১ শমূয়েল 18:16 - Chakma Bible

¹⁶ মাত্তর্‌ ইস্রায়েল আর যিহূদার বেক্‌ মানুচ্চুনে দায়ূদোরে কোচ্‌পেদাক্‌, কিত্যে সৈন্যদলর নেতা ওইনে তে তারারে পরিচালনা গুরিদো।

১ শমূয়েল 18:16 ပူးပေါင်းရင်းမြစ်များ

২ শমূয়েল 5:2

ইয়েনর্ আগেন্দি যেক্কে শৌল আমা রাজা এলঅ সেক্কে যুদ্ধোর্‌ অক্তত্‌ তুয়ই ইস্রায়েলীয়গুনোর সৈন্যগুন পরিচালনা গোজ্যস্‌; আর লগেপ্রভু তরে কোইয়্যেদে যেনে তুয়ই তা মানুচ্চুনোরে, অত্তাৎ ইস্রায়েলীয়গুনোরে দেগাশুনো গুরিবে আর তারার্‌ নেতা অবে।”

১ রাজাবলী 3:7

“ও মর্‌ গোজেন্‌ লগেপ্রভু, মর্‌ বাপ্পো দায়ূদোর জাগানত্‌ তুই ইক্কিনে তর্‌ চাগর্‌বোরে রাজা বানেয়োচ্‌। মাত্তর্‌ মর্‌ বয়জ্‌ছান অমকদ কম্‌, সেনত্তেই হবর্‌ ন-পাং কেধোক্ক্যেন্‌গুরি মর্‌ কামানি পালন্‌ গরা পুরিবো।

ইষ্টের 10:3

রাজা অহশ্বেরশর পরেন্দি যিহূদী মর্দখয়র পোজিশনান্ এলদে দ্বিলম্বরত্‌। তার্‌ বেক্‌ জাদ-ভেইয়ূনে তারে সর্মান আর কোচ্‌পানার চোগেন্দি দেগিদাক্‌, কিত্যে তে তা মানুচ্চুনোর ভালেদিত্তেই কাম্‌ গোজ্যে আর বেক্‌ যিহূদীগুনে গমেডালে থেবাত্তে চেট্ট্যা গোজ্যন্।

লূকে লেখ্যে গম্ হবর্ 19:48

মাত্তর্ কিবাবোত্যেগুরি সিয়েন গুরিবাক্ সিয়েনর্ কনঅ পথ তারা তোগেই ন-পেলাক্, কিয়া মানুচ্চুনে মন্ দিইনে তার বেক্ কধানি শুনিদাক্।

লূকে লেখ্যে গম্ হবর্ 20:19

ধর্ম-মাষ্টরুনে আর আজল্ ধর্মগুরুগুনে যীশুরে সেই জাগানত্ ধুরিবাত্তে চেলাক্, কিয়া তারা বুঝিলাক্ যে, সেই কধাগান্ যীশু তারা বিরুদ্ধে কোইয়্যে; মাত্তর্ তারা মানুচ্চুনোরে দোরেলাক্।

১ শমূয়েল 18:13

সেনত্যে শৌল দায়ূদোরে নিজোর কায়-কুরেত্তুন্‌ সোরেই দিলো আর তারে সৈন্যদলর্‌ আজার উগুরে নেতা ইজেবে নেযেল। সেক্কে দায়ূদে সৈন্যদলর নেতা ওইনে তারারে পরিচালনা গরা ধুরিলো।

১ শমূয়েল 18:15

দায়ূদে বেশ্ সফলতা লাভ গুরিলো দেগিনে শৌল তারে দর্‌গরেদে চোগেন্দি দেগা ধুরিলো।

১ শমূয়েল 18:5

শৌল দায়ূদোরে যিয়েনত্‌ পাধেদ দায়ূদে সিয়েনত্‌ যেদঅ আর বুদ্ধির পরিচয় দিইনে সফলতা লাভ গুরিদো। সেনত্যেই শৌল তারে সৈন্যদলর এক্কো সেনাপতি বানেল। সেক্কে বেক্‌ মানুচ্চুনে হুজি অলাক্ আর শৌলর কামগুরিয়্যেগুনেয়ো হুজি অলািক্।