১ শমূয়েল 16:22 - Chakma Bible

²² পরেন্দি শৌল যিশয়রে কোই পাদেল, “দায়ূদরে মর্‌ কামত্‌ অদে অদে থেবাত্তে দে, কিত্যে তারে মত্তুন্‌ গম্‌ লাক্কে।”

১ শমূয়েল 16:22 ပူးပေါင်းရင်းမြစ်များ

পত্থম 30:27

মাত্তর্‌ লাবনে তারে কলঅ, “যুদি মঅ উগুরে তমার কনঅ বেজার্ অবার্‌ কারন ন-থায়্‌ সালে ন-যেয়ো। নানান্ বাবোত্যে লক্ষণত্তুন্‌ মুই বুঝি পারঙত্তে, তমাত্তে লগেপ্রভু মরে বর্‌ দিয়্যে।”

পত্থম 39:4

সেক্কে যোষেফে তার গম্‌চোগেদি দেগিলো আর তে তারে তার্‌ নিজো চাগর্‌ ইজেবে নেযেল। তার ঘর-সংসার্ আর বেক্‌ সোম্বোত্তিগানি চেবার্‌ খেমদাগান্‌ তে তা উগুরে দিলো।

গীতসংহিতা 131:1

ও লগেপ্রভু, মঅ মনান্ বাড়্‌বো নয়, মঅ চোগ্‌কুনোত্ বাড়্‌বোর্ ভাব নেই; যিয়েনি দাঙর্ আর আগাত্যে কাম মর্ গরানা সম্ভব নয় সিয়েনিলোই মুই মাধা ন-ঘামাং।

দানিয়েল 1:5

রাজা তা হানাত্তুন্ তারারে পত্তিদিনোর্ যগাজ্যে হানা অার আংগুর-রস দিবার উগুম দিলো। এবাবোত্যেগুরি তারারে তিন বজর্ শিক্ষ্যে দেনার পরেদি তারা রাজার্ কামত্ লাগিবাক্।

দ্বি’লম্বর বিররণ 1:38

মাত্তর্‌ তর্‌ এজাল্‌ দিয়্যে নূনোর পূঅ যিহোশূয় সুমিবো। তুই যিহোশূয়রে উচ্ছোমি তুলি দে, কিত্যে তেয়ই দেজ্‌ছান গজক্ গুরিনে ইস্রায়েলীয়গুনোর্‌ অধিকার্‌ ইজেবে দিবো।

১ শমূয়েল 16:21

দায়ূদে শৌলর ইদু এইনে তা কামত্‌ অদে অদে থেলঅ। শৌল তারে অমহদ কোচ্‌পা ধুরিলো আর তে শৌলর এক্কো বন্দুক বোইয়্যে অলঅ।

১ শমূয়েল 16:23

গোজেন ইত্তুন্‌ যেক্কে সেই ভান্ন্যেই আত্মাগান শৌল উগুরে এদঅ সেক্কে দায়ূদে তার বিণাবো বাজেদ। সেক্কে শৌলর গম্‌ লাগিদো আর তে শান্তি পেদঅ, আর সেই ভান্ন্যই আত্মাগানেয়ো তারে ছাড়িনে যেদগোই।