১ শমূয়েল 18:4 - Chakma Bible

⁴ তে তার কিয়্যে উগুরে লাম্বা সিলুম্মো খুলিনে দায়ূদোরে দিলো, আর তার যুদ্ধোর পোজাক্কানি, এন কি, তার তলোয়ারান, ধনুগান আর কমর-বাননিগান্অ তারে দিলো।

১ শমূয়েল 18:4 ပူးပေါင်းရင်းမြစ်များ

পত্থম 41:42

সে পরেদি ফরৌণে নিজো আদত্তুন্‌ সীলমর দিয়্যে আংদিক্কো খুলিনে যোষেফ আদত্‌ পিনেই দিলো। তে তারে দোল কাবর্‌ পিনে দিনেই তা গত্তনাত্‌ এক্কো সোনার নেগেলেস্‌ দিলো।

২ শমূয়েল 1:22

মুরি যেইয়্যে মানুচ্চুনোর্‌ লোগানি আর বীর মানুচ্চুনোর য়েরা ন-পেলে যোনাথনর ধনুগান ফিরি ন-এদঅ; ঈল্‌ ন-ওইনে শৌলর লাম্বা ছুড়িগান ফিরি ন-এদঅ।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিহিষ্কেল 23:15

কমরত্ তারার্ কমর্ বিজোনি, মাঢা উগুরে খবং; তারা বেক্কুন্ চাদে বাবিল দেজর্ সেনাপতিগুনো ধোক্ক্যেন্।

লূকে লেখ্যে গম্ হবর্ 15:22

মাত্তর্ তা বাবে তা চাগরুনোরে কলঅ, যাদিমাদি গুরি বেগত্তুন্ গম্ সুলুম্মো আনিনে তারে উরে দো। তা আঢত্ আন্দিক্ আর ঠেঙত্ জদা পিনেই দুয়ো,

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

১ শমূয়েল 17:38

ইয়েন কোইনে শৌল তার নিজোর গারিকাবড়ান্‌ দায়ূদরে উরেই দিলো। তে তার মাঢাবোত্‌ পিদলর তোক্ক্যে দিলো আর কিয়্যেত্‌ দিলো যুদ্ধোর সাজ্‌গুজ্‌।

১ শমূয়েল 18:5

শৌল দায়ূদোরে যিয়েনত্‌ পাধেদ দায়ূদে সিয়েনত্‌ যেদঅ আর বুদ্ধির পরিচয় দিইনে সফলতা লাভ গুরিদো। সেনত্যেই শৌল তারে সৈন্যদলর এক্কো সেনাপতি বানেল। সেক্কে বেক্‌ মানুচ্চুনে হুজি অলাক্ আর শৌলর কামগুরিয়্যেগুনেয়ো হুজি অলািক্।