১ শমূয়েল 17:22 - Chakma Bible

²² সেক্কে দায়ূদে তার পযাপিরানি চুগিদারবো ইদু রাগেইনে দাবা যেইনে সৈন্যদলুনো ভিদিরে সুমিনে ভেইয়ুনোরে পুযোর্ গুরিলো, তারা কেন্‌জান্ আগন্‌।

১ শমূয়েল 17:22 ပူးပေါင်းရင်းမြစ်များ

পত্থম 37:14

ইস্রায়েলে তারে আরঅ কলঅ, “তঅ ভেইয়ুনে আর ছাগল-ভেড়াগুন কি অবস্থাই আগন্‌ তুই যেইনে সে হবরান্‌ আন।” ইয়েন্‌ কোইনে তে যোষেফরে হিব্রোণ কিঝিঙোত্তুন্‌ পাদেল। যোষেফে যেক্কে শিখিমোত্‌ যেইনে লুমিলোগোই সেক্কে এক্কো মানুচ্‌ তারে মাঢ ভিদিরে ঘুরোঘুরি গত্যে দেগিনে পুযোর্‌ গুরিলো, “তুই কি তগর্?”

২ শমূয়েল 11:7

ঊরিয় এজানার্‌ পরেন্দি দায়ূদে তারে যোয়াব আর সৈন্যগুনোর গম্‌-বজং হবরানি আর যুদ্ধো কেন্‌জান্ চলের্‌ সিয়েনি পুযোর্‌ গুরিলো।

যাত্রা 18:7

হবর্‌ পেইনে মোশি তার্‌ শুয়োরবোলোই দেগা গুরিবাত্তে নিগিলি এলঅ‌। তে তারে জু জু জানেল আর চুমিলো। তারা একজনে আর একজনর্‌ খবরাখবর লোইনে তাম্বুল ভিদিরে গেলাক্।

যিশাইয় 10:28

তারা অয়াত ইদু চোমেয়োন্, মিগ্রোণান্ পার ওই যেইয়োন্; তারা মিক্‌‌মসত তারার্ পযাপিরানি থোই যেইয়োন্।

বিচের গুরিয়্যেগুন 18:15

এই কধাগান শুনিনে তারা মীখার ঘরত্‌ সে লেবীয় গাবুজ্যেবোর গুদিবোত্‌ গেলাক্‌ আর সিবের গম-ভাজ্‌ন্যেয়র্‌ হুদিশ্‌ নিলাক্‌।

বিচের গুরিয়্যেগুন 18:21

মানুচ্চুনে তারার চিগোন ঝি-পূঅ, এ্যমানপাল আর তারার অন্য পজাপিরানি দলর মুজুঙেন্দি রাগেইনে সিয়োত্তুন গেলাক্‌।

১ শমূয়েল 17:21

ইস্রায়েলীয়গুনে আর পলেষ্টীয়গুনে যুদ্ধো গুরিবাত্তে মুজুঙো-মুজুঙি তারার সৈন্যগুন সাজেলাক্।

১ শমূয়েল 25:5

দায়ূদে তা ইদু দশজন গাবুজ্যে পাদেল আর তারারে কলঅ, “তুমি কর্মিলোত্‌ নাবলর্ ইদু যেবা আর মর্‌ ওইনে তারে ভালেদি জানেবা আর কবা, ‘তর্‌, তর্‌ গিরির্‌ মানুচ্চুনোর আর তর্‌ বেক্কানিত্‌ ভালেদি ওক্।’

১ শমূয়েল 30:21

যে দ্বিশত মানুচ্‌ বল্‌পোজ্যে ওইনে দায়ূদোর্‌ লগে যেই ন-পারন, যিগুনোরে বিষোর খাট্টোঙান ইদু ফেলেই যাহ্ ওইয়্যে, দায়ূদে তারা ইদু ফিরি এলঅ। সে মানুচ্চুনে দায়ূদ আর তা সমারে মানুচ্চুনোরে উজেই নিবাত্তে এচ্চ্যে। দায়ূদ আর তার মানুচ্চুনে তারার্‌ ইদু যানার্‌ পরেন্দি দায়ূদে তারারে উদো ললঅ।