১ শমূয়েল 17:45 - Chakma Bible

⁴⁵ সেক্কে দায়ূদে সেই পলেষ্টীয়বোরে কলঅ, “তুই মইদু এজত্তে লাম্বা কিরিচ্‌, শেল্‌ আর ছুড়িলোই, মাত্তর্‌ মুই তইদু এজঙর্‌ পুরো খেমতার অধিকারী লগেপ্রভু, ইস্রায়েলীয় সৈন্যদলুনোর গোজেনর নাঙান্দোই, যিবেরে তুই ঘিনেয়োচ্‌।

১ শমূয়েল 17:45 ပူးပေါင်းရင်းမြစ်များ

২ বংশধর 14:10

সেক্কে আসা তা বিরুদ্ধে নিগিলিলো আর দ্বিবে দলে মারেশার ইদু সফাথা কিজিঙোত্‌ যুদ্ধোত্তে যুক্কোল্‌ অলাক্‌।

২ বংশধর 32:8

তা লগে আগন্‌ বানা মান্‌জ্যর্‌ বলানি, মাত্তর্‌ আমারে বল্‌ দিবাত্তে আর আমা পক্ষেদি যুদ্ধো গুরিবাত্তে আমা লগে আগে আমা গোজেন লগেপ্রভু।” মানুচ্চুনে যিহূদার রাজা হিষ্কিয়র কধাগান শুনিনে তা কধা উগুরে বিশ্বেজ্ গুরিলাক্‌।

গীতসংহিতা 124:8

লগেপ্রভু, যিবে আগাজ আর পিত্‌থিমীগান বানেয়্যে, তাত্তুনই আমার এজালান্ এজে।

গীতসংহিতা 18:2

লগেপ্রভু মর্ অজল্ মুড়ো, মর্ ঘর আর মর্ উদ্ধোর্ গুরিয়্যে; মর্ গোজেন মর্ অজল্ মুড়ো, তাইদু মুই আশ্রয় নেযাং। তেয়ই মর্ ঢাল, মর্ রোক্ষ্যেগুরিয়্যে শিং, মর্ অজল্ আশ্রয়-জাগা।

গীতসংহিতা 20:8

তারা তলে পোজ্যন্, তারা পড়ি যেইয়োন, মাত্তর্ আমি মাঢাবো তুলিনে থিয়্যেই আগিই।

গীতসংহিতা 3:8

উদ্ধোর্ গরানা লগেপ্রভুর্ কাম। তঅ নিজো মানুচ্চুনো উগুরে তঅ আশিদ্‌বাদ্‌তান লামি এজোক্।

গীতসংহিতা 44:6

মর্ ধনুগান উগুরে মুই বিশ্বেজ্ ন-গরং, মর্ লাম্বা ছুড়িগানে মরে জিদেই দি ন-পারে;

গম্ উপদেজ্ 18:10

লগেপ্রভুর দরমর ঘর ধোক্ক্যেন্; গোজেন ভক্ত মান্‌জ্যে সিয়েনত্ যেইনে রোক্ষ্যে পায়।

যিশাইয় 37:23

তুই কারে অসর্মান্ গোজ্যস্? কা বিরুদ্ধে তুই অগমানর্ কধা কোইয়োচ্? তুই কা বিরুদ্ধে রঅ চাজ্যস্ আর বাড়্‌বো গুরিনে চোগেদি রিনি চেইয়োচ্? ইস্রায়েলর সেই পবিত্র মানুচ্চোর্ বিরুদ্ধে তুই ইয়েনি গোজ্যস্।

যিশাইয় 37:28

মাত্তর্ তুই কুদু থাচ্ আর কক্কে এজস্ বা যাচ্ আর কেধোক্ক্যেন্ গুরি মঅ বিরুদ্ধে রাগ্ গরচ্ সিয়েনি বেক্কানি মুই হবর্ পাং।

২ করিন্হীয় 10:4

সাধা-সিধে মান্‌জ্যে যেদক্কানি আত্যের্‌লোই যুদ্ধো গরন্ আমি সিয়েনিলোই যুদ্ধো ন-গুরির্, মাত্তর্ গোজেনর্ খেমতালোই আমার্ দরমর দেবাল ঘিজ্যে আত্যেরানি ভাঙি ফেলেই পারে।

২ করিন্হীয় 3:5

মাত্তর্ সিয়েনর্ অত্তগান ইয়েন নয় যে, আমার্ নিজোত্তুন্ কনঅ কিজু গুরিবার্ খেমতা আঘে বিলিনে আমি দাবী গুরি পারিই, বরং আমার সেই যোগ্যতাগান্ গোজেনত্তুন্ এজে।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

১ শমূয়েল 17:10

সেই পলেষ্টীয়বো আরঅ কলঅ, “মুই এচ্চ্যে ইস্রায়েলর সৈন্যদলুনোরে ঘিনেইনে কঙর্‌, মর্‌ লগে যুদ্ধো গুরিবাত্তে তুমি এক্কো মানুচ্‌ দুয়ো।”

১ শমূয়েল 17:26

যে মানুচ্চুনে কায়-কুরে থিয়্যেইয়োন্‌ দায়ূদে তারারে পুযোর্ গুরিলো, “যে এই পলেষ্টীয়বোরে মারে ফেলেইনে ইস্রায়েলীয়গুনো উগুরেত্তুন্‌ এই অসর্মানান্‌ কাদেই দিবো সিয়েন উগুরে কি গরা অবঅ? এই চুনুগুলোবোর মাদাগান তনা ন-গোজ্যে পলেষ্টীয়বো কন্না, যে জেদা গোজেনর্‌ সৈন্যদলুনোরে ঈচ্ গরে?”

১ শমূয়েল 17:36

সিংহ, ভালুক দ্বিবে তর্‌ এই চাগর্‌‌বো আঢত্‌ মারা পোজ্যন, আর এই চুনুগুলোবোর মাদাগান তনা ন-গোজ্যে পলেষ্টীয়বোর দযাগান্অ সিগুনো ধোক্ক্যেন অবঅ, কিত্যে তে জেদা গোজেনর সৈন্যদল্লোরে ঈচ্ গোজ্যে।”

১ শমূয়েল 17:6

তার আঢুবোত্তুন্‌ ধুরি টেঙ্‌অ পাদা সং পিদোল্লোই বেড়েইয়্যে এলঅ, আর তার কাঁনাধ্‌ এলদে পিদোলর্‌ কিরিচ্‌।