১ শমূয়েল 17:28 - Chakma Bible

²⁸ দায়ূদোর দাঙর্ ভেই ইলীয়াব মানুচ্চুনো সমারে তার কধাবাত্তানি কদে শুনিনে রাগে ফুলি উদিলো। তে কলদে, “তুই কিত্তে ইদু এচ্ছোস্? ধূল্যেচর-চাগালার্‌ ভেড়াছাগলুনোরে কাইদু রাগেইনে এচ্চোস্? তর্‌ দেমাক্ আর মনর্‌ পাজি কধানি মত্তুন্‌ জানা আঘে। তুই যুদ্ধো চেবাত্তে এচ্ছোচ্ছে, নয় নি?”

১ শমূয়েল 17:28 ပူးပေါင်းရင်းမြစ်များ

পত্থম 37:11

ইয়েন পরেদি যোষেফ উগুরে তা ভেইয়ুনো মনানি ইংসেই ভুরি উদের্, মাত্তর্‌ তা বাবে কধানি মনত্‌ গাদেই রাগেল, কাররে ন-কলঅ।

পত্থম 37:4

ভেইয়ুনে যেক্কে বুঝিলাক, বাব্‌পো তারাত্তুন্‌ যোষেফরে বেজ্ কোচ্‌পায় সেক্কে তারা তারে ইংসে গরা ধুরিলাক্। তারা কনঅ কধা তাল্লোই গমে ডালে ন-কদাক্‌।

পত্থম 37:8

সেক্কে তা ভেইয়ুনে তারে কলাক্, “তুই কি ঘেচ্চেক্‌গুরি চিদে-গরর্‌ তুই রাজা অবে আর আমা উগুরে উগুম গুরিবে?” ইঙিরিনে তা স্ববনান্ আর তা কধাত্তে তা ভেইয়ুনে তারে আরঅ বেজ্ ইংসে গরা ধুরিলাক্।

২ বংশধর 11:18

রহবিয়ামে দায়ূদো পুয়ো যিরীমোতর ঝি মহলতরে লল। মহলতর মা অবীহয়িলে এলদে যিশয়র পুয়ো ইলীয়াবর ঝি।

গীতসংহিতা 35:11

অত্যেচারিগুনে মিজে সাক্ষি দিবাত্তে উজেই এত্তন্, আর মুই যিয়েনি হবর্ ন-পাং সে পৌইদ্যেনে মরে পুযোর্ গত্তন্।

গম্ উপদেজ্ 18:19

ভেইলোই অগমান্ ওইয়্যে ভেই দরমর শঅরত্তুন্ বেশ্ দর; আর কোল্-কোজ্যে রাজঘর গেদোর দরমর লাগাড়াবো ধোক্ক্যেন্।

গম্ উপদেজ্ 27:4

রাগ্ জিনিস্‌‌চান চিৎনপুজ্যে আর দাঙর্ বান পানি ধোক্ক্যেন্, মাত্তর্ ইংসে-নিন্দে মুজুঙোত্ কনজনে থিয়্যেই থেই ন-পারে।

উপদেশক 4:4

মুই দেগিলুং, পাড়াল্যেগুনো উগুরে ইংসের্ কারনে মান্‌জ্যে বেক্ কামানি গরন্ আর ফোলেই পারন্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

মথি লেখ্যে গম্ হবর্ 10:36

এক্কো মান্‌জ্যর নিজো গিরি মানুচ্চুনে তার্ শত্রু অবাক্।

মথি লেখ্যে গম্ হবর্ 27:18

পীলাতে গমেডালে হবর্ পেদঅ যে ইহূদী নেতাগুনে ইংসে গুরিনে যীশুরে তা আঢত্ তুলি দুয়োন্।

মার্ক 3:21

যীশুর নিজো মানুচ্চুনে এ হবরান্ শুনিনে তারে নিগিলেই নিবাত্তে এলাক্। তারা কলাক্, “তে পাগল ওই যেইয়্যে।”

যিহূদা 1:10

মাত্তর্ এই ভন্ড মাষ্টরুনে যিয়েন ন-বুঝোন সে পৌইদ্যেনে ভান্ন্যেই কধা কন্ আর বুদ্ধিনেইয়্যে এ্যামানুনো ধোক্ক্যেন নিজোত্তুন্ যিয়েন বুঝোন সিয়েন্দোই ভস্ত অন্।

১ শমূয়েল 16:13

শমূয়েলে সেক্কে তেলর বাঁশিবো নেযেইনে তা ভেইয়ুনোত্তুন্ তারে অভিষেগ গুরিলো। সে দিনোত্তুন্‌ ধুরি লগেপ্রভুর আত্মাগান দায়ূদো উগুরে এলঅ। ইয়েনর পরেন্দি শমূয়েলে রামাত্‌ ফিরি গেলঅ।

১ শমূয়েল 16:7

মাত্তর্‌ লগেপ্রভু শমূয়েলরে কলঅ, “তার চেঙারাগান কেধোক্ক্যেন বা তে কু্‌দ্দুর লাম্বা সিয়েন তুমি চেবাত্তে ন-যেয়ো, কিত্যে মুই তারে এলাফেলা গোজ্যং। মান্‌জ্যে যিয়েন দেগিদাক সাৎ সিয়েন্দোই কিচ্ছু ন-অবঅ, কিত্যে মান্‌জ্যে দেগন্দে বারেন্দি চেঙারাগান্‌ মাত্তর্‌ লগেপ্রভু চাইদে মনান্‌।”

১ শমূয়েল 17:29

দায়ূদে কলঅ, “আঃ, মুই কি গুরিলুঙে? মুই দঅ বানা এক্কান কধা পুযোর্ গোজ্যং।”