যেন জাগায়ানিত্ থায়।
পরেন্দি সীফোর মানুচ্চুনে গিবিয়াদত্ শৌলর ইদু যেইনে কলাক্, “যিশীমোনর ইদু হখীলা মুড়োবোত্ দায়ূদে পৌল্যেই আঘে।”
