১ শমূয়েল 17:50 - Chakma Bible

^50-51 সেক্কে দায়ূদে ধাবা যেইনে সেই পলেষ্টীয়বো ইদু থিয়্যেল আর তার লাম্বা কিরিচ্ছানর খাবত্তুন্‌ টানি নিগিলেনে তারে মারে ফেলেল আর তার মাঢাবো কাবি নেযেল। এধোক্ক্যেনগুরি দায়ূদে বানা এক্কো ফিংগা আর এক্কো পাত্তর্‌‌লোই সেই পলেষ্টীয়বোরে ওদেই দিলো। তার আঢত্‌ কনঅ লাম্বা কিরিচ্‌ ন-থেলেয়ো তে সেই পলেষ্টীয়বোরে আঘাত গুরিলো আর তারে মারে ফেলেল। পলেষ্টীয়গুনে যেক্কে দেগিলাক্, তারার আজল্‌ বীরবো মুরি যেইয়্যে সেক্কে তারা ধেই যাহ্ আরাম্ভ গুরিলাক্।

১ শমূয়েল 17:50 ပူးပေါင်းရင်းမြစ်များ

বিচের গুরিয়্যেগুন 15:15

সেক্কে তে লগেলগ্‌ মুরি যেইয়্যে গাধার এক্কো গাল দাঁত পেইনে সিবে আঢত্‌ নিলো আর সিবেলোই এক আজার মান্‌জ্যরে মারে ফেলেল।

বিচের গুরিয়্যেগুন 3:31

এহূদর পরেন্দি অনাতর পূঅ শম্‌গরে শাজন্‌গুরিয়্যে অলঅ। তে গোরু চোরেইয়্যে লুদিক্কোই পলেষ্টীয়গুনোরে ছয়শঅ মান্‌জ্যরে মারে ফেলেয়োন্‌। তেইয়ো ইস্রায়েলীয়গুনোরে রোক্ষ্যে গুরিলো।

১ শমূয়েল 13:22

সেনত্তেই যুদ্ধোর সময়োত্‌ দেগা গেলদে, শৌল আর তার পূঅ যোনাথন বাদে তারা সমারে কনঅ সৈন্যর আঢত্‌ তলোয়ার বা শেল্‌ নেই।

১ শমূয়েল 17:39

দায়ূদে তার পযাক্কান উগুরেন্দি শৌলর লাম্বা কিরিচ্‌ছান বাঁনিনে আঢিবাত্তে চেট্টা গুরিলো, কিত্যে আগেন্দি তে সেধোক্ক্যেন কনদিন্অ ন-উরে। তে শৌলরে কলদে, “ইয়েনি উরিনে মুই যেই ন-পারিম, কিত্যে এর আগেন্দি মুই কনদিনঅ ইয়েনি ন-উরোং।” ইয়েন কোইনে তে সিয়েনি খুলি ফেলেল।

১ শমূয়েল 17:49

আর তার থৈল্যেবোত্তুন্‌ এক্কো পাত্তর্‌ লোইনে ফিংগাবোত্‌* বোজেনে ঘুরোদে ঘুরোদে সেই পলেষ্টীয়বোর কবালত্‌ সিবে ইদে মেল দিলো। পাত্তর্‌বো তার কবালত্‌ বোই গেলে তে মুয়োন্‌ বেঙা ওইনে মাদিত্‌ পুড়ি গেলঅ।

১ শমূয়েল 19:5

তে তার পরাণানরে নেযেইনে সেই পলেষ্টীয়গুনোরে মারে ফেলেয়্যে, আর লগেপ্রভু বেক্‌ ইস্রায়েলীয়গুনোরে জদবদে জিদেনাগান্ দান গোজ্যে; তুই দঅ সিয়েনি দেগিনে হুজি ওইয়োচ্‌। সালে ইক্কিনে তুই এনেবাদে দায়ূদোরে মারে ফেলেইনে কিত্তে একজন দুষ নেইয়্যে মান্‌জ্যর্‌ লো ঝোরেইনে তার বিরুদ্ধে পাপ গুরিবে?”

১ শমূয়েল 21:9

ধর্মগুরুবো কলঅ, “এলা কিঝিঙোত্‌ তুই যে পলেষ্টীয় গলিয়াতরে মারে ফেলেয়োচ্‌ তার লাম্বা ছুড়িগান ইয়েনত্‌ আঘে। সিয়েন এফোদর পিজেন্দি কাবড়লোই বানি রাগা ওইয়্যে। মন চেলে তুই সিবে নেযেই পারচ্‌। সিবে বাদে আর কনঅ লাম্বা ছুড়ি ইয়েনত্‌ নেই।” দায়ূদে কলঅ, “সিয়েন ধোক্ক্যেন তলোয়ার আর কুদু আঘে? সিয়েনই মরে দে।”

১ শমূয়েল 23:21

জোবত্‌ শৌলে কলঅ, “লগেপ্রভু তমারে আশিদ্‌বাদ গোরোক্‌, কিত্যে মত্যে তমার মেয়্যে আঘে।