১ শমূয়েল 16:4 - Chakma Bible

⁴ শমূয়েলে লগেপ্রভুর কধা মজিম কাম্‌ গুরিলো। তে যেক্কে বৈৎলেহমত্‌ আঝিল্ অলঅ সেক্কে আদামর্‌ বুড়ো মাই-মুরুব্বীগুনে দরে গির্‌গিরাদে গির্‌গিরাদে তার লগে দেগা গুরিবাত্তে এলাক্। তারা পুযোর্ গুরিলাক, “তুই কি শান্তির মনভাব লোইনে এচ্ছোস?”

১ শমূয়েল 16:4 ပူးပေါင်းရင်းမြစ်များ

পত্থম 35:19

রাহেলে মুরি যানার পরেদি ইফ্রাথত্‌, অত্তাৎ বৈৎলেহমত্‌ যেবার পদথ্‌ তারে গোর্ দিয়্যে অলঅ।

পত্থম 48:7

পদ্দনত্তুন্‌ নিগিলিনে কনান দেজর্ ইফ্রাথত্তুন্‌ কিজু দূরোত্‌ থাগদে রাহেলে মুরি যেইয়্যে, সেনত্তে মুই খুব দুখ্‌ পেলুং। ইফ্রাথ পধথ্‌, অত্তাৎ বৈৎলেহম পধথ্‌ মুই তারে গোর্ দুয়োং।

২ শমূয়েল 6:9

দায়ূদে সেদিন্যে লগেপ্রভুরে অমকদ দোরেল। তে কলঅ, “লগেপ্রভুর সুন্দুক্কো সালে কিঙিরিনে মইদু আনা যেবঅ?”

১ রাজাবলী 17:18

মিলেবো সেক্কে এলিয়রে কলঅ, “ও গোজেনর্ মানুচ্‌, মুই তর্‌ কি ক্ষতি গোজ্যং? তুই কি মরে মর্‌ পাপর্‌ কধাগান্‌ মনে গুরি দিবাত্তে আর মর্‌ পূঅবোরে মারে ফেলেবাত্তে এচ্ছোস্‌?”

১ রাজাবলী 2:13

পরেন্দি হগীতোর পূঅ আদোনিয় শলোমনর্ মা বৎশেবার ইদু গেলঅ। বৎশেবা তারে পুযোর্‌ গুরিলো, “তুই কি গম্‌ মন্দোই এচ্ছোস্‌?” তে কলঅ, “অয়, গম মন্দোই এচ্ছোং। তরে মত্তুন্‌ কিজু কবার্‌ আঘে।” বৎশেবা কলদে, “কঅ।”

২ রাজাবলী 9:22

যোরামে যেহূরে দেগিনে পূযোর্‌ গুরিলো, “যেহূ, তর্ এজানার্‌ উদ্দেশ্যগান্‌ গম্‌ দঅ?” জোবত্‌ যেহূ কলঅ, “তর্‌ মাবো ঈষেবলর মূত্তিপূজো আর যাদুবিদ্যের কামানি যেক্কে এদক্‌ বেশ্‌ চলের্‌ সেক্কে মর্‌ এজানার্‌ উদ্দেশ্যগান কেন্‌জানগুরিনে গম্‌ ওই পারে?”

হোশেয় 11:10

তঅ মানুচ্চুনে মঅ পিজে পিজে যেবাক্, কিত্যে মুই সিংহ ধোক্ক্যেন ডাগিম। মুই ডাগানার্ পরেদি মঅ পুয়ো-ছাগুনে পোজিমেত্তুন্ গির্‌‌‌গিরাদে গির্‌‌‌গিরাদে এবাক্।

হোশেয় 6:5

সেনত্তে মঅ ভাববাদীগুনোরে দিইনে মুই তমারে কট্টা কট্টা গুরি কাপ্যং, মঅ মুয়ো কধালোই তমারে মারে ফেল্যং; মর্ বিচেরর্ রায় তমা উগুরে কারেন ধোক্ক্যেন ঝিমিলেই উঠ্যে।

লূকে লেখ্যে গম্ হবর্ 2:4

যোষেফে অলদে রাজা দায়ূদো গুট্টির মানুচ্। রাজা দায়ূদো জর্মর্ জাগায়ান্ এলঅ যিহূদিয়া রেজ্যর্ বৈৎলেহম আদামত্। সেনত্তে যোষেফে নাঙ্ লিগিবাত্তে গালীল রেজ্যর্ নাসরত্ আদামত্তুন্ বৈৎলেহম আদামত্ গেলঅ। মরিয়মেয়ো তা সমারে সিধু গেলঅ। ইবে সমারে যোষেফর্ মেলা ঠিগ্ ওইয়্যে। সে অক্তত্ মরিয়মে পিদিলী এলঅ আর বৈৎলেহমত্ থাগদে তা পুয়োবো জোর্মেবার্ অক্ত অলঅ।

লূকে লেখ্যে গম্ হবর্ 5:8

ইয়েন্ দেগিনে শিমোন-পিতরে যীশু মুজুঙোত্ মাঢা নিগিড়ি পুড়িনে কলাক্, “প্রভু, মুই পাপী; মত্তুন্ যাগোই।”

লূকে লেখ্যে গম্ হবর্ 8:37

সেক্কে গাদারীয়গুনো চাগালাত্ বেক্ মানুচ্চুনে যীশুরে তারাত্তুন্ যেবাত্তে কোজোলী গুরিলাক্, কিয়া তারা অমকদ দোরেয়োন্। সেক্কে যীশু ফিরি যেবাত্তে নত্ উদিলো।

১ শমূয়েল 21:1

ইয়েনর্ পরেদি দায়ূদে নোব আদামত্‌ ধর্মগুরু অহীমেলক ইদু গেলঅ। অহীমেলকে সেক্কে দরে গির্‌গিরেদে গির্‌গিরেদে নিগিলিনে দায়ূদো মুজুঙোত্‌ এলঅ। তে দায়ূদোরে পুযোর্‌ গুরিলো, “তুই কিত্তে গায় গায়? কিত্তে তঅ সমারে আর কনজন নেই?”