১ শমূয়েল 17:47 - Chakma Bible

⁴⁷ যিদুক্কুন মানুচ্‌ এচ্চ্যে ইয়েনত্‌ আগন্‌ তারায়ো জানি পারিবাক্, লগেপ্রভু কনঅ লাম্বা কিরিচ্‌ বা শেল্‌ দিইনে উদ্ধোর্ ন-গরে, কিত্যে এই যুদ্দোগান লগেপ্রভুর; আর তে আমা আঢত্‌ তমারে তুলি দিবো।”

১ শমূয়েল 17:47 ပူးပေါင်းရင်းမြစ်များ

২ রাজাবলী 5:15

সেক্কে নামানে আর তা লগে যেইয়্যে বেক্‌ মানুচ্চুনে গোজেনর মানুচ্চুনোর্‌ ইদু ফিরি গেলাক্‌। নামানে তা মুজুঙোত্‌ থিয়্যেইনে কলদে, “মুই ইক্কিনে হবর্‌ পেলুং, বানা ইস্রায়েলর গোজেন বাদে গোদা দুনিয়েগানত্‌ আর কনঅ গোজেন নেই। ইক্কিনে তুই তঅ চাগের্‌বোত্তুন্‌ বক্‌শিস্‌ছান গুজি লঅ।”

২ বংশধর 14:11

সেক্কে আসা তার্‌ গোজেন লগেপ্রভুরে ডাগিনে কলঅ, “ও লগেপ্রভু, তুই যেধোক্ক্যেন বোলী মানুচ্চুনোরে বল্‌ দি থাচ্‌ সেধোক্ক্যেন দঅ বল্‌নেইয়্যে মানুচ্চুনোরেয়ো বল্‌ দি পারচ্‌। সেনত্তেই ও আমা গোজেন্‌ লগেপ্রভু, আমারে বল্‌ দে, কিত্তে আমি তঅ উগুরে বিশ্বেজ্‌ গুরিই আর তর্‌ নাঙে আমি এ দাঙর্‌ সৈন্যদল বিরুদ্ধে এচ্ছ্যেই। ও লগেপ্রভু, তুয়ই আমার্‌ গোজেন, মানুচ্চুনোরে তর্‌ বিরুদ্ধে জিদিবাত্তে ন-দিস্‌।”

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

হোশেয় 1:7

মাত্তর্ যিহূদার মানুচ্চুনোরে দোয়্যে গুরিম আর তারারে উদ্ধোর্ গুরিম। সেই উদ্ধোর ধনুগান, লাম্বা ছুরিগান্ বা যুদ্ধো বা ঘোড়াবলা দিইনে ন-অবঅ, বরং মুই তারার্ গোজেন লগেপ্রভু তারারে উদ্ধোর্ গুরিম।”

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

রোমীয় 8:37

মাত্তর্ যিবে তমারে কোচ্‌পায়, তা মাধ্যমে ইয়েনির্ ভিদিরেদিয়ো আমি পুরোপুরি জিত্তেই।

যিহোশূয় 10:8

লগেপ্রভু যিহোশূয়রে কলঅ‌, “তুই তারারে ন-দোরেচ্‌; মুই তারারে তঅ‌ আঢত্‌ তুলি দুয়োং। তারা কনজনে তঅ মুজুঙোত্‌ থিয়্যেই ন-পারিবাক্‌।”

১ শমূয়েল 14:6

যোনাথনে তার বন্দুক বোইয়্যে গাবুজ্যেবোরে কলদে, “আদঅ, আমি উই পারত্‌ সেই চুনুগুলোবো তনা ন-গোজ্যে মানুচ্চুনোর তাম্বুলোত্‌ যেই। অয়ত লগেপ্রভু আমাত্তে কিজু গুরিবো, কিত্যে তে তার নিজোর মনে মন্‌‌জক্কাগুরি কম মানুচ্চোই ওক্‌ বা বেশ্‌ মানুচ্চোই ওক্‌ জিদি যেই পারে।”

১ শমূয়েল 18:17

শৌল একদিন্যে দায়ূদোরে কলঅ, “মর্‌ দাঙর্‌ ঝিবো মেরবরে মুই তত্তেই বৌ দিম্‌। তুই বানা মর্‌ পক্ষেন্দি বীরো ধোক্ক্যেন লগেপ্রভুত্তে যুদ্ধো গুরিবাক্।” মাত্তর্‌ শৌলর মনর্‌ কধাগান এলদে ইয়েন, তে দায়ূদো উগুরে আত্তান্‌ ন-তুলিলেয়ো দায়ূদে যেনে পলেষ্টীয়গুনোর আঢত্‌ মারা পড়ে।